| Library / Tipiṭaka / තිපිටක • Tipiṭaka / මහාවිභඞ්‌ග-අට්‌ඨකථා • Mahāvibhaṅga-aṭṭhakathā |
11. දුතියසඞ්‌ඝභෙදසික්‌ඛාපදවණ්‌ණනා
11. Dutiyasaṅghabhedasikkhāpadavaṇṇanā
417-8. තෙන සමයෙන බුද්‌ධො භගවාති දුතියසඞ්‌ඝභෙදසික්‌ඛාපදං. තත්‌ථ අනුවත්‌තකාති තස්‌ස දිට්‌ඨිඛන්‌තිරුචිග්‌ගහණෙන අනුපටිපජ්‌ජනකා. වග්‌ගං අසාමග්‌ගිපක්‌ඛියවචනං වදන්‌තීති වග්‌ගවාදකා. පදභාජනෙ පන ‘‘තස්‌ස වණ්‌ණාය පක්‌ඛාය ඨිතා හොන්‌තී’’ති වුත්‌තං, තස්‌ස සඞ්‌ඝභෙදාය පරක්‌කමන්‌තස්‌ස වණ්‌ණත්‌ථාය ච පක්‌ඛවුඩ්‌ඪිඅත්‌ථාය ච ඨිතාති අත්‌ථො. යෙ හි වග්‌ගවාදකා, තෙ නියමෙන ඊදිසා හොන්‌ති, තස්‌මා එවං වුත්‌තං. යස්‌මා පන තිණ්‌ණං උද්‌ධං කම්‌මාරහා න හොන්‌ති, න හි සඞ්‌ඝො සඞ්‌ඝස්‌ස කම්‌මං කරොති, තස්‌මා එකො වා ද්‌වෙ වා තයො වාති වුත්‌තං.
417-8.Tena samayena buddho bhagavāti dutiyasaṅghabhedasikkhāpadaṃ. Tattha anuvattakāti tassa diṭṭhikhantiruciggahaṇena anupaṭipajjanakā. Vaggaṃ asāmaggipakkhiyavacanaṃ vadantīti vaggavādakā. Padabhājane pana ‘‘tassa vaṇṇāya pakkhāya ṭhitā hontī’’ti vuttaṃ, tassa saṅghabhedāya parakkamantassa vaṇṇatthāya ca pakkhavuḍḍhiatthāya ca ṭhitāti attho. Ye hi vaggavādakā, te niyamena īdisā honti, tasmā evaṃ vuttaṃ. Yasmā pana tiṇṇaṃ uddhaṃ kammārahā na honti, na hi saṅgho saṅghassa kammaṃ karoti, tasmā eko vā dve vā tayo vāti vuttaṃ.
ජානාති නොති අම්‌හාකං ඡන්‌දාදීනි ජානාති. භාසතීති ‘‘එවං කරොමා’’ති අම්‌හෙහි සද්‌ධිං භාසති. අම්‌හාකම්‌පෙතං ඛමතීති යං සො කරොති, එතං අම්‌හාකම්‌පි රුච්‌චති.
Jānātinoti amhākaṃ chandādīni jānāti. Bhāsatīti ‘‘evaṃ karomā’’ti amhehi saddhiṃ bhāsati. Amhākampetaṃ khamatīti yaṃ so karoti, etaṃ amhākampi ruccati.
සමෙතායස්‌මන්‌තානං සඞ්‌ඝෙනාති ආයස්‌මන්‌තානං චිත්‌තං සඞ්‌ඝෙන සද්‌ධිං සමෙතු සමාගච්‌ඡතු, එකීභාවං යාතූති වුත්‌තං හොති. සෙසමෙත්‌ථ පඨමසික්‌ඛාපදෙ වුත්‌තනයත්‌තා උත්‌තානත්‌ථත්‌තා ච පාකටමෙව.
Sametāyasmantānaṃ saṅghenāti āyasmantānaṃ cittaṃ saṅghena saddhiṃ sametu samāgacchatu, ekībhāvaṃ yātūti vuttaṃ hoti. Sesamettha paṭhamasikkhāpade vuttanayattā uttānatthattā ca pākaṭameva.
සමුට්‌ඨානාදීනිපි පඨමසික්‌ඛාපදසදිසානෙවාති.
Samuṭṭhānādīnipi paṭhamasikkhāpadasadisānevāti.
දුතියසඞ්‌ඝභෙදසික්‌ඛාපදවණ්‌ණනා නිට්‌ඨිතා.
Dutiyasaṅghabhedasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 11. භෙදානුවත්‌තකසික්‌ඛාපදං • 11. Bhedānuvattakasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 11. දුතියසඞ්‌ඝභෙදසික්‌ඛාපදවණ්‌ණනා • 11. Dutiyasaṅghabhedasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 11. දුතියසඞ්‌ඝභෙදසික්‌ඛාපදවණ්‌ණනා • 11. Dutiyasaṅghabhedasikkhāpadavaṇṇanā
