| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
11. து³தியஸங்க⁴பே⁴த³ஸிக்கா²பத³வண்ணனா
11. Dutiyasaṅghabhedasikkhāpadavaṇṇanā
417-8. தேன ஸமயேன பு³த்³தோ⁴ ப⁴க³வாதி து³தியஸங்க⁴பே⁴த³ஸிக்கா²பத³ங். தத்த² அனுவத்தகாதி தஸ்ஸ தி³ட்டி²க²ந்திருசிக்³க³ஹணேன அனுபடிபஜ்ஜனகா. வக்³க³ங் அஸாமக்³கி³பக்கி²யவசனங் வத³ந்தீதி வக்³க³வாத³கா. பத³பா⁴ஜனே பன ‘‘தஸ்ஸ வண்ணாய பக்கா²ய டி²தா ஹொந்தீ’’தி வுத்தங், தஸ்ஸ ஸங்க⁴பே⁴தா³ய பரக்கமந்தஸ்ஸ வண்ணத்தா²ய ச பக்க²வுட்³டி⁴அத்தா²ய ச டி²தாதி அத்தோ². யே ஹி வக்³க³வாத³கா, தே நியமேன ஈதி³ஸா ஹொந்தி, தஸ்மா ஏவங் வுத்தங். யஸ்மா பன திண்ணங் உத்³த⁴ங் கம்மாரஹா ந ஹொந்தி, ந ஹி ஸங்கோ⁴ ஸங்க⁴ஸ்ஸ கம்மங் கரோதி, தஸ்மா ஏகோ வா த்³வே வா தயோ வாதி வுத்தங்.
417-8.Tena samayena buddho bhagavāti dutiyasaṅghabhedasikkhāpadaṃ. Tattha anuvattakāti tassa diṭṭhikhantiruciggahaṇena anupaṭipajjanakā. Vaggaṃ asāmaggipakkhiyavacanaṃ vadantīti vaggavādakā. Padabhājane pana ‘‘tassa vaṇṇāya pakkhāya ṭhitā hontī’’ti vuttaṃ, tassa saṅghabhedāya parakkamantassa vaṇṇatthāya ca pakkhavuḍḍhiatthāya ca ṭhitāti attho. Ye hi vaggavādakā, te niyamena īdisā honti, tasmā evaṃ vuttaṃ. Yasmā pana tiṇṇaṃ uddhaṃ kammārahā na honti, na hi saṅgho saṅghassa kammaṃ karoti, tasmā eko vā dve vā tayo vāti vuttaṃ.
ஜானாதி நோதி அம்ஹாகங் ச²ந்தா³தீ³னி ஜானாதி. பா⁴ஸதீதி ‘‘ஏவங் கரோமா’’தி அம்ஹேஹி ஸத்³தி⁴ங் பா⁴ஸதி. அம்ஹாகம்பேதங் க²மதீதி யங் ஸோ கரோதி, ஏதங் அம்ஹாகம்பி ருச்சதி.
Jānātinoti amhākaṃ chandādīni jānāti. Bhāsatīti ‘‘evaṃ karomā’’ti amhehi saddhiṃ bhāsati. Amhākampetaṃ khamatīti yaṃ so karoti, etaṃ amhākampi ruccati.
ஸமேதாயஸ்மந்தானங் ஸங்கே⁴னாதி ஆயஸ்மந்தானங் சித்தங் ஸங்கே⁴ன ஸத்³தி⁴ங் ஸமேது ஸமாக³ச்ச²து, ஏகீபா⁴வங் யாதூதி வுத்தங் ஹோதி. ஸேஸமெத்த² பட²மஸிக்கா²பதே³ வுத்தனயத்தா உத்தானத்த²த்தா ச பாகடமேவ.
Sametāyasmantānaṃ saṅghenāti āyasmantānaṃ cittaṃ saṅghena saddhiṃ sametu samāgacchatu, ekībhāvaṃ yātūti vuttaṃ hoti. Sesamettha paṭhamasikkhāpade vuttanayattā uttānatthattā ca pākaṭameva.
ஸமுட்டா²னாதீ³னிபி பட²மஸிக்கா²பத³ஸதி³ஸானேவாதி.
Samuṭṭhānādīnipi paṭhamasikkhāpadasadisānevāti.
து³தியஸங்க⁴பே⁴த³ஸிக்கா²பத³வண்ணனா நிட்டி²தா.
Dutiyasaṅghabhedasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 11. பே⁴தா³னுவத்தகஸிக்கா²பத³ங் • 11. Bhedānuvattakasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 11. து³தியஸங்க⁴பே⁴த³ஸிக்கா²பத³வண்ணனா • 11. Dutiyasaṅghabhedasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 11. து³தியஸங்க⁴பே⁴த³ஸிக்கா²பத³வண்ணனா • 11. Dutiyasaṅghabhedasikkhāpadavaṇṇanā
