| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
2. දුතියසඞ්‌ඝාදිසෙසසික්‌ඛාපදවණ්‌ණනා
2. Dutiyasaṅghādisesasikkhāpadavaṇṇanā
683. දුතියෙ මල්‌ලගණභටිපුත්‌තගණාදිකන්‌තිආදීසු මල්‌ලගණො නාම නාරායනභත්‌තිකො තත්‌ථ තත්‌ථ පානීයට්‌ඨපනපොක්‌ඛරණීඛණනාදිපුඤ්‌ඤකම්‌මකාරකො ගණො, භටිපුත්‌තගණො නාම කුමාරභත්‌තිකගණො. ධම්‌මගණොති සාසනභත්‌තිගණො අනෙකප්‌පකාරපුඤ්‌ඤකම්‌මකාරකගණො වුච්‌චති. ගන්‌ධිකසෙණීති අනෙකප්‌පකාරසුගන්‌ධිවිකතිකාරකො ගණො. දුස්‌සිකසෙණීති පෙසකාරකගණො. කප්‌පගතිකන්‌ති කප්‌පියභාවං ගතං.
683. Dutiye mallagaṇabhaṭiputtagaṇādikantiādīsu mallagaṇo nāma nārāyanabhattiko tattha tattha pānīyaṭṭhapanapokkharaṇīkhaṇanādipuññakammakārako gaṇo, bhaṭiputtagaṇo nāma kumārabhattikagaṇo. Dhammagaṇoti sāsanabhattigaṇo anekappakārapuññakammakārakagaṇo vuccati. Gandhikaseṇīti anekappakārasugandhivikatikārako gaṇo. Dussikaseṇīti pesakārakagaṇo. Kappagatikanti kappiyabhāvaṃ gataṃ.
වුට්‌ඨාපෙන්‌තියාති උපසම්‌පාදෙන්‌තියා. ‘‘චොරිං වුත්‌තනයෙන අනාපුච්‌ඡා පබ්‌බාජෙන්‌තියා දුක්‌කට’’න්‌ති වදන්‌ති. පණ්‌ණත්‌තිං අජානන්‌තා අරියාපි වුට්‌ඨාපෙන්‌තීති වා කම්‌මවාචාපරියොසානෙ ආපත්‌තික්‌ඛණෙ විපාකාබ්‍යාකතසමඞ්‌ගිතාවසෙන වා ‘‘තිචිත්‌ත’’න්‌ති වුත්‌තන්‌ති වෙදිතබ්‌බං. සෙසමෙත්‌ථ උත්‌තානමෙව. චොරිතා, චොරිසඤ්‌ඤා, අඤ්‌ඤත්‍ර අනුඤ්‌ඤාතකාරණා වුට්‌ඨාපනන්‌ති ඉමානි පනෙත්‌ථ තීණි අඞ්‌ගානි.
Vuṭṭhāpentiyāti upasampādentiyā. ‘‘Coriṃ vuttanayena anāpucchā pabbājentiyā dukkaṭa’’nti vadanti. Paṇṇattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ‘‘ticitta’’nti vuttanti veditabbaṃ. Sesamettha uttānameva. Coritā, corisaññā, aññatra anuññātakāraṇā vuṭṭhāpananti imāni panettha tīṇi aṅgāni.
දුතියසඞ්‌ඝාදිසෙසසික්‌ඛාපදවණ්‌ණනා නිට්‌ඨිතා.
Dutiyasaṅghādisesasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 2. දුතියසඞ්‌ඝාදිසෙසසික්‌ඛාපදං • 2. Dutiyasaṅghādisesasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. දුතියසඞ්‌ඝාදිසෙසසික්‌ඛාපදවණ්‌ණනා • 2. Dutiyasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. දුතියසඞ්‌ඝාදිසෙසසික්‌ඛාපදං • 2. Dutiyasaṅghādisesasikkhāpadaṃ
