| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ
2. Dutiyasaṅghādisesasikkhāpadavaṇṇanā
੬੮੨. ਦੁਤਿਯੇ – વਰਭਣ੍ਡਨ੍ਤਿ ਮੁਤ੍ਤਾਮਣਿવੇਲ਼ੁਰਿਯਾਦਿ ਮਹਗ੍ਘਭਣ੍ਡਂ।
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
੬੮੩. ਅਨਪਲੋਕੇਤ੍વਾਤਿ ਅਨਾਪੁਚ੍ਛਿਤ੍વਾ। ਗਣਂ વਾਤਿ ਮਲ੍ਲਗਣਭਟਿਪੁਤ੍ਤਗਣਾਦਿਕਂ। ਪੂਗਨ੍ਤਿ ਧਮ੍ਮਗਣਂ। ਸੇਣਿਨ੍ਤਿ ਗਨ੍ਧਿਕਸੇਣਿਦੁਸ੍ਸਿਕਸੇਣਿਆਦਿਕਂ। ਯਤ੍ਥ ਯਤ੍ਥ ਹਿ ਰਾਜਾਨੋ ਗਣਾਦੀਨਂ ਗਾਮਨਿਗਮੇ ਨਿਯ੍ਯਾਤੇਨ੍ਤਿ ‘‘ਤੁਮ੍ਹੇવ ਏਤ੍ਥ ਅਨੁਸਾਸਥਾ’’ਤਿ, ਤਤ੍ਥ ਤਤ੍ਥ ਤੇ ਏવ ਇਸ੍ਸਰਾ ਹੋਨ੍ਤਿ। ਤਸ੍ਮਾ ਤੇ ਸਨ੍ਧਾਯ ਇਦਂ વੁਤ੍ਤਂ। ਏਤ੍ਥ ਚ ਰਾਜਾਨਂ વਾ ਗਣਾਦਿਕੇ વਾ ਆਪੁਚ੍ਛਿਤ੍વਾਪਿ ਭਿਕ੍ਖੁਨਿਸਙ੍ਘੋ ਆਪੁਚ੍ਛਿਤਬ੍ਬੋવ। ਠਪੇਤ੍વਾ ਕਪ੍ਪਨ੍ਤਿ ਤਿਤ੍ਥਿਯੇਸੁ વਾ ਅਞ੍ਞਭਿਕ੍ਖੁਨੀਸੁ વਾ ਪਬ੍ਬਜਿਤਪੁਬ੍ਬਂ ਕਪ੍ਪਗਤਿਕਂ ਠਪੇਤ੍વਾਤਿ। ਸੇਸਂ ਉਤ੍ਤਾਨਮੇવ।
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
ਚੋਰੀવੁਟ੍ਠਾਪਨਸਮੁਟ੍ਠਾਨਂ – ਕੇਨਚਿ ਕਰਣੀਯੇਨ ਪਕ੍ਕਨ੍ਤਾਸੁ ਭਿਕ੍ਖੁਨੀਸੁ ਅਗਨ੍ਤ੍વਾ ਖਣ੍ਡਸੀਮਂ ਯਥਾਨਿਸਿਨ੍ਨਟ੍ਠਾਨੇਯੇવ ਅਤ੍ਤਨੋ ਨਿਸ੍ਸਿਤਕਪਰਿਸਾਯ ਸਦ੍ਧਿਂ વੁਟ੍ਠਾਪੇਨ੍ਤਿਯਾ વਾਚਾਚਿਤ੍ਤਤੋ ਸਮੁਟ੍ਠਾਤਿ, ਖਣ੍ਡਸੀਮਂ વਾ ਨਦਿਂ વਾ ਗਨ੍ਤ੍વਾ વੁਟ੍ਠਾਪੇਨ੍ਤਿਯਾ ਕਾਯવਾਚਾਚਿਤ੍ਤਤੋ ਸਮੁਟ੍ਠਾਤਿ, ਅਨਾਪੁਚ੍ਛਾ વੁਟ੍ਠਾਪਨવਸੇਨ ਕਿਰਿਯਾਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਦੁਤਿਯਸਿਕ੍ਖਾਪਦਂ।
Dutiyasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦਂ • 2. Dutiyasaṅghādisesasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 2. Dutiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 2. Dutiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 2. Dutiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਦੁਤਿਯਸਙ੍ਘਾਦਿਸੇਸਸਿਕ੍ਖਾਪਦਂ • 2. Dutiyasaṅghādisesasikkhāpadaṃ
