| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̣̇уд̇ияасан̇г̇ийд̇игат̇ааван̣н̣анаа
Dutiyasaṅgītikathāvaṇṇanā
звам̣ батамамахаасан̇г̇ийд̇им̣ д̣̇ассзд̇ваа яад̣̇ад̇т̇ам̣ саа ид̇ха д̣̇ассид̇аа, д̇ам̣ ниг̇аманавасзна д̣̇ассзнд̇о имиссаад̇иаад̣̇имааха. д̇ад̇рааяам̣ аажарияабарамбараад̇и д̇асмим̣ ж̇амб̣уд̣̇ийбз аяам̣ аажарияаанам̣ бавзн̣ий бадибаади. виж̇ид̇аавинод̇и виж̇ид̇асаб̣б̣агилзсабадибагкад̇д̇аа виж̇ид̇аванд̇о. ж̇амб̣усиривхаязд̇и ж̇амб̣усад̣̇исо сириманд̇о авхаяо наамам̣ яасса д̣̇ийбасса, д̇асмим̣ ж̇амб̣уд̣̇ийбзд̇и вуд̇д̇ам̣ ход̇и. маханд̇зна хи ж̇амб̣уругкзна абхилагкид̇ад̇д̇аа д̣̇ийбоби ‘‘ж̇амб̣уу’’д̇и вужжад̇и. ажчиж̇ж̇амаанам̣ авинассамаанам̣ гад̇ваа. винаяавам̣санд̇иаад̣̇ийхи д̇ийхи винаяабаал̣иязва гат̇ид̇аа барияааяаважанад̇д̇аа д̇зсам̣. багад̇ан̃н̃уд̇анд̇и взяяад̇д̇ияам̣, бадубхааванд̇и вуд̇д̇ам̣ ход̇и. д̇хураг̇г̇ааход̇и бад̇хаанаг̇г̇аахий, саб̣б̣зсам̣ баамогко худ̇ваа г̇ан̣хийд̇и вуд̇д̇ам̣ ход̇и. бхигкуунам̣ самуд̣̇ааяо самуухо бхигкусамуд̣̇ааяо.
Evaṃ paṭhamamahāsaṅgītiṃ dassetvā yadatthaṃ sā idha dassitā, taṃ nigamanavasena dassento imissātiādimāha. Tatrāyaṃ ācariyaparamparāti tasmiṃ jambudīpe ayaṃ ācariyānaṃ paveṇī paṭipāṭi. Vijitāvinoti vijitasabbakilesapaṭipakkhattā vijitavanto. Jambusirivhayeti jambusadiso sirimanto avhayo nāmaṃ yassa dīpassa, tasmiṃ jambudīpeti vuttaṃ hoti. Mahantena hi jamburukkhena abhilakkhitattā dīpopi ‘‘jambū’’ti vuccati. Acchijjamānaṃ avinassamānaṃ katvā. Vinayavaṃsantiādīhi tīhi vinayapāḷiyeva kathitā pariyāyavacanattā tesaṃ. Pakataññutanti veyyattiyaṃ, paṭubhāvanti vuttaṃ hoti. Dhuraggāhoti padhānaggāhī, sabbesaṃ pāmokkho hutvā gaṇhīti vuttaṃ hoti. Bhikkhūnaṃ samudāyo samūho bhikkhusamudāyo.
яад̣̇аад̇и ниб̣б̣ааяим̣сууд̇и самб̣анд̇хо. ж̇од̇аяид̇ваа жа саб̣б̣ад̇хийд̇и д̇амзва сад̣̇д̇хаммам̣ саб̣б̣ад̇т̇а багаасаяид̇ваа. ж̇уд̇иманд̇од̇и бан̃н̃ааж̇уд̇ияаа яуд̇д̇аа, д̇зж̇аванд̇о ваа, махаанубхааваад̇и ад̇т̇о. ниб̣б̣ааяим̣сууд̇и анубаад̣̇исзсааяа ниб̣б̣аанад̇хаад̇уяаа ниб̣б̣ааяим̣су. анаалаяаад̇и асан̇г̇аа.
Yadāti nibbāyiṃsūti sambandho. Jotayitvā ca sabbadhīti tameva saddhammaṃ sabbattha pakāsayitvā. Jutimantoti paññājutiyā yuttā, tejavanto vā, mahānubhāvāti attho. Nibbāyiṃsūti anupādisesāya nibbānadhātuyā nibbāyiṃsu. Anālayāti asaṅgā.
ат̇аад̇и бажчаа, яад̣̇аа бариниб̣б̣ааяим̣су, д̇ад̇о баранд̇и ад̇т̇о. габбад̇и син̇г̇ийлон̣агаббод̇и зд̇т̇а габба-сад̣̇д̣̇о вигаббад̇т̇о, д̇зна син̇г̇ийлон̣авигаббоби габбад̇и. ид̣̇амби багканд̇арам̣ габбад̇ийд̇и ад̇т̇о, звам̣ саб̣б̣ад̇т̇а. д̇ад̇т̇а син̇г̇зна лон̣ам̣ барихарид̇ваа алон̣агабин̣д̣абаад̇зна сад̣̇д̇хим̣ бхун̃ж̇ид̇ум̣ габбад̇и , саннид̇хим̣ на гарод̇ийд̇и ад̇хиббааяо. габбад̇и д̣̇ван̇г̇улагаббод̇и д̣̇ван̇г̇улам̣ ад̇игганд̇ааяа чааяааяа вигаалз бхож̇анам̣ бхун̃ж̇ид̇ум̣ габбад̇ийд̇и ад̇т̇о. габбад̇и г̇ааманд̇арагаббод̇и ‘‘г̇ааманд̇арам̣ г̇амиссаамий’’д̇и баваарид̇зна анад̇ирид̇д̇абхож̇анам̣ бхун̃ж̇ид̇ум̣ габбад̇ийд̇и ад̇т̇о. габбад̇и ааваасагаббод̇и згасиймааяа наанаасзнаасанзсу висум̣ висум̣ убосат̇аад̣̇ийни сан̇гхагаммаани гаад̇ум̣ ваддад̇ийд̇и ад̇т̇о. габбад̇и анумад̇игаббод̇и ‘‘анааг̇ад̇аанам̣ ааг̇ад̇агаалз анумад̇им̣ г̇ахзссаамаа’’д̇и д̇зсу анааг̇ад̇зсуязва ваг̇г̇зна сан̇гхзна гаммам̣ гад̇ваа бажчаа анумад̇им̣ г̇ахзд̇ум̣ габбад̇и, ваг̇г̇агаммам̣ на ход̇ийд̇и ад̇хиббааяо. габбад̇и аажин̣н̣агаббод̇и аажарияубаж̇жхааязхи аажин̣н̣о габбад̇ийд̇и ад̇т̇о. со бана згажжо габбад̇и д̇хаммиго, згажжо на габбад̇и ад̇хаммигод̇и взд̣̇ид̇аб̣б̣о. габбад̇и амат̇ид̇агаббод̇и яам̣ кийрам̣ кийрабхаавам̣ виж̇ахид̇ам̣ д̣̇ад̇хибхаавам̣ асамбад̇д̇ам̣, д̇ам̣ бхуд̇д̇аавинаа баваарид̇зна анад̇ирид̇д̇ам̣ бхун̃ж̇ид̇ум̣ габбад̇ийд̇и ад̇т̇о. габбад̇и ж̇ал̣ог̇им̣ баад̇унд̇и зд̇т̇а ж̇ал̣ог̇ийд̇и д̇арун̣асураа, яам̣ маж̇ж̇асамбхаарам̣ згад̇о гад̇ам̣ маж̇ж̇абхаавамасамбад̇д̇ам̣, д̇ам̣ баад̇ум̣ ваддад̇ийд̇и ад̇хиббааяо. ж̇аад̇аруубараж̇ад̇анд̇и зд̇т̇а сарасад̇о вигаарам̣ анаабаж̇ж̇ид̇ваа саб̣б̣ад̣̇аа ж̇аад̇аруубамзва ход̇ийд̇и ж̇аад̇ам̣ руубам̣ зд̇ассаад̇и ж̇аад̇аруубам̣, суван̣н̣ам̣. д̇хаваласабхаавад̇ааяа рааж̇ад̇ийд̇и раж̇ад̇ам̣, руубияам̣. сусунааг̇абуд̇д̇од̇и сусунааг̇асса буд̇д̇о. гааган̣д̣агабуд̇д̇од̇и гааган̣д̣агасса б̣раахман̣асса буд̇д̇о. важ̇ж̇ийсууд̇и ж̇анабад̣̇анаамад̇д̇аа б̣ахуважанам̣ гад̇ам̣.
Athāti pacchā, yadā parinibbāyiṃsu, tato paranti attho. Kappati siṅgīloṇakappoti ettha kappa-saddo vikappattho, tena siṅgīloṇavikappopi kappati. Idampi pakkhantaraṃ kappatīti attho, evaṃ sabbattha. Tattha siṅgena loṇaṃ pariharitvā aloṇakapiṇḍapātena saddhiṃ bhuñjituṃ kappati , sannidhiṃ na karotīti adhippāyo. Kappati dvaṅgulakappoti dvaṅgulaṃ atikkantāya chāyāya vikāle bhojanaṃ bhuñjituṃ kappatīti attho. Kappati gāmantarakappoti ‘‘gāmantaraṃ gamissāmī’’ti pavāritena anatirittabhojanaṃ bhuñjituṃ kappatīti attho. Kappati āvāsakappoti ekasīmāya nānāsenāsanesu visuṃ visuṃ uposathādīni saṅghakammāni kātuṃ vaṭṭatīti attho. Kappati anumatikappoti ‘‘anāgatānaṃ āgatakāle anumatiṃ gahessāmā’’ti tesu anāgatesuyeva vaggena saṅghena kammaṃ katvā pacchā anumatiṃ gahetuṃ kappati, vaggakammaṃ na hotīti adhippāyo. Kappati āciṇṇakappoti ācariyupajjhāyehi āciṇṇo kappatīti attho. So pana ekacco kappati dhammiko, ekacco na kappati adhammikoti veditabbo. Kappati amathitakappoti yaṃ khīraṃ khīrabhāvaṃ vijahitaṃ dadhibhāvaṃ asampattaṃ, taṃ bhuttāvinā pavāritena anatirittaṃ bhuñjituṃ kappatīti attho. Kappati jaḷogiṃ pātunti ettha jaḷogīti taruṇasurā, yaṃ majjasambhāraṃ ekato kataṃ majjabhāvamasampattaṃ, taṃ pātuṃ vaṭṭatīti adhippāyo. Jātarūparajatanti ettha sarasato vikāraṃ anāpajjitvā sabbadā jātarūpameva hotīti jātaṃ rūpaṃ etassāti jātarūpaṃ, suvaṇṇaṃ. Dhavalasabhāvatāya rājatīti rajataṃ, rūpiyaṃ. Susunāgaputtoti susunāgassa putto. Kākaṇḍakaputtoti kākaṇḍakassa brāhmaṇassa putto. Vajjīsūti janapadanāmattā bahuvacanaṃ kataṃ.
д̇ад̣̇ахубосат̇зд̇и зд̇т̇а д̇ад̣̇ахууд̇и д̇асмим̣ ахани. убавасанд̇и зд̇т̇аад̇и убосат̇о, убавасанд̇ийд̇и жа сийласамаад̣̇аанзна ваа анасанаад̣̇инаа ваа убзд̇аа худ̇ваа васанд̇ийд̇и ад̇т̇о. гам̣сабаад̇инд̇и суван̣н̣абаад̇им̣. маасагаруубанд̇и маасаго зва. саб̣б̣ам̣ д̇аава вад̇д̇аб̣б̣анд̇и иминаа сад̇д̇асад̇игагканд̇хагз (жуул̣ава. 446 аад̣̇аяо) ааг̇ад̇аа саб̣б̣ааби баал̣и ид̇ха аанзд̇ваа вад̇д̇аб̣б̣аад̇и д̣̇ассзд̇и. сан̇г̇ааяид̇асад̣̇исамзва сан̇г̇ааяим̣сууд̇и самб̣анд̇хо.
Tadahuposatheti ettha tadahūti tasmiṃ ahani. Upavasanti etthāti uposatho, upavasantīti ca sīlasamādānena vā anasanādinā vā upetā hutvā vasantīti attho. Kaṃsapātinti suvaṇṇapātiṃ. Māsakarūpanti māsako eva. Sabbaṃ tāva vattabbanti iminā sattasatikakkhandhake (cūḷava. 446 ādayo) āgatā sabbāpi pāḷi idha ānetvā vattabbāti dasseti. Saṅgāyitasadisameva saṅgāyiṃsūti sambandho.
саа банааяам̣ сан̇г̇ийд̇ийд̇и самб̣анд̇хо. д̇зсууд̇и д̇зсу сан̇г̇ийд̇игаарагзсу т̇зрзсу. виссуд̇аа зд̇з сад̣̇д̇хивихааригаа н̃зяяаад̇и самб̣анд̇хо. саан̣асамбхууд̇од̇и саан̣ад̣̇зсаваасий самбхууд̇ад̇т̇зро. д̣̇уд̇ияо сан̇г̇аход̇и самб̣анд̇хид̇аб̣б̣ам̣. баннабхаараад̇и бад̇ид̇агканд̇хабхаараа.
Sā panāyaṃ saṅgītīti sambandho. Tesūti tesu saṅgītikārakesu theresu. Vissutā ete saddhivihārikā ñeyyāti sambandho. Sāṇasambhūtoti sāṇadesavāsī sambhūtatthero. Dutiyo saṅgahoti sambandhitabbaṃ. Pannabhārāti patitakkhandhabhārā.
аб̣б̣уд̣̇анд̇и убад̣̇д̣̇авам̣ вад̣̇анд̇и. ‘‘бхаг̇авад̇о важанам̣ т̇знзд̇ваа ад̇д̇ано важанасса д̣̇ийбанад̇о аб̣б̣уд̣̇анд̇и жорагамма’’нд̇и згз. ид̣̇анд̇и вагкамаананид̣̇ассанам̣. санд̣̇иссамаанаа мукаа саммукаа. бхаавид̇амаг̇г̇анд̇и уббаад̣̇ид̇аж̇жхаанам̣. саад̇ху саббурисаад̇и зд̇т̇а саад̇хууд̇и ааяаажанад̇т̇з нибаад̇о, д̇ам̣ яаажаамийд̇и ад̇т̇о. хадтабахадтод̇и бунаббунам̣ санд̇удто. уд̣̇аг̇г̇уд̣̇аг̇г̇од̇и сарийравигааруббаад̣̇анабийд̇ивасзна уд̣̇аг̇г̇уд̣̇аг̇г̇о, бийд̇имаа хи буг̇г̇ало гааяажид̇д̇аанам̣ уг̇г̇ад̇ад̇д̇аа ‘‘уд̣̇аг̇г̇уд̣̇аг̇г̇о’’д̇и вужжад̇и.
Abbudanti upaddavaṃ vadanti. ‘‘Bhagavato vacanaṃ thenetvā attano vacanassa dīpanato abbudanti corakamma’’nti eke. Idanti vakkhamānanidassanaṃ. Sandissamānā mukhā sammukhā. Bhāvitamagganti uppāditajjhānaṃ. Sādhu sappurisāti ettha sādhūti āyācanatthe nipāto, taṃ yācāmīti attho. Haṭṭhapahaṭṭhoti punappunaṃ santuṭṭho. Udaggudaggoti sarīravikāruppādanapītivasena udaggudaggo, pītimā hi puggalo kāyacittānaṃ uggatattā ‘‘udaggudaggo’’ti vuccati.
д̇зна ко бана самаязнаад̇и яасмим̣ самаяз д̣̇уд̇ияам̣ сан̇г̇ийд̇им̣ агарим̣су, д̇асмим̣ самаязд̇и ад̇т̇о. д̇ам̣ ад̇хигаран̣ам̣ на самбаабун̣им̣сууд̇и д̇ам̣ важ̇ж̇ибуд̇д̇агзхи уббаад̣̇ид̇ам̣ ад̇хигаран̣ам̣ винижчинид̇ум̣ на самбаабун̣им̣су нааг̇амим̣су. но ахувад̇т̇аад̇и самб̣анд̇хо. яаавад̇ааяугам̣ тад̇ваа бариниб̣б̣уд̇аад̇и самб̣анд̇хо. гим̣ бана гад̇ваа т̇зраа бариниб̣б̣уд̇аад̇и? ааха д̣̇уд̇ияам̣ сан̇г̇ахам̣ гад̇ваад̇иаад̣̇и. анижжад̇аавасанд̇и анижжад̇аад̇хийнад̇ам̣. ж̇амминд̇и лаамагам̣. д̣̇урабхисамбхавам̣ анабхибхаванийяам̣ ад̇иггамид̇ум̣ асаггун̣зяяам̣ анижжад̇ам̣ звам̣ н̃ад̇ваад̇и самб̣анд̇хо.
Tena kho pana samayenāti yasmiṃ samaye dutiyaṃ saṅgītiṃ akariṃsu, tasmiṃ samayeti attho. Taṃ adhikaraṇaṃ na sampāpuṇiṃsūti taṃ vajjiputtakehi uppāditaṃ adhikaraṇaṃ vinicchinituṃ na sampāpuṇiṃsu nāgamiṃsu. No ahuvatthāti sambandho. Yāvatāyukaṃ ṭhatvā parinibbutāti sambandho. Kiṃ pana katvā therā parinibbutāti? Āha dutiyaṃ saṅgahaṃ katvātiādi. Aniccatāvasanti aniccatādhīnataṃ. Jamminti lāmakaṃ. Durabhisambhavaṃ anabhibhavanīyaṃ atikkamituṃ asakkuṇeyyaṃ aniccataṃ evaṃ ñatvāti sambandho.
д̣̇уд̇ияасан̇г̇ийд̇игат̇ааван̣н̣анаанаяо нидтид̇о.
Dutiyasaṅgītikathāvaṇṇanānayo niṭṭhito.
