| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
2. து³தியஸங்கா⁴தி³ஸேஸஸிக்கா²பத³வண்ணனா
2. Dutiyasaṅghādisesasikkhāpadavaṇṇanā
682. து³தியே – வரப⁴ண்ட³ந்தி முத்தாமணிவேளுரியாதி³ மஹக்³க⁴ப⁴ண்ட³ங்.
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
683. அனபலோகெத்வாதி அனாபுச்சி²த்வா. க³ணங் வாதி மல்லக³ணப⁴டிபுத்தக³ணாதி³கங். பூக³ந்தி த⁴ம்மக³ணங். ஸேணிந்தி க³ந்தி⁴கஸேணிது³ஸ்ஸிகஸேணிஆதி³கங். யத்த² யத்த² ஹி ராஜானோ க³ணாதீ³னங் கா³மனிக³மே நிய்யாதெந்தி ‘‘தும்ஹேவ எத்த² அனுஸாஸதா²’’தி, தத்த² தத்த² தே ஏவ இஸ்ஸரா ஹொந்தி. தஸ்மா தே ஸந்தா⁴ய இத³ங் வுத்தங். எத்த² ச ராஜானங் வா க³ணாதி³கே வா ஆபுச்சி²த்வாபி பி⁴க்கு²னிஸங்கோ⁴ ஆபுச்சி²தப்³போ³வ. ட²பெத்வா கப்பந்தி தித்தி²யேஸு வா அஞ்ஞபி⁴க்கு²னீஸு வா பப்³ப³ஜிதபுப்³ப³ங் கப்பக³திகங் ட²பெத்வாதி. ஸேஸங் உத்தானமேவ.
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
சோரீவுட்டா²பனஸமுட்டா²னங் – கேனசி கரணீயேன பக்கந்தாஸு பி⁴க்கு²னீஸு அக³ந்த்வா க²ண்ட³ஸீமங் யதா²னிஸின்னட்டா²னேயேவ அத்தனோ நிஸ்ஸிதகபரிஸாய ஸத்³தி⁴ங் வுட்டா²பெந்தியா வாசாசித்ததோ ஸமுட்டா²தி, க²ண்ட³ஸீமங் வா நதி³ங் வா க³ந்த்வா வுட்டா²பெந்தியா காயவாசாசித்ததோ ஸமுட்டா²தி, அனாபுச்சா² வுட்டா²பனவஸேன கிரியாகிரியங், ஸஞ்ஞாவிமொக்க²ங், ஸசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
து³தியஸிக்கா²பத³ங்.
Dutiyasikkhāpadaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 2. து³தியஸங்கா⁴தி³ஸேஸஸிக்கா²பத³ங் • 2. Dutiyasaṅghādisesasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. து³தியஸங்கா⁴தி³ஸேஸஸிக்கா²பத³ங் • 2. Dutiyasaṅghādisesasikkhāpadaṃ
