| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੧੧. ਦੁਤਿਯਸਙ੍ਘਭੇਦਸਿਕ੍ਖਾਪਦવਣ੍ਣਨਾ
11. Dutiyasaṅghabhedasikkhāpadavaṇṇanā
੪੧੭-੮. ਤੇਨ ਸਮਯੇਨ ਬੁਦ੍ਧੋ ਭਗવਾਤਿ ਦੁਤਿਯਸਙ੍ਘਭੇਦਸਿਕ੍ਖਾਪਦਂ। ਤਤ੍ਥ ਅਨੁવਤ੍ਤਕਾਤਿ ਤਸ੍ਸ ਦਿਟ੍ਠਿਖਨ੍ਤਿਰੁਚਿਗ੍ਗਹਣੇਨ ਅਨੁਪਟਿਪਜ੍ਜਨਕਾ। વਗ੍ਗਂ ਅਸਾਮਗ੍ਗਿਪਕ੍ਖਿਯવਚਨਂ વਦਨ੍ਤੀਤਿ વਗ੍ਗવਾਦਕਾ। ਪਦਭਾਜਨੇ ਪਨ ‘‘ਤਸ੍ਸ વਣ੍ਣਾਯ ਪਕ੍ਖਾਯ ਠਿਤਾ ਹੋਨ੍ਤੀ’’ਤਿ વੁਤ੍ਤਂ, ਤਸ੍ਸ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ વਣ੍ਣਤ੍ਥਾਯ ਚ ਪਕ੍ਖવੁਡ੍ਢਿਅਤ੍ਥਾਯ ਚ ਠਿਤਾਤਿ ਅਤ੍ਥੋ। ਯੇ ਹਿ વਗ੍ਗવਾਦਕਾ, ਤੇ ਨਿਯਮੇਨ ਈਦਿਸਾ ਹੋਨ੍ਤਿ, ਤਸ੍ਮਾ ਏવਂ વੁਤ੍ਤਂ। ਯਸ੍ਮਾ ਪਨ ਤਿਣ੍ਣਂ ਉਦ੍ਧਂ ਕਮ੍ਮਾਰਹਾ ਨ ਹੋਨ੍ਤਿ, ਨ ਹਿ ਸਙ੍ਘੋ ਸਙ੍ਘਸ੍ਸ ਕਮ੍ਮਂ ਕਰੋਤਿ, ਤਸ੍ਮਾ ਏਕੋ વਾ ਦ੍વੇ વਾ ਤਯੋ વਾਤਿ વੁਤ੍ਤਂ।
417-8.Tena samayena buddho bhagavāti dutiyasaṅghabhedasikkhāpadaṃ. Tattha anuvattakāti tassa diṭṭhikhantiruciggahaṇena anupaṭipajjanakā. Vaggaṃ asāmaggipakkhiyavacanaṃ vadantīti vaggavādakā. Padabhājane pana ‘‘tassa vaṇṇāya pakkhāya ṭhitā hontī’’ti vuttaṃ, tassa saṅghabhedāya parakkamantassa vaṇṇatthāya ca pakkhavuḍḍhiatthāya ca ṭhitāti attho. Ye hi vaggavādakā, te niyamena īdisā honti, tasmā evaṃ vuttaṃ. Yasmā pana tiṇṇaṃ uddhaṃ kammārahā na honti, na hi saṅgho saṅghassa kammaṃ karoti, tasmā eko vā dve vā tayo vāti vuttaṃ.
ਜਾਨਾਤਿ ਨੋਤਿ ਅਮ੍ਹਾਕਂ ਛਨ੍ਦਾਦੀਨਿ ਜਾਨਾਤਿ। ਭਾਸਤੀਤਿ ‘‘ਏવਂ ਕਰੋਮਾ’’ਤਿ ਅਮ੍ਹੇਹਿ ਸਦ੍ਧਿਂ ਭਾਸਤਿ। ਅਮ੍ਹਾਕਮ੍ਪੇਤਂ ਖਮਤੀਤਿ ਯਂ ਸੋ ਕਰੋਤਿ, ਏਤਂ ਅਮ੍ਹਾਕਮ੍ਪਿ ਰੁਚ੍ਚਤਿ।
Jānātinoti amhākaṃ chandādīni jānāti. Bhāsatīti ‘‘evaṃ karomā’’ti amhehi saddhiṃ bhāsati. Amhākampetaṃ khamatīti yaṃ so karoti, etaṃ amhākampi ruccati.
ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨਾਤਿ ਆਯਸ੍ਮਨ੍ਤਾਨਂ ਚਿਤ੍ਤਂ ਸਙ੍ਘੇਨ ਸਦ੍ਧਿਂ ਸਮੇਤੁ ਸਮਾਗਚ੍ਛਤੁ, ਏਕੀਭਾવਂ ਯਾਤੂਤਿ વੁਤ੍ਤਂ ਹੋਤਿ। ਸੇਸਮੇਤ੍ਥ ਪਠਮਸਿਕ੍ਖਾਪਦੇ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਤ੍ਤਾ ਚ ਪਾਕਟਮੇવ।
Sametāyasmantānaṃ saṅghenāti āyasmantānaṃ cittaṃ saṅghena saddhiṃ sametu samāgacchatu, ekībhāvaṃ yātūti vuttaṃ hoti. Sesamettha paṭhamasikkhāpade vuttanayattā uttānatthattā ca pākaṭameva.
ਸਮੁਟ੍ਠਾਨਾਦੀਨਿਪਿ ਪਠਮਸਿਕ੍ਖਾਪਦਸਦਿਸਾਨੇવਾਤਿ।
Samuṭṭhānādīnipi paṭhamasikkhāpadasadisānevāti.
ਦੁਤਿਯਸਙ੍ਘਭੇਦਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyasaṅghabhedasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧੧. ਭੇਦਾਨੁવਤ੍ਤਕਸਿਕ੍ਖਾਪਦਂ • 11. Bhedānuvattakasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੧. ਦੁਤਿਯਸਙ੍ਘਭੇਦਸਿਕ੍ਖਾਪਦવਣ੍ਣਨਾ • 11. Dutiyasaṅghabhedasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧੧. ਦੁਤਿਯਸਙ੍ਘਭੇਦਸਿਕ੍ਖਾਪਦવਣ੍ਣਨਾ • 11. Dutiyasaṅghabhedasikkhāpadavaṇṇanā
