| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
২. দুতিযসঙ্ঘাদিসেসসিক্খাপদৰণ্ণনা
2. Dutiyasaṅghādisesasikkhāpadavaṇṇanā
৬৮৩. পাল়িযং দুতিযে মল্লগণভটিপুত্তগণাদিকন্তিআদীসু মল্লরাজূনং গণো মল্লগণো। ভটিপুত্তা নাম কেচি গণরাজানো, তেসং গণো। কেচি পন ‘‘নারাযনভত্তিকো পুঞ্ঞকারগণো মল্লগণো। তথা কুমারভত্তিকো চ গণো ভটিপুত্তগণো’’তিপি (সারত্থ॰ টী॰ সংঘাদিসেসকণ্ড ৩.৬৮৩) ৰদন্তি। ধম্মগণোতি সাসনে, লোকে ৰা অনেকপ্পকারপুঞ্ঞকারকো গণো। গন্ধৰিকতিকারকো গণো গন্ধিকসেণী। পেসকারাদিগণো দুস্সিকসেণী। কপ্পগতিকন্তি কপ্পিযভাৰগতং, পব্বজিতপুব্বন্তি অত্থো।
683. Pāḷiyaṃ dutiye mallagaṇabhaṭiputtagaṇādikantiādīsu mallarājūnaṃ gaṇo mallagaṇo. Bhaṭiputtā nāma keci gaṇarājāno, tesaṃ gaṇo. Keci pana ‘‘nārāyanabhattiko puññakāragaṇo mallagaṇo. Tathā kumārabhattiko ca gaṇo bhaṭiputtagaṇo’’tipi (sārattha. ṭī. saṃghādisesakaṇḍa 3.683) vadanti. Dhammagaṇoti sāsane, loke vā anekappakārapuññakārako gaṇo. Gandhavikatikārako gaṇo gandhikaseṇī. Pesakārādigaṇo dussikaseṇī. Kappagatikanti kappiyabhāvagataṃ, pabbajitapubbanti attho.
৬৮৫. পাল়িযং ৰুট্ঠাপেতীতি উপসম্পাদেতি। অকপ্পগতম্পি পব্বাজেন্তিযা দুক্কটন্তি ৰদন্তি। খীণাসৰাযপি আপজ্জিতব্বতো ‘‘তিচিত্ত’’ন্তি ৰুত্তং। চোরিতা, তং ঞত্ৰা অননুঞ্ঞাতকারণা ৰুট্ঠাপনন্তি দ্ৰে অঙ্গানি।
685. Pāḷiyaṃ vuṭṭhāpetīti upasampādeti. Akappagatampi pabbājentiyā dukkaṭanti vadanti. Khīṇāsavāyapi āpajjitabbato ‘‘ticitta’’nti vuttaṃ. Coritā, taṃ ñatvā ananuññātakāraṇā vuṭṭhāpananti dve aṅgāni.
দুতিযসঙ্ঘাদিসেসসিক্খাপদৰণ্ণনা নিট্ঠিতা।
Dutiyasaṅghādisesasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ২. দুতিযসঙ্ঘাদিসেসসিক্খাপদং • 2. Dutiyasaṅghādisesasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযসঙ্ঘাদিসেসসিক্খাপদৰণ্ণনা • 2. Dutiyasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. দুতিযসঙ্ঘাদিসেসসিক্খাপদং • 2. Dutiyasaṅghādisesasikkhāpadaṃ
