| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਦੁਤਿਯਸਞ੍ਞਾਸੁਤ੍ਤਂ
6. Dutiyasaññāsuttaṃ
੪੯. ‘‘ਸਤ੍ਤਿਮਾ, ਭਿਕ੍ਖવੇ, ਸਞ੍ਞਾ ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਨ੍ਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ। ਕਤਮਾ ਸਤ੍ਤ? ਅਸੁਭਸਞ੍ਞਾ, ਮਰਣਸਞ੍ਞਾ, ਆਹਾਰੇ ਪਟਿਕੂਲਸਞ੍ਞਾ, ਸਬ੍ਬਲੋਕੇ ਅਨਭਿਰਤਸਞ੍ਞਾ, ਅਨਿਚ੍ਚਸਞ੍ਞਾ, ਅਨਿਚ੍ਚੇ ਦੁਕ੍ਖਸਞ੍ਞਾ, ਦੁਕ੍ਖੇ ਅਨਤ੍ਤਸਞ੍ਞਾ। ਇਮਾ ਖੋ, ਭਿਕ੍ਖવੇ, ਸਤ੍ਤ ਸਞ੍ਞਾ ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਨ੍ਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾਤਿ।
49. ‘‘Sattimā, bhikkhave, saññā bhāvitā bahulīkatā mahapphalā honti mahānisaṃsā amatogadhā amatapariyosānā. Katamā satta? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā. Imā kho, bhikkhave, satta saññā bhāvitā bahulīkatā mahapphalā honti mahānisaṃsā amatogadhā amatapariyosānāti.
‘‘‘ਅਸੁਭਸਞ੍ਞਾ , ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ। ਇਤਿ ਖੋ ਪਨੇਤਂ વੁਤ੍ਤਂ। ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਅਸੁਭਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਮੇਥੁਨਧਮ੍ਮਸਮਾਪਤ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ। ਸੇਯ੍ਯਥਾਪਿ, ਭਿਕ੍ਖવੇ, ਕੁਕ੍ਕੁਟਪਤ੍ਤਂ વਾ ਨ੍ਹਾਰੁਦਦ੍ਦੁਲਂ વਾ ਅਗ੍ਗਿਮ੍ਹਿ ਪਕ੍ਖਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ। ਏવਮੇવਂ ਖੋ, ਭਿਕ੍ਖવੇ, ਭਿਕ੍ਖੁਨੋ ਅਸੁਭਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਮੇਥੁਨਧਮ੍ਮਸਮਾਪਤ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ।
‘‘‘Asubhasaññā , bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti. Iti kho panetaṃ vuttaṃ. Kiñcetaṃ paṭicca vuttaṃ? Asubhasaññāparicitena, bhikkhave, bhikkhuno cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਅਸੁਭਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਮੇਥੁਨਧਮ੍ਮਸਮਾਪਤ੍ਤਿਯਾ ਚਿਤ੍ਤਂ ਅਨੁਸਨ੍ਦਹਤਿ 1 ਅਪ੍ਪਟਿਕੁਲ੍ਯਤਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਅਸੁਭਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਅਸੁਭਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਮੇਥੁਨਧਮ੍ਮਸਮਾਪਤ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ; વੇਦਿਤਬ੍ਬਮੇਤਂ , ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਅਸੁਭਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਅਸੁਭਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ anusandahati 2 appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me asubhasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno asubhasaññāparicitena cetasā bahulaṃ viharato methunadhammasamāpattiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ , bhikkhave, bhikkhunā ‘subhāvitā me asubhasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Asubhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਮਰਣਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਮਰਣਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਜੀવਿਤਨਿਕਨ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ। ਸੇਯ੍ਯਥਾਪਿ, ਭਿਕ੍ਖવੇ, ਕੁਕ੍ਕੁਟਪਤ੍ਤਂ વਾ ਨ੍ਹਾਰੁਦਦ੍ਦੁਲਂ વਾ ਅਗ੍ਗਿਮ੍ਹਿ ਪਕ੍ਖਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ। ਏવਮੇવਂ ਖੋ, ਭਿਕ੍ਖવੇ, ਭਿਕ੍ਖੁਨੋ ਮਰਣਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਜੀવਿਤਨਿਕਨ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ।
‘‘‘Maraṇasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ kiñcetaṃ paṭicca vuttaṃ? Maraṇasaññāparicitena, bhikkhave, bhikkhuno cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘ਸਚੇ , ਭਿਕ੍ਖવੇ, ਭਿਕ੍ਖੁਨੋ ਮਰਣਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਜੀવਿਤਨਿਕਨ੍ਤਿਯਾ ਚਿਤ੍ਤਂ ਅਨੁਸਨ੍ਦਹਤਿ ਅਪ੍ਪਟਿਕੁਲ੍ਯਤਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਮਰਣਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਮਰਣਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਜੀવਿਤਨਿਕਨ੍ਤਿਯਾ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਮਰਣਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਮਰਣਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace , bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me maraṇasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno maraṇasaññāparicitena cetasā bahulaṃ viharato jīvitanikantiyā cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me maraṇasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Maraṇasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਆਹਾਰੇ ਪਟਿਕੂਲਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ, ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਆਹਾਰੇ ਪਟਿਕੂਲਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਰਸਤਣ੍ਹਾਯ ਚਿਤ੍ਤਂ ਪਤਿਲੀਯਤਿ …ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ। ਸੇਯ੍ਯਥਾਪਿ, ਭਿਕ੍ਖવੇ, ਕੁਕ੍ਕੁਟਪਤ੍ਤਂ વਾ ਨ੍ਹਾਰੁਦਦ੍ਦੁਲਂ વਾ ਅਗ੍ਗਿਮ੍ਹਿ ਪਕ੍ਖਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ। ਏવਮੇવਂ ਖੋ, ਭਿਕ੍ਖવੇ, ਭਿਕ੍ਖੁਨੋ ਆਹਾਰੇ ਪਟਿਕੂਲਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਰਸਤਣ੍ਹਾਯ ਚਿਤ੍ਤਂ ਪਤਿਲੀਯਤਿ…ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ ।
‘‘‘Āhāre paṭikūlasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ, kiñcetaṃ paṭicca vuttaṃ? Āhāre paṭikūlasaññāparicitena, bhikkhave, bhikkhuno cetasā bahulaṃ viharato rasataṇhāya cittaṃ patilīyati …pe… upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ patilīyati…pe… upekkhā vā pāṭikulyatā vā saṇṭhāti .
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਆਹਾਰੇ ਪਟਿਕੂਲਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਰਸਤਣ੍ਹਾਯ ਚਿਤ੍ਤਂ ਅਨੁਸਨ੍ਦਹਤਿ ਅਪ੍ਪਟਿਕੁਲ੍ਯਤਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਆਹਾਰੇ ਪਟਿਕੂਲਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਆਹਾਰੇ ਪਟਿਕੂਲਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਰਸਤਣ੍ਹਾਯ ਚਿਤ੍ਤਂ ਪਤਿਲੀਯਤਿ…ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਆਹਾਰੇ ਪਟਿਕੂਲਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਆਹਾਰੇ ਪਟਿਕੂਲਸਞ੍ਞਾ , ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me āhāre paṭikūlasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno āhāre paṭikūlasaññāparicitena cetasā bahulaṃ viharato rasataṇhāya cittaṃ patilīyati…pe… upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me āhāre paṭikūlasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Āhāre paṭikūlasaññā , bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਸਬ੍ਬਲੋਕੇ ਅਨਭਿਰਤਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ। ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਸਬ੍ਬਲੋਕੇ ਅਨਭਿਰਤਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਲੋਕਚਿਤ੍ਰੇਸੁ ਚਿਤ੍ਤਂ ਪਤਿਲੀਯਤਿ…ਪੇ॰… ਸੇਯ੍ਯਥਾਪਿ ਭਿਕ੍ਖવੇ…ਪੇ॰… ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ। ਏવਮੇવਂ ਖੋ, ਭਿਕ੍ਖવੇ, ਭਿਕ੍ਖੁਨੋ ਸਬ੍ਬਲੋਕੇ ਅਨਭਿਰਤਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲੋਕਚਿਤ੍ਰੇਸੁ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ।
‘‘‘Sabbaloke anabhiratasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Sabbaloke anabhiratasaññāparicitena, bhikkhave, bhikkhuno cetasā bahulaṃ viharato lokacitresu cittaṃ patilīyati…pe… seyyathāpi bhikkhave…pe… patilīyati patikuṭati pativattati, na sampasāriyati. Evamevaṃ kho, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti.
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਸਬ੍ਬਲੋਕੇ ਅਨਭਿਰਤਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲੋਕਚਿਤ੍ਰੇਸੁ ਚਿਤ੍ਤਂ ਅਨੁਸਨ੍ਦਹਤਿ ਅਪ੍ਪਟਿਕੁਲ੍ਯਤਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਸਬ੍ਬਲੋਕੇ ਅਨਭਿਰਤਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਸਬ੍ਬਲੋਕੇ ਅਨਭਿਰਤਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲੋਕਚਿਤ੍ਰੇਸੁ ਚਿਤ੍ਤਂ ਪਤਿਲੀਯਤਿ…ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਸਬ੍ਬਲੋਕੇ ਅਨਭਿਰਤਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਸਬ੍ਬਲੋਕੇ ਅਨਭਿਰਤਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me sabbaloke anabhiratasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno sabbaloke anabhiratasaññāparicitena cetasā bahulaṃ viharato lokacitresu cittaṃ patilīyati…pe… upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me sabbaloke anabhiratasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Sabbaloke anabhiratasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਅਨਿਚ੍ਚਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ। ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਅਨਿਚ੍ਚਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਲਾਭਸਕ੍ਕਾਰਸਿਲੋਕੇ ਚਿਤ੍ਤਂ ਪਤਿਲੀਯਤਿ…ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ। ਸੇਯ੍ਯਥਾਪਿ, ਭਿਕ੍ਖવੇ, ਕੁਕ੍ਕੁਟਪਤ੍ਤਂ વਾ ਨ੍ਹਾਰੁਦਦ੍ਦੁਲਂ વਾ ਅਗ੍ਗਿਮ੍ਹਿ ਪਕ੍ਖਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ ਨ ਸਮ੍ਪਸਾਰਿਯਤਿ। ਏવਮੇવਂ ਖੋ, ਭਿਕ੍ਖવੇ, ਭਿਕ੍ਖੁਨੋ ਅਨਿਚ੍ਚਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲਾਭਸਕ੍ਕਾਰਸਿਲੋਕੇ ਚਿਤ੍ਤਂ ਪਤਿਲੀਯਤਿ…ਪੇ॰… ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ।
‘‘‘Aniccasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Aniccasaññāparicitena, bhikkhave, bhikkhuno cetasā bahulaṃ viharato lābhasakkārasiloke cittaṃ patilīyati…pe… upekkhā vā pāṭikulyatā vā saṇṭhāti. Seyyathāpi, bhikkhave, kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativattati na sampasāriyati. Evamevaṃ kho, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ patilīyati…pe… upekkhā vā pāṭikulyatā vā saṇṭhāti.
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਅਨਿਚ੍ਚਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲਾਭਸਕ੍ਕਾਰਸਿਲੋਕੇ ਚਿਤ੍ਤਂ ਅਨੁਸਨ੍ਦਹਤਿ ਅਪ੍ਪਟਿਕੁਲ੍ਯਤਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਅਨਿਚ੍ਚਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਅਨਿਚ੍ਚਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਲਾਭਸਕ੍ਕਾਰਸਿਲੋਕੇ ਚਿਤ੍ਤਂ ਪਤਿਲੀਯਤਿ ਪਤਿਕੁਟਤਿ ਪਤਿવਤ੍ਤਤਿ, ਨ ਸਮ੍ਪਸਾਰਿਯਤਿ ਉਪੇਕ੍ਖਾ વਾ ਪਾਟਿਕੁਲ੍ਯਤਾ વਾ ਸਣ੍ਠਾਤਿ; વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਅਨਿਚ੍ਚਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਅਨਿਚ੍ਚਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ anusandahati appaṭikulyatā saṇṭhāti; veditabbametaṃ, bhikkhave, bhikkhunā ‘abhāvitā me aniccasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno aniccasaññāparicitena cetasā bahulaṃ viharato lābhasakkārasiloke cittaṃ patilīyati patikuṭati pativattati, na sampasāriyati upekkhā vā pāṭikulyatā vā saṇṭhāti; veditabbametaṃ, bhikkhave, bhikkhunā ‘subhāvitā me aniccasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Aniccasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਅਨਿਚ੍ਚੇ ਦੁਕ੍ਖਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ। ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਅਨਿਚ੍ਚੇ ਦੁਕ੍ਖਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਆਲਸ੍ਯੇ ਕੋਸਜ੍ਜੇ વਿਸ੍ਸਟ੍ਠਿਯੇ ਪਮਾਦੇ ਅਨਨੁਯੋਗੇ ਅਪਚ੍ਚવੇਕ੍ਖਣਾਯ ਤਿਬ੍ਬਾ ਭਯਸਞ੍ਞਾ ਪਚ੍ਚੁਪਟ੍ਠਿਤਾ ਹੋਤਿ, ਸੇਯ੍ਯਥਾਪਿ, ਭਿਕ੍ਖવੇ, ਉਕ੍ਖਿਤ੍ਤਾਸਿਕੇ વਧਕੇ।
‘‘‘Anicce dukkhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Anicce dukkhasaññāparicitena, bhikkhave, bhikkhuno cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā paccupaṭṭhitā hoti, seyyathāpi, bhikkhave, ukkhittāsike vadhake.
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਅਨਿਚ੍ਚੇ ਦੁਕ੍ਖਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਆਲਸ੍ਯੇ ਕੋਸਜ੍ਜੇ વਿਸ੍ਸਟ੍ਠਿਯੇ ਪਮਾਦੇ ਅਨਨੁਯੋਗੇ ਅਪਚ੍ਚવੇਕ੍ਖਣਾਯ ਤਿਬ੍ਬਾ ਭਯਸਞ੍ਞਾ, ਨ ਪਚ੍ਚੁਪਟ੍ਠਿਤਾ ਹੋਤਿ, ਸੇਯ੍ਯਥਾਪਿ, ਭਿਕ੍ਖવੇ, ਉਕ੍ਖਿਤ੍ਤਾਸਿਕੇ વਧਕੇ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਅਨਿਚ੍ਚੇ ਦੁਕ੍ਖਸਞ੍ਞਾ, ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਅਨਿਚ੍ਚੇ ਦੁਕ੍ਖਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਆਲਸ੍ਯੇ ਕੋਸਜ੍ਜੇ વਿਸ੍ਸਟ੍ਠਿਯੇ ਪਮਾਦੇ ਅਨਨੁਯੋਗੇ ਅਪਚ੍ਚવੇਕ੍ਖਣਾਯ ਤਿਬ੍ਬਾ ਭਯਸਞ੍ਞਾ ਪਚ੍ਚੁਪਟ੍ਠਿਤਾ ਹੋਤਿ, ਸੇਯ੍ਯਥਾਪਿ, ਭਿਕ੍ਖવੇ, ਉਕ੍ਖਿਤ੍ਤਾਸਿਕੇ વਧਕੇ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਅਨਿਚ੍ਚੇ ਦੁਕ੍ਖਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਅਨਿਚ੍ਚੇ ਦੁਕ੍ਖਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace, bhikkhave, bhikkhuno anicce dukkhasaññāparicitena cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā, na paccupaṭṭhitā hoti, seyyathāpi, bhikkhave, ukkhittāsike vadhake. Veditabbametaṃ, bhikkhave, bhikkhunā ‘abhāvitā me anicce dukkhasaññā, natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti. Sace pana, bhikkhave, bhikkhuno anicce dukkhasaññāparicitena cetasā bahulaṃ viharato ālasye kosajje vissaṭṭhiye pamāde ananuyoge apaccavekkhaṇāya tibbā bhayasaññā paccupaṭṭhitā hoti, seyyathāpi, bhikkhave, ukkhittāsike vadhake. Veditabbametaṃ, bhikkhave, bhikkhunā ‘subhāvitā me anicce dukkhasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Anicce dukkhasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ਦੁਕ੍ਖੇ ਅਨਤ੍ਤਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਖੋ ਪਨੇਤਂ વੁਤ੍ਤਂ। ਕਿਞ੍ਚੇਤਂ ਪਟਿਚ੍ਚ વੁਤ੍ਤਂ? ਦੁਕ੍ਖੇ ਅਨਤ੍ਤਸਞ੍ਞਾਪਰਿਚਿਤੇਨ, ਭਿਕ੍ਖવੇ, ਭਿਕ੍ਖੁਨੋ ਚੇਤਸਾ ਬਹੁਲਂ વਿਹਰਤੋ ਇਮਸ੍ਮਿਞ੍ਚ ਸવਿਞ੍ਞਾਣਕੇ ਕਾਯੇ ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਸੁ ਅਹਙ੍ਕਾਰਮਮਙ੍ਕਾਰਮਾਨਾਪਗਤਂ ਮਾਨਸਂ ਹੋਤਿ વਿਧਾਸਮਤਿਕ੍ਕਨ੍ਤਂ ਸਨ੍ਤਂ ਸੁવਿਮੁਤ੍ਤਂ।
‘‘‘Dukkhe anattasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti kho panetaṃ vuttaṃ. Kiñcetaṃ paṭicca vuttaṃ? Dukkhe anattasaññāparicitena, bhikkhave, bhikkhuno cetasā bahulaṃ viharato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ.
‘‘ਸਚੇ, ਭਿਕ੍ਖવੇ, ਭਿਕ੍ਖੁਨੋ ਦੁਕ੍ਖੇ ਅਨਤ੍ਤਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਇਮਸ੍ਮਿਞ੍ਚ ਸવਿਞ੍ਞਾਣਕੇ ਕਾਯੇ ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਸੁ ਨ ਅਹਙ੍ਕਾਰਮਮਙ੍ਕਾਰਮਾਨਾਪਗਤਂ ਮਾਨਸਂ ਹੋਤਿ વਿਧਾਸਮਤਿਕ੍ਕਨ੍ਤਂ ਸਨ੍ਤਂ ਸੁવਿਮੁਤ੍ਤਂ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਅਭਾવਿਤਾ ਮੇ ਦੁਕ੍ਖੇ ਅਨਤ੍ਤਸਞ੍ਞਾ , ਨਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਅਪ੍ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ।
‘‘Sace, bhikkhave, bhikkhuno dukkhe anattasaññāparicitena cetasā bahulaṃ viharato imasmiñca saviññāṇake kāye bahiddhā ca sabbanimittesu na ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ. Veditabbametaṃ, bhikkhave, bhikkhunā ‘abhāvitā me dukkhe anattasaññā , natthi me pubbenāparaṃ viseso, appattaṃ me bhāvanābala’nti. Itiha tattha sampajāno hoti.
‘‘ਸਚੇ ਪਨ, ਭਿਕ੍ਖવੇ, ਭਿਕ੍ਖੁਨੋ ਦੁਕ੍ਖੇ ਅਨਤ੍ਤਸਞ੍ਞਾਪਰਿਚਿਤੇਨ ਚੇਤਸਾ ਬਹੁਲਂ વਿਹਰਤੋ ਇਮਸ੍ਮਿਞ੍ਚ ਸવਿਞ੍ਞਾਣਕੇ ਕਾਯੇ ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਸੁ ਅਹਙ੍ਕਾਰਮਮਙ੍ਕਾਰਮਾਨਾਪਗਤਂ ਮਾਨਸਂ ਹੋਤਿ વਿਧਾਸਮਤਿਕ੍ਕਨ੍ਤਂ ਸਨ੍ਤਂ ਸੁવਿਮੁਤ੍ਤਂ। વੇਦਿਤਬ੍ਬਮੇਤਂ, ਭਿਕ੍ਖવੇ, ਭਿਕ੍ਖੁਨਾ ‘ਸੁਭਾવਿਤਾ ਮੇ ਦੁਕ੍ਖੇ ਅਨਤ੍ਤਸਞ੍ਞਾ, ਅਤ੍ਥਿ ਮੇ ਪੁਬ੍ਬੇਨਾਪਰਂ વਿਸੇਸੋ, ਪਤ੍ਤਂ ਮੇ ਭਾવਨਾਬਲ’ਨ੍ਤਿ। ਇਤਿਹ ਤਤ੍ਥ ਸਮ੍ਪਜਾਨੋ ਹੋਤਿ। ‘ਦੁਕ੍ਖੇ ਅਨਤ੍ਤਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’ਤਿ, ਇਤਿ ਯਂ ਤਂ વੁਤ੍ਤਂ ਇਦਮੇਤਂ ਪਟਿਚ੍ਚ વੁਤ੍ਤਂ।
‘‘Sace pana, bhikkhave, bhikkhuno dukkhe anattasaññāparicitena cetasā bahulaṃ viharato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhāsamatikkantaṃ santaṃ suvimuttaṃ. Veditabbametaṃ, bhikkhave, bhikkhunā ‘subhāvitā me dukkhe anattasaññā, atthi me pubbenāparaṃ viseso, pattaṃ me bhāvanābala’nti. Itiha tattha sampajāno hoti. ‘Dukkhe anattasaññā, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā’ti, iti yaṃ taṃ vuttaṃ idametaṃ paṭicca vuttaṃ.
‘‘ਇਮਾ ਖੋ, ਭਿਕ੍ਖવੇ, ਸਤ੍ਤ ਸਞ੍ਞਾ ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਨ੍ਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ’’ਤਿ। ਛਟ੍ਠਂ।
‘‘Imā kho, bhikkhave, satta saññā bhāvitā bahulīkatā mahapphalā honti mahānisaṃsā amatogadhā amatapariyosānā’’ti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫-੬. ਸਞ੍ਞਾਸੁਤ੍ਤਦ੍વਯવਣ੍ਣਨਾ • 5-6. Saññāsuttadvayavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਦੁਤਿਯਸਞ੍ਞਾਸੁਤ੍ਤવਣ੍ਣਨਾ • 6. Dutiyasaññāsuttavaṇṇanā
