| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
11. து³தியஸங்க⁴பே⁴த³ஸிக்கா²பத³வண்ணனா
11. Dutiyasaṅghabhedasikkhāpadavaṇṇanā
417-418. ஏகாத³ஸமே யங் வசனங் ஸமக்³கே³பி வக்³கே³ அவயவபூ⁴தே கரோதி பி⁴ந்த³தி, தங் கலஹகாரகவசனங் இத⁴ வக்³க³ந்தி வுச்சதீதி ஆஹ ‘‘வக்³க³ங் அஸாமக்³கி³பக்கி²யவசனங் வத³ந்தீ’’தி. அஸாமக்³கி³பக்கே² ப⁴வா அஸாமக்³கி³பக்கி²யா, கலஹகா. தேஸங் வசனங் அஸாமக்³கி³பக்கி²யவசனங், அஸாமக்³கி³பக்கே² வா ப⁴வங் வசனங் அஸாமக்³கி³பக்கி²யவசனங். யஸ்மா உப்³பா³ஹிகாதி³கம்மங் ப³ஹூனம்பி காதுங் வட்டதி, தஸ்மா ‘‘ந ஹி ஸங்கோ⁴ ஸங்க⁴ஸ்ஸ கம்மங் கரோதீ’’தி இத³ங் நிக்³க³ஹவஸேன கத்தப்³ப³கம்மங் ஸந்தா⁴ய வுத்தந்தி வேதி³தப்³ப³ங். அங்கா³னி பனெத்த² பே⁴தா³ய பரக்கமனங் பஹாய அனுவத்தனங் பக்கி²பித்வா ஹெட்டா² வுத்தஸதி³ஸானேவ.
417-418. Ekādasame yaṃ vacanaṃ samaggepi vagge avayavabhūte karoti bhindati, taṃ kalahakārakavacanaṃ idha vagganti vuccatīti āha ‘‘vaggaṃ asāmaggipakkhiyavacanaṃ vadantī’’ti. Asāmaggipakkhe bhavā asāmaggipakkhiyā, kalahakā. Tesaṃ vacanaṃ asāmaggipakkhiyavacanaṃ, asāmaggipakkhe vā bhavaṃ vacanaṃ asāmaggipakkhiyavacanaṃ. Yasmā ubbāhikādikammaṃ bahūnampi kātuṃ vaṭṭati, tasmā ‘‘na hi saṅgho saṅghassa kammaṃ karotī’’ti idaṃ niggahavasena kattabbakammaṃ sandhāya vuttanti veditabbaṃ. Aṅgāni panettha bhedāya parakkamanaṃ pahāya anuvattanaṃ pakkhipitvā heṭṭhā vuttasadisāneva.
து³தியஸங்க⁴பே⁴த³ஸிக்கா²பத³வண்ணனா நிட்டி²தா.
Dutiyasaṅghabhedasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 11. பே⁴தா³னுவத்தகஸிக்கா²பத³ங் • 11. Bhedānuvattakasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 11. து³தியஸங்க⁴பே⁴த³ஸிக்கா²பத³வண்ணனா • 11. Dutiyasaṅghabhedasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 11. து³தியஸங்க⁴பே⁴த³ஸிக்கா²பத³வண்ணனா • 11. Dutiyasaṅghabhedasikkhāpadavaṇṇanā
