| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
11. д̣̇уд̇ияасан̇гхабхзд̣̇асигкаабад̣̇аван̣н̣анаа
11. Dutiyasaṅghabhedasikkhāpadavaṇṇanā
417-8. д̇зна самаязна б̣уд̣̇д̇хо бхаг̇аваад̇и д̣̇уд̇ияасан̇гхабхзд̣̇асигкаабад̣̇ам̣. д̇ад̇т̇а анувад̇д̇агаад̇и д̇асса д̣̇идтиканд̇иружиг̇г̇ахан̣зна анубадибаж̇ж̇анагаа. ваг̇г̇ам̣ асаамаг̇г̇ибагкияаважанам̣ вад̣̇анд̇ийд̇и ваг̇г̇аваад̣̇агаа. бад̣̇абхааж̇анз бана ‘‘д̇асса ван̣н̣ааяа багкааяа тид̇аа хонд̇ий’’д̇и вуд̇д̇ам̣, д̇асса сан̇гхабхзд̣̇ааяа бараггаманд̇асса ван̣н̣ад̇т̇ааяа жа багкавуд̣дхиад̇т̇ааяа жа тид̇аад̇и ад̇т̇о. яз хи ваг̇г̇аваад̣̇агаа, д̇з нияамзна ийд̣̇исаа хонд̇и, д̇асмаа звам̣ вуд̇д̇ам̣. яасмаа бана д̇ин̣н̣ам̣ уд̣̇д̇хам̣ гаммаарахаа на хонд̇и, на хи сан̇гхо сан̇гхасса гаммам̣ гарод̇и, д̇асмаа зго ваа д̣̇вз ваа д̇аяо ваад̇и вуд̇д̇ам̣.
417-8.Tena samayena buddho bhagavāti dutiyasaṅghabhedasikkhāpadaṃ. Tattha anuvattakāti tassa diṭṭhikhantiruciggahaṇena anupaṭipajjanakā. Vaggaṃ asāmaggipakkhiyavacanaṃ vadantīti vaggavādakā. Padabhājane pana ‘‘tassa vaṇṇāya pakkhāya ṭhitā hontī’’ti vuttaṃ, tassa saṅghabhedāya parakkamantassa vaṇṇatthāya ca pakkhavuḍḍhiatthāya ca ṭhitāti attho. Ye hi vaggavādakā, te niyamena īdisā honti, tasmā evaṃ vuttaṃ. Yasmā pana tiṇṇaṃ uddhaṃ kammārahā na honti, na hi saṅgho saṅghassa kammaṃ karoti, tasmā eko vā dve vā tayo vāti vuttaṃ.
ж̇аанаад̇и нод̇и амхаагам̣ чанд̣̇аад̣̇ийни ж̇аанаад̇и. бхаасад̇ийд̇и ‘‘звам̣ гаромаа’’д̇и амхзхи сад̣̇д̇хим̣ бхаасад̇и. амхаагамбзд̇ам̣ камад̇ийд̇и яам̣ со гарод̇и, зд̇ам̣ амхаагамби ружжад̇и.
Jānātinoti amhākaṃ chandādīni jānāti. Bhāsatīti ‘‘evaṃ karomā’’ti amhehi saddhiṃ bhāsati. Amhākampetaṃ khamatīti yaṃ so karoti, etaṃ amhākampi ruccati.
самзд̇ааяасманд̇аанам̣ сан̇гхзнаад̇и ааяасманд̇аанам̣ жид̇д̇ам̣ сан̇гхзна сад̣̇д̇хим̣ самзд̇у самааг̇ажчад̇у, згийбхаавам̣ яаад̇ууд̇и вуд̇д̇ам̣ ход̇и. сзсамзд̇т̇а батамасигкаабад̣̇з вуд̇д̇анаяад̇д̇аа уд̇д̇аанад̇т̇ад̇д̇аа жа баагадамзва.
Sametāyasmantānaṃ saṅghenāti āyasmantānaṃ cittaṃ saṅghena saddhiṃ sametu samāgacchatu, ekībhāvaṃ yātūti vuttaṃ hoti. Sesamettha paṭhamasikkhāpade vuttanayattā uttānatthattā ca pākaṭameva.
самудтаанаад̣̇ийниби батамасигкаабад̣̇асад̣̇исаанзваад̇и.
Samuṭṭhānādīnipi paṭhamasikkhāpadasadisānevāti.
д̣̇уд̇ияасан̇гхабхзд̣̇асигкаабад̣̇аван̣н̣анаа нидтид̇аа.
Dutiyasaṅghabhedasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 11. бхзд̣̇аанувад̇д̇агасигкаабад̣̇ам̣ • 11. Bhedānuvattakasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 11. д̣̇уд̇ияасан̇гхабхзд̣̇асигкаабад̣̇аван̣н̣анаа • 11. Dutiyasaṅghabhedasikkhāpadavaṇṇanā
