| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
2. දුතියසඞ්‌ඝාදිසෙසසික්‌ඛාපදවණ්‌ණනා
2. Dutiyasaṅghādisesasikkhāpadavaṇṇanā
682. දුතියෙ – වරභණ්‌ඩන්‌ති මුත්‌තාමණිවෙළුරියාදි මහග්‌ඝභණ්‌ඩං.
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
683. අනපලොකෙත්‌වාති අනාපුච්‌ඡිත්‌වා. ගණං වාති මල්‌ලගණභටිපුත්‌තගණාදිකං. පූගන්‌ති ධම්‌මගණං. සෙණින්‌ති ගන්‌ධිකසෙණිදුස්‌සිකසෙණිආදිකං. යත්‌ථ යත්‌ථ හි රාජානො ගණාදීනං ගාමනිගමෙ නිය්‍යාතෙන්‌ති ‘‘තුම්‌හෙව එත්‌ථ අනුසාසථා’’ති, තත්‌ථ තත්‌ථ තෙ එව ඉස්‌සරා හොන්‌ති. තස්‌මා තෙ සන්‌ධාය ඉදං වුත්‌තං. එත්‌ථ ච රාජානං වා ගණාදිකෙ වා ආපුච්‌ඡිත්‌වාපි භික්‌ඛුනිසඞ්‌ඝො ආපුච්‌ඡිතබ්‌බොව. ඨපෙත්‌වා කප්‌පන්‌ති තිත්‌ථියෙසු වා අඤ්‌ඤභික්‌ඛුනීසු වා පබ්‌බජිතපුබ්‌බං කප්‌පගතිකං ඨපෙත්‌වාති. සෙසං උත්‌තානමෙව.
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
චොරීවුට්‌ඨාපනසමුට්‌ඨානං – කෙනචි කරණීයෙන පක්‌කන්‌තාසු භික්‌ඛුනීසු අගන්‌ත්‌වා ඛණ්‌ඩසීමං යථානිසින්‌නට්‌ඨානෙයෙව අත්‌තනො නිස්‌සිතකපරිසාය සද්‌ධිං වුට්‌ඨාපෙන්‌තියා වාචාචිත්‌තතො සමුට්‌ඨාති, ඛණ්‌ඩසීමං වා නදිං වා ගන්‌ත්‌වා වුට්‌ඨාපෙන්‌තියා කායවාචාචිත්‌තතො සමුට්‌ඨාති, අනාපුච්‌ඡා වුට්‌ඨාපනවසෙන කිරියාකිරියං, සඤ්‌ඤාවිමොක්‌ඛං, සචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
දුතියසික්‌ඛාපදං.
Dutiyasikkhāpadaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 2. දුතියසඞ්‌ඝාදිසෙසසික්‌ඛාපදං • 2. Dutiyasaṅghādisesasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. දුතියසඞ්‌ඝාදිසෙසසික්‌ඛාපදං • 2. Dutiyasaṅghādisesasikkhāpadaṃ
