| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
২. দুতিযসঙ্ঘাদিসেসসিক্খাপদৰণ্ণনা
2. Dutiyasaṅghādisesasikkhāpadavaṇṇanā
৬৮২. দুতিযে – ৰরভণ্ডন্তি মুত্তামণিৰেল়ুরিযাদি মহগ্ঘভণ্ডং।
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
৬৮৩. অনপলোকেত্ৰাতি অনাপুচ্ছিত্ৰা। গণং ৰাতি মল্লগণভটিপুত্তগণাদিকং। পূগন্তি ধম্মগণং। সেণিন্তি গন্ধিকসেণিদুস্সিকসেণিআদিকং। যত্থ যত্থ হি রাজানো গণাদীনং গামনিগমে নিয্যাতেন্তি ‘‘তুম্হেৰ এত্থ অনুসাসথা’’তি, তত্থ তত্থ তে এৰ ইস্সরা হোন্তি। তস্মা তে সন্ধায ইদং ৰুত্তং। এত্থ চ রাজানং ৰা গণাদিকে ৰা আপুচ্ছিত্ৰাপি ভিক্খুনিসঙ্ঘো আপুচ্ছিতব্বোৰ। ঠপেত্ৰা কপ্পন্তি তিত্থিযেসু ৰা অঞ্ঞভিক্খুনীসু ৰা পব্বজিতপুব্বং কপ্পগতিকং ঠপেত্ৰাতি। সেসং উত্তানমেৰ।
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
চোরীৰুট্ঠাপনসমুট্ঠানং – কেনচি করণীযেন পক্কন্তাসু ভিক্খুনীসু অগন্ত্ৰা খণ্ডসীমং যথানিসিন্নট্ঠানেযেৰ অত্তনো নিস্সিতকপরিসায সদ্ধিং ৰুট্ঠাপেন্তিযা ৰাচাচিত্ততো সমুট্ঠাতি, খণ্ডসীমং ৰা নদিং ৰা গন্ত্ৰা ৰুট্ঠাপেন্তিযা কাযৰাচাচিত্ততো সমুট্ঠাতি, অনাপুচ্ছা ৰুট্ঠাপনৰসেন কিরিযাকিরিযং, সঞ্ঞাৰিমোক্খং, সচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
দুতিযসিক্খাপদং।
Dutiyasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ২. দুতিযসঙ্ঘাদিসেসসিক্খাপদং • 2. Dutiyasaṅghādisesasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. দুতিযসঙ্ঘাদিসেসসিক্খাপদং • 2. Dutiyasaṅghādisesasikkhāpadaṃ
