| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༡༡. དུཏིཡསངྒྷབྷེདསིཀྑཱཔདཝཎྞནཱ
11. Dutiyasaṅghabhedasikkhāpadavaṇṇanā
༤༡༧-༤༡༨. ཨེཀཱདསམེ ཡཾ ཝཙནཾ སམགྒེཔི ཝགྒེ ཨཝཡཝབྷཱུཏེ ཀརོཏི བྷིནྡཏི, ཏཾ ཀལཧཀཱརཀཝཙནཾ ཨིདྷ ཝགྒནྟི ཝུཙྩཏཱིཏི ཨཱཧ ‘‘ཝགྒཾ ཨསཱམགྒིཔཀྑིཡཝཙནཾ ཝདནྟཱི’’ཏི། ཨསཱམགྒིཔཀྑེ བྷཝཱ ཨསཱམགྒིཔཀྑིཡཱ, ཀལཧཀཱ། ཏེསཾ ཝཙནཾ ཨསཱམགྒིཔཀྑིཡཝཙནཾ, ཨསཱམགྒིཔཀྑེ ཝཱ བྷཝཾ ཝཙནཾ ཨསཱམགྒིཔཀྑིཡཝཙནཾ། ཡསྨཱ ཨུབྦཱཧིཀཱདིཀམྨཾ བཧཱུནམྤི ཀཱཏུཾ ཝཊྚཏི, ཏསྨཱ ‘‘ན ཧི སངྒྷོ སངྒྷསྶ ཀམྨཾ ཀརོཏཱི’’ཏི ཨིདཾ ནིགྒཧཝསེན ཀཏྟབྦཀམྨཾ སནྡྷཱཡ ཝུཏྟནྟི ཝེདིཏབྦཾ། ཨངྒཱནི པནེཏྠ བྷེདཱཡ པརཀྐམནཾ པཧཱཡ ཨནུཝཏྟནཾ པཀྑིཔིཏྭཱ ཧེཊྛཱ ཝུཏྟསདིསཱནེཝ།
417-418. Ekādasame yaṃ vacanaṃ samaggepi vagge avayavabhūte karoti bhindati, taṃ kalahakārakavacanaṃ idha vagganti vuccatīti āha ‘‘vaggaṃ asāmaggipakkhiyavacanaṃ vadantī’’ti. Asāmaggipakkhe bhavā asāmaggipakkhiyā, kalahakā. Tesaṃ vacanaṃ asāmaggipakkhiyavacanaṃ, asāmaggipakkhe vā bhavaṃ vacanaṃ asāmaggipakkhiyavacanaṃ. Yasmā ubbāhikādikammaṃ bahūnampi kātuṃ vaṭṭati, tasmā ‘‘na hi saṅgho saṅghassa kammaṃ karotī’’ti idaṃ niggahavasena kattabbakammaṃ sandhāya vuttanti veditabbaṃ. Aṅgāni panettha bhedāya parakkamanaṃ pahāya anuvattanaṃ pakkhipitvā heṭṭhā vuttasadisāneva.
དུཏིཡསངྒྷབྷེདསིཀྑཱཔདཝཎྞནཱ ནིཊྛིཏཱ།
Dutiyasaṅghabhedasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༡༡. བྷེདཱནུཝཏྟཀསིཀྑཱཔདཾ • 11. Bhedānuvattakasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༡༡. དུཏིཡསངྒྷབྷེདསིཀྑཱཔདཝཎྞནཱ • 11. Dutiyasaṅghabhedasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡༡. དུཏིཡསངྒྷབྷེདསིཀྑཱཔདཝཎྞནཱ • 11. Dutiyasaṅghabhedasikkhāpadavaṇṇanā
