| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. д̣̇уд̇ияасан̇гхаад̣̇исзсасигкаабад̣̇ам̣
2. Dutiyasaṅghādisesasikkhāpadaṃ
682. д̣̇уд̇ияз варид̇аб̣б̣ам̣ ижчид̇аб̣б̣анд̇и варам̣, д̇амзва бхан̣д̣анд̇и варабхан̣д̣анд̇и д̣̇ассзнд̇о ааха ‘‘махаг̇гхабхан̣д̣а’’нд̇и. ‘‘муд̇д̇аа’’д̇иаад̣̇инаа д̇асса саруубам̣ д̣̇ассзд̇и.
682. Dutiye varitabbaṃ icchitabbanti varaṃ, tameva bhaṇḍanti varabhaṇḍanti dassento āha ‘‘mahagghabhaṇḍa’’nti. ‘‘Muttā’’tiādinā tassa sarūpaṃ dasseti.
683. аабуб̣б̣о логасад̣̇д̣̇о абхимукам̣ логанад̇т̇о ход̇и, убуб̣б̣о уд̣̇д̇хам̣ логанад̇т̇о, обуб̣б̣о ад̇хо логанад̇т̇о, вибуб̣б̣о ид̇о жид̇о жа вийд̇ихаран̣алоганад̇т̇о, абабуб̣б̣о аабужчанад̇т̇о. ид̇ха бана абабуб̣б̣ад̇д̇аа аабужчанад̇т̇од̇и ааха ‘‘анаабужчид̇ваа’’д̇и. маллаг̇ан̣а бхадибуд̇д̇а г̇ан̣аад̣̇иганд̇иаад̣̇ийсу маллаг̇ан̣о наама наарааяанабхад̇д̇иго г̇ан̣о. бхадибуд̇д̇аг̇ан̣о наама гумаарабхад̇д̇иго г̇ан̣о. аад̣̇исад̣̇д̣̇зна ан̃н̃амби г̇ааманиг̇амз анусаасид̇ум̣ самад̇т̇ам̣ г̇ан̣ам̣ сан̇г̇ан̣хаад̇и. ат̇а ваа маллаг̇ан̣од̇и малларааж̇уунам̣ г̇ан̣о. д̇з хи г̇ан̣ам̣ гад̇ваа гусинаарааяам̣ раж̇ж̇ам̣ анусаасанд̇и, д̇з санд̇хааяа вуд̇д̇ам̣ ‘‘маллаг̇ан̣о’’д̇и. бхадибуд̇д̇аг̇ан̣од̇и лижчавиг̇ан̣о барияааяанд̇арзна вуд̇д̇о. лижчавирааж̇уунан̃хи буб̣б̣арааж̇аано бхадинаамагасса ж̇адиласса буд̇д̇аа хонд̇и, д̇зсам̣ вам̣сз бавад̇д̇аа зд̇арахи лижчавирааж̇ааноби бхадибуд̇д̇аад̇и вужжанд̇и. ж̇адило бана б̣аараан̣асиран̃н̃о буд̇д̇з над̣̇исод̇зна вуяхамаанз над̣̇ид̇о уд̣̇д̇харид̇ваа ад̇д̇ано ассамз буд̇д̇ам̣ гад̇ваа бхаран̣ад̇д̇аа босанад̇д̇аа бхадийд̇и вужжад̇и, д̇асса буд̇д̇ад̇д̇аа лижчавиг̇ан̣о бхадибуд̇д̇од̇и вужжад̇и. д̇зби г̇ан̣ам̣ гад̇ваа взсаалияам̣ раж̇ж̇ам̣ анусаасанд̇и, д̇ам̣ санд̇хааяа вуд̇д̇ам̣ ‘‘бхадибуд̇д̇аг̇ан̣о’’д̇и. д̇хаммаг̇ан̣о наама саасанад̇хаммабхад̇д̇иго г̇ан̣о. г̇анд̇хигасзн̣ийд̇и г̇анд̇хагаараанам̣ самаж̇аад̇игаанам̣ сиббигаанам̣ г̇ан̣о. д̣̇уссигасзн̣ийд̇и д̣̇уссагаараанам̣ самаж̇аад̇игаанам̣ бзсагаараанам̣ г̇ан̣о. аад̣̇исад̣̇д̣̇зна д̇ажчагасзн̣ираж̇агасзн̣иаад̣̇аяо сан̇г̇аяханд̇и. яад̇т̇а яад̇т̇аад̇и яасмим̣ яасмим̣ таанз. хийд̇и сажжам̣. д̇з зваад̇и г̇ан̣аад̣̇аяо зва. буна д̇зд̇и г̇ан̣аад̣̇аяо. ид̣̇анд̇и ‘‘г̇ан̣ам̣ ваа’’д̇иаад̣̇иважанам̣. зд̇т̇аад̇и рааж̇аад̣̇ийсу. сан̇гхаабужчанамзва бад̇хаанагааран̣анд̇и ааха ‘‘бхигкунисан̇гхо аабужчид̇аб̣б̣оваа’’д̇и. габбаг̇ад̇иганд̇и габбам̣ г̇ажчад̇ийд̇и габбаг̇ад̇аа, саа зва габбаг̇ад̇игаа, д̇ам̣.
683. Āpubbo lokasaddo abhimukhaṃ lokanattho hoti, upubbo uddhaṃ lokanattho, opubbo adho lokanattho, vipubbo ito cito ca vītiharaṇalokanattho, apapubbo āpucchanattho. Idha pana apapubbattā āpucchanatthoti āha ‘‘anāpucchitvā’’ti. Mallagaṇa bhaṭiputta gaṇādikantiādīsu mallagaṇo nāma nārāyanabhattiko gaṇo. Bhaṭiputtagaṇo nāma kumārabhattiko gaṇo. Ādisaddena aññampi gāmanigame anusāsituṃ samatthaṃ gaṇaṃ saṅgaṇhāti. Atha vā mallagaṇoti mallarājūnaṃ gaṇo. Te hi gaṇaṃ katvā kusinārāyaṃ rajjaṃ anusāsanti, te sandhāya vuttaṃ ‘‘mallagaṇo’’ti. Bhaṭiputtagaṇoti licchavigaṇo pariyāyantarena vutto. Licchavirājūnañhi pubbarājāno bhaṭināmakassa jaṭilassa puttā honti, tesaṃ vaṃse pavattā etarahi licchavirājānopi bhaṭiputtāti vuccanti. Jaṭilo pana bārāṇasirañño putte nadisotena vuyhamāne nadito uddharitvā attano assame puttaṃ katvā bharaṇattā posanattā bhaṭīti vuccati, tassa puttattā licchavigaṇo bhaṭiputtoti vuccati. Tepi gaṇaṃ katvā vesāliyaṃ rajjaṃ anusāsanti, taṃ sandhāya vuttaṃ ‘‘bhaṭiputtagaṇo’’ti. Dhammagaṇo nāma sāsanadhammabhattiko gaṇo. Gandhikaseṇīti gandhakārānaṃ samajātikānaṃ sippikānaṃ gaṇo. Dussikaseṇīti dussakārānaṃ samajātikānaṃ pesakārānaṃ gaṇo. Ādisaddena tacchakaseṇirajakaseṇiādayo saṅgayhanti. Yattha yatthāti yasmiṃ yasmiṃ ṭhāne. Hīti saccaṃ. Te evāti gaṇādayo eva. Puna teti gaṇādayo. Idanti ‘‘gaṇaṃ vā’’tiādivacanaṃ. Etthāti rājādīsu. Saṅghāpucchanameva padhānakāraṇanti āha ‘‘bhikkhunisaṅgho āpucchitabbovā’’ti. Kappagatikanti kappaṃ gacchatīti kappagatā, sā eva kappagatikā, taṃ.
гзнажи гаран̣ийязна кан̣д̣асиймам̣ аг̇анд̇ваа гзнажи гаран̣ийязна бхигкунийсу багганд̇аасууд̇и яож̇анаа. ниссид̇агабарисааяаад̇и анд̇зваасигабарисааяа. вудтаабзнд̇ияаад̇и убасамбаад̣̇знд̇ияаад̇и. д̣̇уд̇ияам̣.
Kenaci karaṇīyena khaṇḍasīmaṃ agantvā kenaci karaṇīyena bhikkhunīsu pakkantāsūti yojanā. Nissitakaparisāyāti antevāsikaparisāya. Vuṭṭhāpentiyāti upasampādentiyāti. Dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 2. д̣̇уд̇ияасан̇гхаад̣̇исзсасигкаабад̣̇ам̣ • 2. Dutiyasaṅghādisesasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
