| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̣̇уд̇ияасан̃н̃аасуд̇д̇ам̣
6. Dutiyasaññāsuttaṃ
49. ‘‘сад̇д̇имаа, бхигкавз, сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа. гад̇амаа сад̇д̇а? асубхасан̃н̃аа, маран̣асан̃н̃аа, аахаарз бадигууласан̃н̃аа, саб̣б̣алогз анабхирад̇асан̃н̃аа, анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа. имаа ко, бхигкавз, сад̇д̇а сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаад̇и.
49. ‘‘Sattimā, bhikkhave, saññā bhāvitā bahulīkatā mahapphalā honti mahānisaṃsā amatogadhā amatapariyosānā. Katamā satta? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā. Imā kho, bhikkhave, satta saññā bhāvitā bahulīkatā mahapphalā honti mahānisaṃsā amatogadhā amatapariyosānāti.
‘‘‘асубхасан̃н̃аа , бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и. ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? асубхасан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о мзт̇унад̇хаммасамаабад̇д̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и. сзяяат̇ааби, бхигкавз, гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и. звамзвам̣ ко, бхигкавз, бхигкуно асубхасан̃н̃аабарижид̇зна жзд̇асаа б̣ахулам̣ вихарад̇о мзт̇унад̇хаммасамаабад̇д̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и.
‘‘‘Asubhasaññā , bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti. Iti kho panetaṃ vuttaṃ. Kiñcetaṃ paṭicca vuttaṃ? Asubhasaññāparicitena, bhikkhave, bhikkhuno cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘сажз, бхигкавз, бхигкуно асубхасан̃н̃аабарижид̇зна жзд̇асаа б̣ахулам̣ вихарад̇о мзт̇унад̇хаммасамаабад̇д̇ияаа жид̇д̇ам̣ анусанд̣̇ахад̇и 1 аббадигуляад̇аа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз асубхасан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно асубхасан̃н̃аабарижид̇зна жзд̇асаа б̣ахулам̣ вихарад̇о мзт̇унад̇хаммасамаабад̇д̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и; взд̣̇ид̇аб̣б̣амзд̇ам̣ , бхигкавз, бхигкунаа ‘субхаавид̇аа мз асубхасан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘асубхасан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ anusandahati 2 appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me asubhasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ , bhikkhave, bhikkhunā ‘subhāvitā me asubhasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Asubhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘маран̣асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣ гин̃жзд̇ам̣ бадижжа вуд̇д̇ам̣? маран̣асан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о ж̇ийвид̇аниганд̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и. сзяяат̇ааби, бхигкавз, гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и. звамзвам̣ ко, бхигкавз, бхигкуно маран̣асан̃н̃аабарижид̇зна жзд̇асаа б̣ахулам̣ вихарад̇о ж̇ийвид̇аниганд̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и.
‘‘‘Maraṇasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ kiñcetaṃ paṭicca vuttaṃ? Maraṇasaññāparicitena, bhikkhave, bhikkhuno cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘сажз , бхигкавз, бхигкуно маран̣асан̃н̃аабарижид̇зна жзд̇асаа б̣ахулам̣ вихарад̇о ж̇ийвид̇аниганд̇ияаа жид̇д̇ам̣ анусанд̣̇ахад̇и аббадигуляад̇аа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз маран̣асан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно маран̣асан̃н̃аабарижид̇зна жзд̇асаа б̣ахулам̣ вихарад̇о ж̇ийвид̇аниганд̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз маран̣асан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘маран̣асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace , bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me maraṇasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me maraṇasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Maraṇasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘аахаарз бадигууласан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? аахаарз бадигууласан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о расад̇ан̣хааяа жид̇д̇ам̣ бад̇илийяад̇и …бз… убзгкаа ваа баадигуляад̇аа ваа сан̣таад̇и. сзяяат̇ааби, бхигкавз, гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и. звамзвам̣ ко, бхигкавз, бхигкуно аахаарз бадигууласан̃н̃аабарижид̇зна жзд̇асаа б̣ахулам̣ вихарад̇о расад̇ан̣хааяа жид̇д̇ам̣ бад̇илийяад̇и…бз… убзгкаа ваа баадигуляад̇аа ваа сан̣таад̇и .
‘‘‘Āhāre paṭikūlasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ, kiñcetaṃ paṭicca vuttaṃ? Āhāre paṭikūlasaññāparicitena, bhikkhave, bhikkhuno cetasā bahulaṃ viharato rasataṇhāya cittaṃ patilīyati …pe… upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ patilīyati…pe… upekkhā vā pāṭikulyatā vā saṇṭhāti .
‘‘сажз, бхигкавз, бхигкуно аахаарз бадигууласан̃н̃аабарижид̇зна жзд̇асаа б̣ахулам̣ вихарад̇о расад̇ан̣хааяа жид̇д̇ам̣ анусанд̣̇ахад̇и аббадигуляад̇аа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз аахаарз бадигууласан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно аахаарз бадигууласан̃н̃аабарижид̇зна жзд̇асаа б̣ахулам̣ вихарад̇о расад̇ан̣хааяа жид̇д̇ам̣ бад̇илийяад̇и…бз… убзгкаа ваа баадигуляад̇аа ваа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз аахаарз бадигууласан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘аахаарз бадигууласан̃н̃аа , бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me āhāre paṭikūlasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ patilīyati…pe… upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me āhāre paṭikūlasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Āhāre paṭikūlasaññā , bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘саб̣б̣алогз анабхирад̇асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? саб̣б̣алогз анабхирад̇асан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о логажид̇рзсу жид̇д̇ам̣ бад̇илийяад̇и…бз… сзяяат̇ааби бхигкавз…бз… бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и. звамзвам̣ ко, бхигкавз, бхигкуно саб̣б̣алогз анабхирад̇асан̃н̃аабарижид̇зна жзд̇асаа б̣ахулам̣ вихарад̇о логажид̇рзсу жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и.
‘‘‘Sabbaloke anabhiratasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Sabbaloke anabhiratasaññāparicitena, bhikkhave, bhikkhuno cetasā bahulaṃ viharato lokacitresu cittaṃ patilīyati…pe… seyyathāpi bhikkhave…pe… patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘сажз, бхигкавз, бхигкуно саб̣б̣алогз анабхирад̇асан̃н̃аабарижид̇зна жзд̇асаа б̣ахулам̣ вихарад̇о логажид̇рзсу жид̇д̇ам̣ анусанд̣̇ахад̇и аббадигуляад̇аа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз саб̣б̣алогз анабхирад̇асан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно саб̣б̣алогз анабхирад̇асан̃н̃аабарижид̇зна жзд̇асаа б̣ахулам̣ вихарад̇о логажид̇рзсу жид̇д̇ам̣ бад̇илийяад̇и…бз… убзгкаа ваа баадигуляад̇аа ваа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз саб̣б̣алогз анабхирад̇асан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘саб̣б̣алогз анабхирад̇асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me sabbaloke anabhiratasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ patilīyati…pe… upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me sabbaloke anabhiratasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Sabbaloke anabhiratasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘анижжасан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? анижжасан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о лаабхасаггаарасилогз жид̇д̇ам̣ бад̇илийяад̇и…бз… убзгкаа ваа баадигуляад̇аа ваа сан̣таад̇и. сзяяат̇ааби, бхигкавз, гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бад̇игудад̇и бад̇ивад̇д̇ад̇и на самбасаарияад̇и. звамзвам̣ ко, бхигкавз, бхигкуно анижжасан̃н̃аабарижид̇зна жзд̇асаа б̣ахулам̣ вихарад̇о лаабхасаггаарасилогз жид̇д̇ам̣ бад̇илийяад̇и…бз… убзгкаа ваа баадигуляад̇аа ваа сан̣таад̇и.
‘‘‘Aniccasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Aniccasaññāparicitena, bhikkhave, bhikkhuno cetasā bahulaṃ viharato lābhasakkārasiloke cittaṃ patilīyati…pe… upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati na sampasāriyati. Evamevaṃ kho, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ patilīyati…pe… upekkhā vā pāṭikulyatā vā saṇṭhāti.
‘‘сажз, бхигкавз, бхигкуно анижжасан̃н̃аабарижид̇зна жзд̇асаа б̣ахулам̣ вихарад̇о лаабхасаггаарасилогз жид̇д̇ам̣ анусанд̣̇ахад̇и аббадигуляад̇аа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз анижжасан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно анижжасан̃н̃аабарижид̇зна жзд̇асаа б̣ахулам̣ вихарад̇о лаабхасаггаарасилогз жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и, на самбасаарияад̇и убзгкаа ваа баадигуляад̇аа ваа сан̣таад̇и; взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз анижжасан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘анижжасан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me aniccasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me aniccasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Aniccasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘анижжз д̣̇угкасан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? анижжз д̣̇угкасан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о ааласяз госаж̇ж̇з виссадтияз бамаад̣̇з анануяог̇з абажжавзгкан̣ааяа д̇иб̣б̣аа бхаяасан̃н̃аа бажжубадтид̇аа ход̇и, сзяяат̇ааби, бхигкавз, угкид̇д̇аасигз вад̇хагз.
‘‘‘Anicce dukkhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Anicce dukkhasaññāparicitena, bhikkhave, bhikkhuno cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā paccupaṭṭhitā hoti, seyyathāpi, bhikkhave, ukkhittāsike vadhake.
‘‘сажз, бхигкавз, бхигкуно анижжз д̣̇угкасан̃н̃аабарижид̇зна жзд̇асаа б̣ахулам̣ вихарад̇о ааласяз госаж̇ж̇з виссадтияз бамаад̣̇з анануяог̇з абажжавзгкан̣ааяа д̇иб̣б̣аа бхаяасан̃н̃аа, на бажжубадтид̇аа ход̇и, сзяяат̇ааби, бхигкавз, угкид̇д̇аасигз вад̇хагз. взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз анижжз д̣̇угкасан̃н̃аа, над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. сажз бана, бхигкавз, бхигкуно анижжз д̣̇угкасан̃н̃аабарижид̇зна жзд̇асаа б̣ахулам̣ вихарад̇о ааласяз госаж̇ж̇з виссадтияз бамаад̣̇з анануяог̇з абажжавзгкан̣ааяа д̇иб̣б̣аа бхаяасан̃н̃аа бажжубадтид̇аа ход̇и, сзяяат̇ааби, бхигкавз, угкид̇д̇аасигз вад̇хагз. взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз анижжз д̣̇угкасан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘анижжз д̣̇угкасан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace, bhikkhave, bhikkhuno anicce dukkhasaññāparicitena cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā, na paccupaṭṭhitā hoti, seyyathāpi, bhikkhave, ukkhittāsike vadhake. Veditabbametaṃ, bhikkhave, bhikkhunā ‘abhāvitā me anicce dukkhasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno anicce dukkhasaññāparicitena cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā paccupaṭṭhitā hoti, seyyathāpi, bhikkhave, ukkhittāsike vadhake. Veditabbametaṃ, bhikkhave, bhikkhunā ‘subhāvitā me anicce dukkhasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Anicce dukkhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘д̣̇угкз анад̇д̇асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̣̇угкз анад̇д̇асан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаасамад̇игганд̇ам̣ санд̇ам̣ сувимуд̇д̇ам̣.
‘‘‘Dukkhe anattasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Dukkhe anattasaññāparicitena, bhikkhave, bhikkhuno cetasā bahulaṃ viharato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ.
‘‘сажз, бхигкавз, бхигкуно д̣̇угкз анад̇д̇асан̃н̃аабарижид̇зна жзд̇асаа б̣ахулам̣ вихарад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу на ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаасамад̇игганд̇ам̣ санд̇ам̣ сувимуд̇д̇ам̣. взд̣̇ид̇аб̣б̣амзд̇ам̣, бхигкавз, бхигкунаа ‘абхаавид̇аа мз д̣̇угкз анад̇д̇асан̃н̃аа , над̇т̇и мз буб̣б̣знаабарам̣ висзсо, аббад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и.
‘‘Sace, bhikkhave, bhikkhuno dukkhe anattasaññāparicitena cetasā bahulaṃ viharato imasmiñca saviññāṇake kāye bahiddhā ca sabbanimittesu na ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ. Veditabbametaṃ, bhikkhave, bhikkhunā ‘abhāvitā me dukkhe anattasaññā , natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti.
‘‘сажз бана, бхигкавз, бхигкуно д̣̇угкз анад̇д̇асан̃н̃аабарижид̇зна жзд̇асаа б̣ахулам̣ вихарад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаасамад̇игганд̇ам̣ санд̇ам̣ сувимуд̇д̇ам̣. взд̣̇ид̇аб̣б̣амзд̇ам̣, бхигкавз, бхигкунаа ‘субхаавид̇аа мз д̣̇угкз анад̇д̇асан̃н̃аа, ад̇т̇и мз буб̣б̣знаабарам̣ висзсо, бад̇д̇ам̣ мз бхааванааб̣ала’нд̇и. ид̇иха д̇ад̇т̇а самбаж̇аано ход̇и. ‘д̣̇угкз анад̇д̇асан̃н̃аа, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа амад̇ог̇ад̇хаа амад̇абарияосаанаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Sace pana, bhikkhave, bhikkhuno dukkhe anattasaññāparicitena cetasā bahulaṃ viharato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ. Veditabbametaṃ, bhikkhave, bhikkhunā ‘subhāvitā me dukkhe anattasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Dukkhe anattasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘имаа ко, бхигкавз, сад̇д̇а сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа’’д̇и. чадтам̣.
‘‘Imā kho, bhikkhave, satta saññā bhāvitā bahulīkatā mahapphalā honti mahānisaṃsā amatogadhā amatapariyosānā’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-6. сан̃н̃аасуд̇д̇ад̣̇ваяаван̣н̣анаа • 5-6. Saññāsuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. д̣̇уд̇ияасан̃н̃аасуд̇д̇аван̣н̣анаа • 6. Dutiyasaññāsuttavaṇṇanā
