| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
2. து³தியஸங்கா⁴தி³ஸேஸஸிக்கா²பத³வண்ணனா
2. Dutiyasaṅghādisesasikkhāpadavaṇṇanā
683. பாளியங் து³தியே மல்லக³ணப⁴டிபுத்தக³ணாதி³கந்திஆதீ³ஸு மல்லராஜூனங் க³ணோ மல்லக³ணோ. ப⁴டிபுத்தா நாம கேசி க³ணராஜானோ, தேஸங் க³ணோ. கேசி பன ‘‘நாராயனப⁴த்திகோ புஞ்ஞகாரக³ணோ மல்லக³ணோ. ததா² குமாரப⁴த்திகோ ச க³ணோ ப⁴டிபுத்தக³ணோ’’திபி (ஸாரத்த²॰ டீ॰ ஸங்கா⁴தி³ஸேஸகண்ட³ 3.683) வத³ந்தி. த⁴ம்மக³ணோதி ஸாஸனே, லோகே வா அனேகப்பகாரபுஞ்ஞகாரகோ க³ணோ. க³ந்த⁴விகதிகாரகோ க³ணோ க³ந்தி⁴கஸேணீ. பேஸகாராதி³க³ணோ து³ஸ்ஸிகஸேணீ. கப்பக³திகந்தி கப்பியபா⁴வக³தங், பப்³ப³ஜிதபுப்³ப³ந்தி அத்தோ².
683. Pāḷiyaṃ dutiye mallagaṇabhaṭiputtagaṇādikantiādīsu mallarājūnaṃ gaṇo mallagaṇo. Bhaṭiputtā nāma keci gaṇarājāno, tesaṃ gaṇo. Keci pana ‘‘nārāyanabhattiko puññakāragaṇo mallagaṇo. Tathā kumārabhattiko ca gaṇo bhaṭiputtagaṇo’’tipi (sārattha. ṭī. saṃghādisesakaṇḍa 3.683) vadanti. Dhammagaṇoti sāsane, loke vā anekappakārapuññakārako gaṇo. Gandhavikatikārako gaṇo gandhikaseṇī. Pesakārādigaṇo dussikaseṇī. Kappagatikanti kappiyabhāvagataṃ, pabbajitapubbanti attho.
685. பாளியங் வுட்டா²பேதீதி உபஸம்பாதே³தி. அகப்பக³தம்பி பப்³பா³ஜெந்தியா து³க்கடந்தி வத³ந்தி. கீ²ணாஸவாயபி ஆபஜ்ஜிதப்³ப³தோ ‘‘திசித்த’’ந்தி வுத்தங். சோரிதா, தங் ஞத்வா அனநுஞ்ஞாதகாரணா வுட்டா²பனந்தி த்³வே அங்கா³னி.
685. Pāḷiyaṃ vuṭṭhāpetīti upasampādeti. Akappagatampi pabbājentiyā dukkaṭanti vadanti. Khīṇāsavāyapi āpajjitabbato ‘‘ticitta’’nti vuttaṃ. Coritā, taṃ ñatvā ananuññātakāraṇā vuṭṭhāpananti dve aṅgāni.
து³தியஸங்கா⁴தி³ஸேஸஸிக்கா²பத³வண்ணனா நிட்டி²தா.
Dutiyasaṅghādisesasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 2. து³தியஸங்கா⁴தி³ஸேஸஸிக்கா²பத³ங் • 2. Dutiyasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. து³தியஸங்கா⁴தி³ஸேஸஸிக்கா²பத³வண்ணனா • 2. Dutiyasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. து³தியஸங்கா⁴தி³ஸேஸஸிக்கா²பத³ங் • 2. Dutiyasaṅghādisesasikkhāpadaṃ
