| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
12. දුතියසඞ්‌ඝභෙදකවග්‌ගො
12. Dutiyasaṅghabhedakavaggo
460. ‘‘කතිහි නු ඛො, භන්‌තෙ, අඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො’’ති? ‘‘පඤ්‌චහුපාලි, අඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති , අවිනයං විනයොති දීපෙති, විනයං අවිනයොති දීපෙති, අවිනිධාය දිට්‌ඨිං කම්‌මෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
460. ‘‘Katihi nu kho, bhante, aṅgehi samannāgato saṅghabhedako na āpāyiko na nerayiko na kappaṭṭho na atekiccho’’ti? ‘‘Pañcahupāli, aṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti , avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ kammena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය දිට්‌ඨිං උද්‌දෙසෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ uddesena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය දිට්‌ඨිං වොහරන්‌තො. ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ voharanto. Imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය දිට්‌ඨිං අනුස්‌සාවනෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ anussāvanena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය දිට්‌ඨිං සලාකග්‌ගාහෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය ඛන්‌තිං කම්‌මෙන…පෙ.… අවිනිධාය ඛන්‌තිං උද්‌දෙසෙන…පෙ.… අවිනිධාය ඛන්‌තිං වොහරන්‌තො…පෙ.… අවිනිධාය ඛන්‌තිං අනුස්‌සාවනෙන…පෙ.… අවිනිධාය ඛන්‌තිං සලාකග්‌ගාහෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya khantiṃ kammena…pe… avinidhāya khantiṃ uddesena…pe… avinidhāya khantiṃ voharanto…pe… avinidhāya khantiṃ anussāvanena…pe… avinidhāya khantiṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි , උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය රුචිං කම්‌මෙන…පෙ.… අවිනිධාය රුචිං උද්‌දෙසෙන…පෙ.… අවිනිධාය රුචිං වොහරන්‌තො…පෙ.… අවිනිධාය රුචිං අනුස්‌සාවනෙන…පෙ.… අවිනිධාය රුචිං සලාකග්‌ගාහෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො.
‘‘Aparehipi , upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya ruciṃ kammena…pe… avinidhāya ruciṃ uddesena…pe… avinidhāya ruciṃ voharanto…pe… avinidhāya ruciṃ anussāvanena…pe… avinidhāya ruciṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘අපරෙහිපි, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො. කතමෙහි පඤ්‌චහි? ඉධුපාලි, භික්‌ඛු අධම්‌මං ධම්‌මොති දීපෙති, ධම්‌මං අධම්‌මොති දීපෙති, අවිනයං විනයොති දීපෙති, විනයං අවිනයොති දීපෙති, අවිනිධාය සඤ්‌ඤං කම්‌මෙන…පෙ.… අවිනිධාය සඤ්‌ඤං උද්‌දෙසෙන…පෙ.… අවිනිධාය සඤ්‌ඤං වොහරන්‌තො…පෙ.… අවිනිධාය සඤ්‌ඤං අනුස්‌සාවනෙන…පෙ.… අවිනිධාය සඤ්‌ඤං සලාකග්‌ගාහෙන – ඉමෙහි ඛො, උපාලි, පඤ්‌චහඞ්‌ගෙහි සමන්‌නාගතො සඞ්‌ඝභෙදකො න ආපායිකො න නෙරයිකො න කප්‌පට්‌ඨො න අතෙකිච්‌ඡො’’ති.
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya saññaṃ kammena…pe… avinidhāya saññaṃ uddesena…pe… avinidhāya saññaṃ voharanto…pe… avinidhāya saññaṃ anussāvanena…pe… avinidhāya saññaṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho’’ti.
දුතියසඞ්‌ඝභෙදකවග්‌ගො නිට්‌ඨිතො ද්‌වාදසමො.
Dutiyasaṅghabhedakavaggo niṭṭhito dvādasamo.
තස්‌සුද්‌දානං –
Tassuddānaṃ –
අවිනිධාය දිට්‌ඨිං කම්‌මෙන, උද්‌දෙසෙ වොහරෙන ච;
Avinidhāya diṭṭhiṃ kammena, uddese voharena ca;
අනුස්‌සාවනෙ සලාකෙන, පඤ්‌චෙතෙ දිට්‌ඨිනිස්‌සිතා.
Anussāvane salākena, pañcete diṭṭhinissitā.
ඛන්‌තිං රුචිඤ්‌ච සඤ්‌ඤඤ්‌ච, තයො තෙ පඤ්‌චධා නයා.
Khantiṃ ruciñca saññañca, tayo te pañcadhā nayā.
හෙට්‌ඨිමෙ කණ්‌හපක්‌ඛම්‌හි, සමවීසති විධී යථා;
Heṭṭhime kaṇhapakkhamhi, samavīsati vidhī yathā;
තථෙව සුක්‌කපක්‌ඛම්‌හි, සමවීසති ජානථාති.
Tatheva sukkapakkhamhi, samavīsati jānathāti.
