| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6. து³தியஸஞ்ஞாஸுத்தவண்ணனா
6. Dutiyasaññāsuttavaṇṇanā
49. ச²ட்டே² ந்ஹாருவிலேக²னந்தி சம்மங் லிக²ந்தானங் சம்மங் லிகி²த்வா ச²ட்³டி³தகஸடங். ‘‘ஏஸோஹமஸ்மீ’’திஆதி³னா அஹங்கரணங் அஹங்காரோ. ‘‘ஏதங் மமா’’தி மமங்கரணங் மமங்காரோ. தேனாஹ ‘‘அஹங்காரதி³ட்டி²தோ’’திஆதி³. திஸ்ஸோ விதா⁴தி ஸெய்யஸதி³ஸஹீனவஸேன தயோ மானா. ‘‘ஏகவிதே⁴ன ரூபஸங்க³ஹோ’’திஆதீ³ஸு (த⁴॰ ஸ॰ 584) கொட்டா²ஸோ ‘‘விதா⁴’’தி வுத்தோ. ‘‘கத²ங்வித⁴ங் ஸீலவந்தங் வத³ந்தி, கத²ங்வித⁴ங் பஞ்ஞவந்தங் வத³ந்தீ’’திஆதீ³ஸு (ஸங்॰ நி॰ 1.95) பகாரோ. ‘‘திஸ்ஸோ இமா, பி⁴க்க²வே, விதா⁴. கதமா திஸ்ஸோ? ஸெய்யோஹமஸ்மீதி விதா⁴’’தி (விப⁴॰ 920) எத்த² மானோ ‘‘விதா⁴’’தி வுத்தோ. இதா⁴பி மானோவ அதி⁴ப்பேதோ. மானோ ஹி வித³ஹனதோ ஹீனாதி³வஸேன திவிதா⁴. தேனாகாரேன த³ஹனதோ உபத³ஹனதோ ‘‘விதா⁴’’தி வுச்சதி.
49. Chaṭṭhe nhāruvilekhananti cammaṃ likhantānaṃ cammaṃ likhitvā chaḍḍitakasaṭaṃ. ‘‘Esohamasmī’’tiādinā ahaṃkaraṇaṃ ahaṅkāro. ‘‘Etaṃ mamā’’ti mamaṃkaraṇaṃ mamaṅkāro. Tenāha ‘‘ahaṅkāradiṭṭhito’’tiādi. Tisso vidhāti seyyasadisahīnavasena tayo mānā. ‘‘Ekavidhena rūpasaṅgaho’’tiādīsu (dha. sa. 584) koṭṭhāso ‘‘vidhā’’ti vutto. ‘‘Kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) pakāro. ‘‘Tisso imā, bhikkhave, vidhā. Katamā tisso? Seyyohamasmīti vidhā’’ti (vibha. 920) ettha māno ‘‘vidhā’’ti vutto. Idhāpi mānova adhippeto. Māno hi vidahanato hīnādivasena tividhā. Tenākārena dahanato upadahanato ‘‘vidhā’’ti vuccati.
து³தியஸஞ்ஞாஸுத்தவண்ணனா நிட்டி²தா.
Dutiyasaññāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. து³தியஸஞ்ஞாஸுத்தங் • 6. Dutiyasaññāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5-6. ஸஞ்ஞாஸுத்தத்³வயவண்ணனா • 5-6. Saññāsuttadvayavaṇṇanā
