| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၆. ဒုတိယသညာသုတ္တဝဏ္ဏနာ
6. Dutiyasaññāsuttavaṇṇanā
၄၉. ဆဋ္ဌေ န္ဟာရုဝိလေခနန္တိ စမ္မံ လိခန္တာနံ စမ္မံ လိခိတ္ဝာ ဆဍ္ဍိတကသဋံ။ ‘‘ဧသောဟမသ္မီ’’တိအာဒိနာ အဟံကရဏံ အဟင္ကာရော။ ‘‘ဧတံ မမာ’’တိ မမံကရဏံ မမင္ကာရော။ တေနာဟ ‘‘အဟင္ကာရဒိဋ္ဌိတော’’တိအာဒိ။ တိသ္သော ဝိဓာတိ သေယ္ယသဒိသဟီနဝသေန တယော မာနာ။ ‘‘ဧကဝိဓေန ရူပသင္ဂဟော’’တိအာဒီသု (ဓ. သ. ၅၈၄) ကောဋ္ဌာသော ‘‘ဝိဓာ’’တိ ဝုတ္တော။ ‘‘ကထံဝိဓံ သီလဝန္တံ ဝဒန္တိ, ကထံဝိဓံ ပညဝန္တံ ဝဒန္တီ’’တိအာဒီသု (သံ. နိ. ၁.၉၅) ပကာရော။ ‘‘တိသ္သော ဣမာ, ဘိက္ခဝေ, ဝိဓာ။ ကတမာ တိသ္သော? သေယ္ယောဟမသ္မီတိ ဝိဓာ’’တိ (ဝိဘ. ၉၂၀) ဧတ္ထ မာနော ‘‘ဝိဓာ’’တိ ဝုတ္တော။ ဣဓာပိ မာနောဝ အဓိပ္ပေတော။ မာနော ဟိ ဝိဒဟနတော ဟီနာဒိဝသေန တိဝိဓာ။ တေနာကာရေန ဒဟနတော ဥပဒဟနတော ‘‘ဝိဓာ’’တိ ဝုစ္စတိ။
49. Chaṭṭhe nhāruvilekhananti cammaṃ likhantānaṃ cammaṃ likhitvā chaḍḍitakasaṭaṃ. ‘‘Esohamasmī’’tiādinā ahaṃkaraṇaṃ ahaṅkāro. ‘‘Etaṃ mamā’’ti mamaṃkaraṇaṃ mamaṅkāro. Tenāha ‘‘ahaṅkāradiṭṭhito’’tiādi. Tisso vidhāti seyyasadisahīnavasena tayo mānā. ‘‘Ekavidhena rūpasaṅgaho’’tiādīsu (dha. sa. 584) koṭṭhāso ‘‘vidhā’’ti vutto. ‘‘Kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) pakāro. ‘‘Tisso imā, bhikkhave, vidhā. Katamā tisso? Seyyohamasmīti vidhā’’ti (vibha. 920) ettha māno ‘‘vidhā’’ti vutto. Idhāpi mānova adhippeto. Māno hi vidahanato hīnādivasena tividhā. Tenākārena dahanato upadahanato ‘‘vidhā’’ti vuccati.
ဒုတိယသညာသုတ္တဝဏ္ဏနာ နိဋ္ဌိတာ။
Dutiyasaññāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ဒုတိယသညာသုတ္တံ • 6. Dutiyasaññāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅-၆. သညာသုတ္တဒ္ဝယဝဏ္ဏနာ • 5-6. Saññāsuttadvayavaṇṇanā
