| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияасаран̣аанисаггасуд̇д̇ам̣
5. Dutiyasaraṇānisakkasuttaṃ
1021. габилавад̇т̇унид̣̇аанам̣ . д̇зна ко бана самаязна саран̣аани сагго гаалан̇гад̇о ход̇и. со бхаг̇авад̇аа б̣яаагад̇о – ‘‘сод̇аабанно авинибаад̇ад̇хаммо нияад̇о самб̣од̇хибарааяан̣о’’д̇и. д̇ад̇ра суд̣̇ам̣ самб̣ахулаа саггаа сан̇г̇амма самааг̇амма уж̇жхааяанд̇и кийяанд̇и вибаажзнд̇и – ‘‘ажчарияам̣ вад̇а, бхо, аб̣бхуд̇ам̣ вад̇а, бхо! зд̇т̇а д̣̇аани го на сод̇аабанно бхависсад̇и! яад̇ра хи наама саран̣аани сагго гаалан̇гад̇о. со бхаг̇авад̇аа б̣яаагад̇о – ‘сод̇аабанно авинибаад̇ад̇хаммо нияад̇о самб̣од̇хибарааяан̣о’д̇и. саран̣аани сагго сигкааяа абарибуурагаарий ахосий’’д̇и. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа –
1021. Kapilavatthunidānaṃ . Tena kho pana samayena saraṇāni sakko kālaṅkato hoti. So bhagavatā byākato – ‘‘sotāpanno avinipātadhammo niyato sambodhiparāyaṇo’’ti. Tatra sudaṃ sambahulā sakkā saṅgamma samāgamma ujjhāyanti khīyanti vipācenti – ‘‘acchariyaṃ vata, bho, abbhutaṃ vata, bho! Ettha dāni ko na sotāpanno bhavissati! Yatra hi nāma saraṇāni sakko kālaṅkato. So bhagavatā byākato – ‘sotāpanno avinipātadhammo niyato sambodhiparāyaṇo’ti. Saraṇāni sakko sikkhāya aparipūrakārī ahosī’’ti. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca –
‘‘ид̇ха, бханд̇з, саран̣аани сагго гаалан̇гад̇о. со бхаг̇авад̇аа б̣яаагад̇о – ‘сод̇аабанно авинибаад̇ад̇хаммо нияад̇о самб̣од̇хибарааяан̣о’д̇и. д̇ад̇ра суд̣̇ам̣, бханд̇з, самб̣ахулаа саггаа сан̇г̇амма самааг̇амма уж̇жхааяанд̇и кийяанд̇и вибаажзнд̇и – ‘ажчарияам̣ вад̇а, бхо, аб̣бхуд̇ам̣ вад̇а, бхо! зд̇т̇а д̣̇аани го на сод̇аабанно бхависсад̇и! яад̇ра хи наама саран̣аани сагго гаалан̇гад̇о. со бхаг̇авад̇аа б̣яаагад̇о – сод̇аабанно авинибаад̇ад̇хаммо нияад̇о самб̣од̇хибарааяан̣од̇и. саран̣аани сагго сигкааяа абарибуурагаарий ахосий’’’д̇и.
‘‘Idha, bhante, saraṇāni sakko kālaṅkato. So bhagavatā byākato – ‘sotāpanno avinipātadhammo niyato sambodhiparāyaṇo’ti. Tatra sudaṃ, bhante, sambahulā sakkā saṅgamma samāgamma ujjhāyanti khīyanti vipācenti – ‘acchariyaṃ vata, bho, abbhutaṃ vata, bho! Ettha dāni ko na sotāpanno bhavissati! Yatra hi nāma saraṇāni sakko kālaṅkato. So bhagavatā byākato – sotāpanno avinipātadhammo niyato sambodhiparāyaṇoti. Saraṇāni sakko sikkhāya aparipūrakārī ahosī’’’ti.
‘‘яо со, махаанаама, д̣̇ийгхарад̇д̇ам̣ убаасаго б̣уд̣̇д̇хам̣ саран̣ам̣ г̇ад̇о д̇хаммам̣ саран̣ам̣ г̇ад̇о сан̇гхам̣ саран̣ам̣ г̇ад̇о, со гат̇ам̣ винибаад̇ам̣ г̇ажчзяяа! яан̃хи д̇ам̣, махаанаама, саммаа вад̣̇амаано вад̣̇зяяа – ‘д̣̇ийгхарад̇д̇ам̣ убаасаго б̣уд̣̇д̇хам̣ саран̣ам̣ г̇ад̇о д̇хаммам̣ саран̣ам̣ г̇ад̇о сан̇гхам̣ саран̣ам̣ г̇ад̇о’, саран̣ааним̣ саггам̣ саммаа вад̣̇амаано вад̣̇зяяа. саран̣аани, махаанаама, сагго д̣̇ийгхарад̇д̇ам̣ убаасаго б̣уд̣̇д̇хам̣ саран̣ам̣ г̇ад̇о д̇хаммам̣ саран̣ам̣ г̇ад̇о сан̇гхам̣ саран̣ам̣ г̇ад̇о, со гат̇ам̣ винибаад̇ам̣ г̇ажчзяяа!
‘‘Yo so, mahānāma, dīgharattaṃ upāsako buddhaṃ saraṇaṃ gato dhammaṃ saraṇaṃ gato saṅghaṃ saraṇaṃ gato, so kathaṃ vinipātaṃ gaccheyya! Yañhi taṃ, mahānāma, sammā vadamāno vadeyya – ‘dīgharattaṃ upāsako buddhaṃ saraṇaṃ gato dhammaṃ saraṇaṃ gato saṅghaṃ saraṇaṃ gato’, saraṇāniṃ sakkaṃ sammā vadamāno vadeyya. Saraṇāni, mahānāma, sakko dīgharattaṃ upāsako buddhaṃ saraṇaṃ gato dhammaṃ saraṇaṃ gato saṅghaṃ saraṇaṃ gato, so kathaṃ vinipātaṃ gaccheyya!
‘‘ид̇ха, махаанаама, згажжо буг̇г̇ало б̣уд̣̇д̇хз зганд̇аг̇ад̇о ход̇и абхиббасанно – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… хаасабан̃н̃о ж̇аванабан̃н̃о вимуд̇д̇ияаа жа саманнааг̇ад̇о . со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяамби ко, махаанаама , буг̇г̇ало баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Idha, mahānāma, ekacco puggalo buddhe ekantagato hoti abhippasanno – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… hāsapañño javanapañño vimuttiyā ca samannāgato . So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayampi kho, mahānāma , puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘ид̇ха бана, махаанаама, згажжо буг̇г̇ало б̣уд̣̇д̇хз зганд̇аг̇ад̇о ход̇и абхиббасанно – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… хаасабан̃н̃о ж̇аванабан̃н̃о на жа вимуд̇д̇ияаа саманнааг̇ад̇о. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа анд̇араабариниб̣б̣ааяий ход̇и, убахажжабариниб̣б̣ааяий ход̇и, асан̇каарабариниб̣б̣ааяий ход̇и, сасан̇каарабариниб̣б̣ааяий ход̇и, уд̣̇д̇хам̣сод̇о ход̇и аганидтаг̇аамий. аяамби ко, махаанаама, буг̇г̇ало баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Idha pana, mahānāma, ekacco puggalo buddhe ekantagato hoti abhippasanno – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… hāsapañño javanapañño na ca vimuttiyā samannāgato. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti, upahaccaparinibbāyī hoti, asaṅkhāraparinibbāyī hoti, sasaṅkhāraparinibbāyī hoti, uddhaṃsoto hoti akaniṭṭhagāmī. Ayampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘ид̇ха бана, махаанаама, згажжо буг̇г̇ало б̣уд̣̇д̇хз зганд̇аг̇ад̇о ход̇и абхиббасанно – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… на хаасабан̃н̃о на ж̇аванабан̃н̃о на жа вимуд̇д̇ияаа саманнааг̇ад̇о. со д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. аяамби ко, махаанаама , буг̇г̇ало баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Idha pana, mahānāma, ekacco puggalo buddhe ekantagato hoti abhippasanno – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… na hāsapañño na javanapañño na ca vimuttiyā samannāgato. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti. Ayampi kho, mahānāma , puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘ид̇ха бана, махаанаама, згажжо буг̇г̇ало б̣уд̣̇д̇хз зганд̇аг̇ад̇о ход̇и абхиббасанно – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… на хаасабан̃н̃о на ж̇аванабан̃н̃о на жа вимуд̇д̇ияаа саманнааг̇ад̇о. со д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. аяамби ко, махаанаама, буг̇г̇ало баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Idha pana, mahānāma, ekacco puggalo buddhe ekantagato hoti abhippasanno – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… na hāsapañño na javanapañño na ca vimuttiyā samannāgato. So tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo. Ayampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘ид̇ха бана, махаанаама, згажжо буг̇г̇ало на хзва ко б̣уд̣̇д̇хз зганд̇аг̇ад̇о ход̇и абхиббасанно…бз… на д̇хаммз…бз… на сан̇гхз…бз… на хаасабан̃н̃о на ж̇аванабан̃н̃о на жа вимуд̇д̇ияаа саманнааг̇ад̇о; аби жасса имз д̇хаммаа хонд̇и – сад̣̇д̇хинд̣̇рияам̣ …бз… бан̃н̃инд̣̇рияам̣. д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа мад̇д̇асо ниж̇жхаанам̣ каманд̇и. аяамби ко, махаанаама, буг̇г̇ало аг̇анд̇аа нираяам̣ аг̇анд̇аа д̇иражчаанаяоним̣ аг̇анд̇аа бзд̇д̇ивисаяам̣ аг̇анд̇аа абааяам̣ д̣̇уг̇г̇ад̇им̣ винибаад̇ам̣.
‘‘Idha pana, mahānāma, ekacco puggalo na heva kho buddhe ekantagato hoti abhippasanno…pe… na dhamme…pe… na saṅghe…pe… na hāsapañño na javanapañño na ca vimuttiyā samannāgato; api cassa ime dhammā honti – saddhindriyaṃ …pe… paññindriyaṃ. Tathāgatappaveditā cassa dhammā paññāya mattaso nijjhānaṃ khamanti. Ayampi kho, mahānāma, puggalo agantā nirayaṃ agantā tiracchānayoniṃ agantā pettivisayaṃ agantā apāyaṃ duggatiṃ vinipātaṃ.
‘‘ид̇ха бана, махаанаама, згажжо буг̇г̇ало на хзва ко б̣уд̣̇д̇хз зганд̇аг̇ад̇о ход̇и абхиббасанно… на д̇хаммз…бз… на сан̇гхз…бз… на хаасабан̃н̃о на ж̇аванабан̃н̃о на жа вимуд̇д̇ияаа саманнааг̇ад̇о; аби жасса имз д̇хаммаа хонд̇и – сад̣̇д̇хинд̣̇рияам̣…бз… бан̃н̃инд̣̇рияам̣. д̇ат̇ааг̇ад̇з жасса сад̣̇д̇хаамад̇д̇ам̣ ход̇и бзмамад̇д̇ам̣. аяамби ко, махаанаама, буг̇г̇ало аг̇анд̇аа нираяам̣ аг̇анд̇аа д̇иражчаанаяоним̣ аг̇анд̇аа бзд̇д̇ивисаяам̣ аг̇анд̇аа абааяам̣ д̣̇уг̇г̇ад̇им̣ винибаад̇ам̣.
‘‘Idha pana, mahānāma, ekacco puggalo na heva kho buddhe ekantagato hoti abhippasanno… na dhamme…pe… na saṅghe…pe… na hāsapañño na javanapañño na ca vimuttiyā samannāgato; api cassa ime dhammā honti – saddhindriyaṃ…pe… paññindriyaṃ. Tathāgate cassa saddhāmattaṃ hoti pemamattaṃ. Ayampi kho, mahānāma, puggalo agantā nirayaṃ agantā tiracchānayoniṃ agantā pettivisayaṃ agantā apāyaṃ duggatiṃ vinipātaṃ.
‘‘сзяяат̇ааби, махаанаама, д̣̇угкзд̇д̇ам̣ д̣̇уб̣бхуумам̣ авихад̇акаан̣угам̣, б̣ийж̇аани жассу кан̣д̣аани бууд̇ийни ваад̇аад̇абахад̇аани асаараад̣̇аани асукасаяид̇аани 1, д̣̇зво жа на саммаа 2 д̇хаарам̣ ануббавзжчзяяа. аби ну д̇аани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇зяяу’’нд̇и? ‘‘но хзд̇ам̣, бханд̇з’’. ‘‘звамзва ко, махаанаама, ид̇ха д̇хаммо д̣̇урагкаад̇о 3 ход̇и д̣̇уббавзд̣̇ид̇о анияяааниго анубасамасам̣вад̇д̇аниго асаммаасамб̣уд̣̇д̇хаббавзд̣̇ид̇о – ид̣̇амахам̣ д̣̇угкзд̇д̇асмим̣ вад̣̇аами. д̇асмин̃жа д̇хаммз сааваго вихарад̇и д̇хаммаануд̇хаммаббадибанно саамийжиббадибанно ануд̇хаммажаарий – ид̣̇амахам̣ д̣̇уб̣б̣ийж̇асмим̣ вад̣̇аами’’.
‘‘Seyyathāpi, mahānāma, dukkhettaṃ dubbhūmaṃ avihatakhāṇukaṃ, bījāni cassu khaṇḍāni pūtīni vātātapahatāni asārādāni asukhasayitāni 4, devo ca na sammā 5 dhāraṃ anuppaveccheyya. Api nu tāni bījāni vuddhiṃ virūḷhiṃ vepullaṃ āpajjeyyu’’nti? ‘‘No hetaṃ, bhante’’. ‘‘Evameva kho, mahānāma, idha dhammo durakkhāto 6 hoti duppavedito aniyyāniko anupasamasaṃvattaniko asammāsambuddhappavedito – idamahaṃ dukkhettasmiṃ vadāmi. Tasmiñca dhamme sāvako viharati dhammānudhammappaṭipanno sāmīcippaṭipanno anudhammacārī – idamahaṃ dubbījasmiṃ vadāmi’’.
‘‘сзяяат̇ааби, махаанаама, сукзд̇д̇ам̣ субхуумам̣ сувихад̇акаан̣угам̣, б̣ийж̇аани жассу акан̣д̣аани абууд̇ийни аваад̇аад̇абахад̇аани саараад̣̇аани сукасаяид̇аани; д̣̇зво жа 7 саммаа д̇хаарам̣ ануббавзжчзяяа. аби ну д̇аани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇зяяу’’нд̇и? ‘‘звам̣, бханд̇з’’. ‘‘звамзва ко, махаанаама, ид̇ха д̇хаммо сваагкаад̇о ход̇и суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о – ид̣̇амахам̣ сукзд̇д̇асмим̣ вад̣̇аами. д̇асмин̃жа д̇хаммз сааваго вихарад̇и д̇хаммаануд̇хаммаббадибанно саамийжиббадибанно ануд̇хаммажаарий – ид̣̇амахам̣ суб̣ийж̇асмим̣ вад̣̇аами. гиман̇г̇ам̣ бана саран̣ааним̣ саггам̣! саран̣аани, махаанаама, сагго маран̣агаалз сигкааяа барибуурагаарий ахосий’’д̇и. бан̃жамам̣.
‘‘Seyyathāpi, mahānāma, sukhettaṃ subhūmaṃ suvihatakhāṇukaṃ, bījāni cassu akhaṇḍāni apūtīni avātātapahatāni sārādāni sukhasayitāni; devo ca 8 sammā dhāraṃ anuppaveccheyya. Api nu tāni bījāni vuddhiṃ virūḷhiṃ vepullaṃ āpajjeyyu’’nti? ‘‘Evaṃ, bhante’’. ‘‘Evameva kho, mahānāma, idha dhammo svākkhāto hoti suppavedito niyyāniko upasamasaṃvattaniko sammāsambuddhappavedito – idamahaṃ sukhettasmiṃ vadāmi. Tasmiñca dhamme sāvako viharati dhammānudhammappaṭipanno sāmīcippaṭipanno anudhammacārī – idamahaṃ subījasmiṃ vadāmi. Kimaṅgaṃ pana saraṇāniṃ sakkaṃ! Saraṇāni, mahānāma, sakko maraṇakāle sikkhāya paripūrakārī ahosī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. д̣̇уд̇ияасаран̣аанисаггасуд̇д̇аван̣н̣анаа • 5. Dutiyasaraṇānisakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. д̣̇уд̇ияасаран̣аанисаггасуд̇д̇аван̣н̣анаа • 5. Dutiyasaraṇānisakkasuttavaṇṇanā
