| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
2. д̣̇уд̇ияасан̇гхаад̣̇исзсасигкаабад̣̇аван̣н̣анаа
2. Dutiyasaṅghādisesasikkhāpadavaṇṇanā
682. д̣̇уд̇ияз – варабхан̣д̣анд̇и муд̇д̇ааман̣ивзл̣урияаад̣̇и махаг̇гхабхан̣д̣ам̣.
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
683. анабалогзд̇ваад̇и анаабужчид̇ваа. г̇ан̣ам̣ ваад̇и маллаг̇ан̣абхадибуд̇д̇аг̇ан̣аад̣̇игам̣. бууг̇анд̇и д̇хаммаг̇ан̣ам̣. сзн̣инд̇и г̇анд̇хигасзн̣ид̣̇уссигасзн̣иаад̣̇игам̣. яад̇т̇а яад̇т̇а хи рааж̇аано г̇ан̣аад̣̇ийнам̣ г̇ааманиг̇амз нияяаад̇знд̇и ‘‘д̇умхзва зд̇т̇а анусаасат̇аа’’д̇и, д̇ад̇т̇а д̇ад̇т̇а д̇з зва иссараа хонд̇и. д̇асмаа д̇з санд̇хааяа ид̣̇ам̣ вуд̇д̇ам̣. зд̇т̇а жа рааж̇аанам̣ ваа г̇ан̣аад̣̇игз ваа аабужчид̇вааби бхигкунисан̇гхо аабужчид̇аб̣б̣ова. табзд̇ваа габбанд̇и д̇ид̇т̇иязсу ваа ан̃н̃абхигкунийсу ваа баб̣б̣аж̇ид̇абуб̣б̣ам̣ габбаг̇ад̇игам̣ табзд̇ваад̇и. сзсам̣ уд̇д̇аанамзва.
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
жорийвудтаабанасамудтаанам̣ – гзнажи гаран̣ийязна багганд̇аасу бхигкунийсу аг̇анд̇ваа кан̣д̣асиймам̣ яат̇аанисиннадтаанзязва ад̇д̇ано ниссид̇агабарисааяа сад̣̇д̇хим̣ вудтаабзнд̇ияаа ваажаажид̇д̇ад̇о самудтаад̇и, кан̣д̣асиймам̣ ваа над̣̇им̣ ваа г̇анд̇ваа вудтаабзнд̇ияаа гааяаваажаажид̇д̇ад̇о самудтаад̇и, анаабужчаа вудтаабанавасзна гирияаагирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
д̣̇уд̇ияасигкаабад̣̇ам̣.
Dutiyasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 2. д̣̇уд̇ияасан̇гхаад̣̇исзсасигкаабад̣̇ам̣ • 2. Dutiyasaṅghādisesasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияасан̇гхаад̣̇исзсасигкаабад̣̇аван̣н̣анаа • 2. Dutiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияасан̇гхаад̣̇исзсасигкаабад̣̇ам̣ • 2. Dutiyasaṅghādisesasikkhāpadaṃ
