| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๒. ทุติยสงฺฆาทิเสสสิกฺขาปทวณฺณนา
2. Dutiyasaṅghādisesasikkhāpadavaṇṇanā
๖๘๓. ปาฬิยํ ทุติเย มลฺลคณภฎิปุตฺตคณาทิกนฺติอาทีสุ มลฺลราชูนํ คโณ มลฺลคโณฯ ภฎิปุตฺตา นาม เกจิ คณราชาโน, เตสํ คโณฯ เกจิ ปน ‘‘นารายนภตฺติโก ปุญฺญการคโณ มลฺลคโณฯ ตถา กุมารภตฺติโก จ คโณ ภฎิปุตฺตคโณ’’ติปิ (สารตฺถ. ฎี. สํฆาทิเสสกณฺฑ ๓.๖๘๓) วทนฺติฯ ธมฺมคโณติ สาสเน, โลเก วา อเนกปฺปการปุญฺญการโก คโณฯ คนฺธวิกติการโก คโณ คนฺธิกเสณีฯ เปสการาทิคโณ ทุสฺสิกเสณีฯ กปฺปคติกนฺติ กปฺปิยภาวคตํ, ปพฺพชิตปุพฺพนฺติ อโตฺถฯ
683. Pāḷiyaṃ dutiye mallagaṇabhaṭiputtagaṇādikantiādīsu mallarājūnaṃ gaṇo mallagaṇo. Bhaṭiputtā nāma keci gaṇarājāno, tesaṃ gaṇo. Keci pana ‘‘nārāyanabhattiko puññakāragaṇo mallagaṇo. Tathā kumārabhattiko ca gaṇo bhaṭiputtagaṇo’’tipi (sārattha. ṭī. saṃghādisesakaṇḍa 3.683) vadanti. Dhammagaṇoti sāsane, loke vā anekappakārapuññakārako gaṇo. Gandhavikatikārako gaṇo gandhikaseṇī. Pesakārādigaṇo dussikaseṇī. Kappagatikanti kappiyabhāvagataṃ, pabbajitapubbanti attho.
๖๘๕. ปาฬิยํ วุฎฺฐาเปตีติ อุปสมฺปาเทติฯ อกปฺปคตมฺปิ ปพฺพาเชนฺติยา ทุกฺกฎนฺติ วทนฺติฯ ขีณาสวายปิ อาปชฺชิตพฺพโต ‘‘ติจิตฺต’’นฺติ วุตฺตํฯ โจริตา, ตํ ญตฺวา อนนุญฺญาตการณา วุฎฺฐาปนนฺติ เทฺว องฺคานิฯ
685. Pāḷiyaṃ vuṭṭhāpetīti upasampādeti. Akappagatampi pabbājentiyā dukkaṭanti vadanti. Khīṇāsavāyapi āpajjitabbato ‘‘ticitta’’nti vuttaṃ. Coritā, taṃ ñatvā ananuññātakāraṇā vuṭṭhāpananti dve aṅgāni.
ทุติยสงฺฆาทิเสสสิกฺขาปทวณฺณนา นิฎฺฐิตาฯ
Dutiyasaṅghādisesasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๒. ทุติยสงฺฆาทิเสสสิกฺขาปทํ • 2. Dutiyasaṅghādisesasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๒. ทุติยสงฺฆาทิเสสสิกฺขาปทวณฺณนา • 2. Dutiyasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. ทุติยสงฺฆาทิเสสสิกฺขาปทวณฺณนา • 2. Dutiyasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. ทุติยสงฺฆาทิเสสสิกฺขาปทวณฺณนา • 2. Dutiyasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒. ทุติยสงฺฆาทิเสสสิกฺขาปทํ • 2. Dutiyasaṅghādisesasikkhāpadaṃ
