| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
2. д̣̇уд̇ияасан̇гхаад̣̇исзсасигкаабад̣̇ам̣
2. Dutiyasaṅghādisesasikkhāpadaṃ
682. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна взсаалияам̣ ан̃н̃ад̇арасса лижчависса баж̇аабад̇и ад̇ижаариний ход̇и. ат̇а ко со лижчави д̇ам̣ ид̇т̇им̣ зд̇ад̣̇авожа – ‘‘саад̇ху вирамаахи, анад̇т̇ам̣ ко д̇з гариссаамий’’д̇и. звамби саа вужжамаанаа наад̣̇ияи. д̇зна ко бана самаязна взсаалияам̣ лижчавиг̇ан̣о саннибад̇ид̇о ход̇и гзнажид̣̇зва гаран̣ийязна. ат̇а ко со лижчави д̇з лижчаваяо зд̇ад̣̇авожа – ‘‘згам̣ мз, аяяо , ид̇т̇им̣ ануж̇аанаат̇аа’’д̇и. ‘‘гаа наама саа’’д̇и? ‘‘маяхам̣ баж̇аабад̇и ад̇ижарад̇и, д̇ам̣ гхаад̇зссаамий’’д̇и. ‘‘ж̇аанаахий’’д̇и. ассоси ко саа ид̇т̇ий – ‘‘саамиго гира мам̣ гхаад̇зд̇угаамо’’д̇и. варабхан̣д̣ам̣ аад̣̇ааяа саавад̇т̇им̣ г̇анд̇ваа д̇ид̇т̇ияз убасан̇гамид̇ваа баб̣б̣аж̇ж̇ам̣ яаажи. д̇ид̇т̇ияаа на ижчим̣су баб̣б̣ааж̇зд̇ум̣. бхигкунияо убасан̇гамид̇ваа баб̣б̣аж̇ж̇ам̣ яаажи. бхигкунияоби на ижчим̣су баб̣б̣ааж̇зд̇ум̣. т̇уллананд̣̇ам̣ бхигкуним̣ убасан̇гамид̇ваа бхан̣д̣агам̣ д̣̇ассзд̇ваа баб̣б̣аж̇ж̇ам̣ яаажи. т̇уллананд̣̇аа бхигкуний бхан̣д̣агам̣ г̇ахзд̇ваа баб̣б̣ааж̇зси.
682. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena vesāliyaṃ aññatarassa licchavissa pajāpati aticārinī hoti. Atha kho so licchavi taṃ itthiṃ etadavoca – ‘‘sādhu viramāhi, anatthaṃ kho te karissāmī’’ti. Evampi sā vuccamānā nādiyi. Tena kho pana samayena vesāliyaṃ licchavigaṇo sannipatito hoti kenacideva karaṇīyena. Atha kho so licchavi te licchavayo etadavoca – ‘‘ekaṃ me, ayyo , itthiṃ anujānāthā’’ti. ‘‘Kā nāma sā’’ti? ‘‘Mayhaṃ pajāpati aticarati, taṃ ghātessāmī’’ti. ‘‘Jānāhī’’ti. Assosi kho sā itthī – ‘‘sāmiko kira maṃ ghātetukāmo’’ti. Varabhaṇḍaṃ ādāya sāvatthiṃ gantvā titthiye upasaṅkamitvā pabbajjaṃ yāci. Titthiyā na icchiṃsu pabbājetuṃ. Bhikkhuniyo upasaṅkamitvā pabbajjaṃ yāci. Bhikkhuniyopi na icchiṃsu pabbājetuṃ. Thullanandaṃ bhikkhuniṃ upasaṅkamitvā bhaṇḍakaṃ dassetvā pabbajjaṃ yāci. Thullanandā bhikkhunī bhaṇḍakaṃ gahetvā pabbājesi.
ат̇а ко со лижчави д̇ам̣ ид̇т̇им̣ г̇авзсанд̇о саавад̇т̇им̣ г̇анд̇ваа бхигкунийсу баб̣б̣аж̇ид̇ам̣ д̣̇исваана язна рааж̇аа басзнад̣̇и госало д̇знубасан̇гами; убасан̇гамид̇ваа рааж̇аанам̣ басзнад̣̇им̣ госалам̣ зд̇ад̣̇авожа – ‘‘баж̇аабад̇и мз, д̣̇зва, варабхан̣д̣ам̣ аад̣̇ааяа саавад̇т̇им̣ ануббад̇д̇аа. д̇ам̣ д̣̇зво ануж̇аанаад̇уу’’д̇и. ‘‘д̇зна хи, бхан̣з, вижинид̇ваа аажигкаа’’д̇и. ‘‘д̣̇идтаа, д̣̇зва, бхигкунийсу баб̣б̣аж̇ид̇аа’’д̇и. ‘‘сажз, бхан̣з, бхигкунийсу баб̣б̣аж̇ид̇аа, на саа лаб̣бхаа гин̃жи гаад̇ум̣. сваагкаад̇о бхаг̇авад̇аа д̇хаммо, жарад̇у б̣рахмажарияам̣ саммаа д̣̇угкасса анд̇агирияааяаа’’д̇и. ат̇а ко со лижчави уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкунияо жорим̣ баб̣б̣ааж̇зссанд̇ий’’д̇и! ассосум̣ ко бхигкунияо д̇асса лижчависса уж̇жхааяанд̇асса кияяанд̇асса вибаажзнд̇асса. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа жорим̣ баб̣б̣ааж̇зссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣…бз… сажжам̣ гира, бхигкавз, т̇уллананд̣̇аа бхигкуний жорим̣ баб̣б̣ааж̇зд̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний жорим̣ баб̣б̣ааж̇зссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Atha kho so licchavi taṃ itthiṃ gavesanto sāvatthiṃ gantvā bhikkhunīsu pabbajitaṃ disvāna yena rājā pasenadi kosalo tenupasaṅkami; upasaṅkamitvā rājānaṃ pasenadiṃ kosalaṃ etadavoca – ‘‘pajāpati me, deva, varabhaṇḍaṃ ādāya sāvatthiṃ anuppattā. Taṃ devo anujānātū’’ti. ‘‘Tena hi, bhaṇe, vicinitvā ācikkhā’’ti. ‘‘Diṭṭhā, deva, bhikkhunīsu pabbajitā’’ti. ‘‘Sace, bhaṇe, bhikkhunīsu pabbajitā, na sā labbhā kiñci kātuṃ. Svākkhāto bhagavatā dhammo, caratu brahmacariyaṃ sammā dukkhassa antakiriyāyā’’ti. Atha kho so licchavi ujjhāyati khiyyati vipāceti – ‘‘kathañhi nāma bhikkhuniyo coriṃ pabbājessantī’’ti! Assosuṃ kho bhikkhuniyo tassa licchavissa ujjhāyantassa khiyyantassa vipācentassa. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā coriṃ pabbājessatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ…pe… saccaṃ kira, bhikkhave, thullanandā bhikkhunī coriṃ pabbājetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī coriṃ pabbājessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
683. ‘‘яаа бана бхигкуний ж̇аанам̣ жорим̣ важ̇жхам̣ вид̣̇ид̇ам̣ анабалогзд̇ваа рааж̇аанам̣ ваа сан̇гхам̣ ваа г̇ан̣ам̣ ваа бууг̇ам̣ ваа сзн̣им̣ ваа ан̃н̃ад̇ра габбаа вудтаабзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
683.‘‘Yāpana bhikkhunī jānaṃ coriṃ vajjhaṃ viditaṃ anapaloketvā rājānaṃ vā saṅghaṃ vā gaṇaṃ vā pūgaṃ vā seṇiṃ vā aññatra kappā vuṭṭhāpeyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
684. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
684.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ж̇аанаад̇и наама саамам̣ ваа ж̇аанаад̇и ан̃н̃з ваа д̇ассаа аарожзнд̇и, саа ваа аарожзд̇и.
Jānāti nāma sāmaṃ vā jānāti aññe vā tassā ārocenti, sā vā āroceti.
жорий наама яаа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ ад̣̇иннам̣ т̇зяяасан̇каад̇ам̣ аад̣̇ияад̇и, зсаа жорий наама.
Corī nāma yā pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati, esā corī nāma.
важ̇жхаа наама яам̣ гад̇ваа важ̇жхаббад̇д̇аа ход̇и.
Vajjhā nāma yaṃ katvā vajjhappattā hoti.
вид̣̇ид̇аа наама ан̃н̃зхи мануссзхи н̃аад̇аа ход̇и ‘‘важ̇жхаа зсаа’’д̇и.
Viditā nāma aññehi manussehi ñātā hoti ‘‘vajjhā esā’’ti.
анабалогзд̇ваад̇и анаабужчаа.
Anapaloketvāti anāpucchā.
рааж̇аа наама яад̇т̇а рааж̇аа анусаасад̇и, рааж̇аа абалогзд̇аб̣б̣о.
Rājā nāma yattha rājā anusāsati, rājā apaloketabbo.
сан̇гхо наама бхигкунисан̇гхо вужжад̇и, бхигкунисан̇гхо абалогзд̇аб̣б̣о.
Saṅgho nāma bhikkhunisaṅgho vuccati, bhikkhunisaṅgho apaloketabbo.
г̇ан̣о наама яад̇т̇а г̇ан̣о анусаасад̇и, г̇ан̣о абалогзд̇аб̣б̣о.
Gaṇo nāma yattha gaṇo anusāsati, gaṇo apaloketabbo.
бууг̇о наама яад̇т̇а бууг̇о анусаасад̇и, бууг̇о абалогзд̇аб̣б̣о.
Pūgo nāma yattha pūgo anusāsati, pūgo apaloketabbo.
сзн̣и наама яад̇т̇а сзн̣и анусаасад̇и, сзн̣и абалогзд̇аб̣б̣о.
Seṇi nāma yattha seṇi anusāsati, seṇi apaloketabbo.
ан̃н̃ад̇ра габбаад̇и табзд̇ваа габбам̣. габбам̣ наама д̣̇вз габбаани – д̇ид̇т̇иязсу ваа баб̣б̣аж̇ид̇аа ход̇и ан̃н̃аасу ваа бхигкунийсу баб̣б̣аж̇ид̇аа. ан̃н̃ад̇ра габбаа ‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи т̇уллажжаяаа. гаммаваажаабарияосаанз убаж̇жхааяааяа аабад̇д̇и сан̇гхаад̣̇исзсасса. г̇ан̣асса жа аажаринияаа жа аабад̇д̇и д̣̇уггадасса.
Aññatrakappāti ṭhapetvā kappaṃ. Kappaṃ nāma dve kappāni – titthiyesu vā pabbajitā hoti aññāsu vā bhikkhunīsu pabbajitā. Aññatra kappā ‘‘vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi thullaccayā. Kammavācāpariyosāne upajjhāyāya āpatti saṅghādisesassa. Gaṇassa ca ācariniyā ca āpatti dukkaṭassa.
аяамбийд̇и буримам̣ убаад̣̇ааяа вужжад̇и.
Ayampīti purimaṃ upādāya vuccati.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсанд̇и…бз… д̇знаби вужжад̇и сан̇гхаад̣̇исзсод̇и.
Saṅghādisesanti…pe… tenapi vuccati saṅghādisesoti.
685. жорияаа жорисан̃н̃аа ан̃н̃ад̇ра габбаа вудтаабзд̇и, аабад̇д̇и сан̇гхаад̣̇исзсасса. жорияаа взмад̇игаа ан̃н̃ад̇ра габбаа вудтаабзд̇и, аабад̇д̇и д̣̇уггадасса. жорияаа ажорисан̃н̃аа ан̃н̃ад̇ра габбаа вудтаабзд̇и, анаабад̇д̇и. ажорияаа жорисан̃н̃аа, аабад̇д̇и д̣̇уггадасса. ажорияаа взмад̇игаа, аабад̇д̇и д̣̇уггадасса. ажорияаа ажорисан̃н̃аа, анаабад̇д̇и.
685. Coriyā corisaññā aññatra kappā vuṭṭhāpeti, āpatti saṅghādisesassa. Coriyā vematikā aññatra kappā vuṭṭhāpeti, āpatti dukkaṭassa. Coriyā acorisaññā aññatra kappā vuṭṭhāpeti, anāpatti. Acoriyā corisaññā, āpatti dukkaṭassa. Acoriyā vematikā, āpatti dukkaṭassa. Acoriyā acorisaññā, anāpatti.
686. анаабад̇д̇и аж̇аананд̇ий вудтаабзд̇и, абалогзд̇ваа вудтаабзд̇и, габбагад̇ам̣ вудтаабзд̇и, уммад̇д̇игааяа, аад̣̇игаммигааяаад̇и.
686. Anāpatti ajānantī vuṭṭhāpeti, apaloketvā vuṭṭhāpeti, kappakataṃ vuṭṭhāpeti, ummattikāya, ādikammikāyāti.
д̣̇уд̇ияасан̇гхаад̣̇исзсасигкаабад̣̇ам̣ нидтид̇ам̣.
Dutiyasaṅghādisesasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияасан̇гхаад̣̇исзсасигкаабад̣̇ам̣ • 2. Dutiyasaṅghādisesasikkhāpadaṃ
