| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. দুতিযসারিপুত্তকোট্ঠিকসুত্তং
4. Dutiyasāriputtakoṭṭhikasuttaṃ
৪১৩. একং সমযং আযস্মা চ সারিপুত্তো, আযস্মা চ মহাকোট্ঠিকো বারাণসিযং ৰিহরন্তি ইসিপতনে মিগদাযে…পে॰… (সাযেৰ পুচ্ছা) ‘‘কো নু খো, আৰুসো, হেতু, কো পচ্চযো, যেনেতং অব্যাকতং ভগৰতা’’তি? ‘‘রূপং খো, আৰুসো, অজানতো অপস্সতো যথাভূতং, রূপসমুদযং অজানতো অপস্সতো যথাভূতং, রূপনিরোধং অজানতো অপস্সতো যথাভূতং , রূপনিরোধগামিনিং পটিপদং অজানতো অপস্সতো যথাভূতং, ‘হোতি তথাগতো পরং মরণা’তিপিস্স হোতি; ‘ন হোতি তথাগতো পরং মরণা’তিপিস্স হোতি; ‘হোতি চ ন চ হোতি তথাগতো পরং মরণা’তিপিস্স হোতি; ‘নেৰ হোতি ন ন হোতি তথাগতো পরং মরণা’তিপিস্স হোতি। ৰেদনং…পে॰… সঞ্ঞং…পে॰… সঙ্খারে…পে॰… ৰিঞ্ঞাণং অজানতো অপস্সতো যথাভূতং, ৰিঞ্ঞাণসমুদযং অজানতো অপস্সতো যথাভূতং, ৰিঞ্ঞাণনিরোধং অজানতো অপস্সতো যথাভূতং, ৰিঞ্ঞাণনিরোধগামিনিং পটিপদং অজানতো অপস্সতো যথাভূতং, ‘হোতি তথাগতো পরং মরণা’তিপিস্স হোতি; ‘ন হোতি তথাগতো পরং মরণা’তিপিস্স হোতি; ‘হোতি চ ন চ হোতি তথাগতো পরং মরণা’তিপিস্স হোতি; ‘নেৰ হোতি ন ন হোতি তথাগতো পরং মরণা’’’তিপিস্স হোতি।
413. Ekaṃ samayaṃ āyasmā ca sāriputto, āyasmā ca mahākoṭṭhiko bārāṇasiyaṃ viharanti isipatane migadāye…pe… (sāyeva pucchā) ‘‘ko nu kho, āvuso, hetu, ko paccayo, yenetaṃ abyākataṃ bhagavatā’’ti? ‘‘Rūpaṃ kho, āvuso, ajānato apassato yathābhūtaṃ, rūpasamudayaṃ ajānato apassato yathābhūtaṃ, rūpanirodhaṃ ajānato apassato yathābhūtaṃ , rūpanirodhagāminiṃ paṭipadaṃ ajānato apassato yathābhūtaṃ, ‘hoti tathāgato paraṃ maraṇā’tipissa hoti; ‘na hoti tathāgato paraṃ maraṇā’tipissa hoti; ‘hoti ca na ca hoti tathāgato paraṃ maraṇā’tipissa hoti; ‘neva hoti na na hoti tathāgato paraṃ maraṇā’tipissa hoti. Vedanaṃ…pe… saññaṃ…pe… saṅkhāre…pe… viññāṇaṃ ajānato apassato yathābhūtaṃ, viññāṇasamudayaṃ ajānato apassato yathābhūtaṃ, viññāṇanirodhaṃ ajānato apassato yathābhūtaṃ, viññāṇanirodhagāminiṃ paṭipadaṃ ajānato apassato yathābhūtaṃ, ‘hoti tathāgato paraṃ maraṇā’tipissa hoti; ‘na hoti tathāgato paraṃ maraṇā’tipissa hoti; ‘hoti ca na ca hoti tathāgato paraṃ maraṇā’tipissa hoti; ‘neva hoti na na hoti tathāgato paraṃ maraṇā’’’tipissa hoti.
‘‘রূপঞ্চ খো, আৰুসো, জানতো পস্সতো যথাভূতং, রূপসমুদযং জানতো পস্সতো যথাভূতং, রূপনিরোধং জানতো পস্সতো যথাভূতং, রূপনিরোধগামিনিং পটিপদং জানতো পস্সতো যথাভূতং, ‘হোতি তথাগতো পরং মরণা’তিপিস্স ন হোতি…পে॰… ‘নেৰ হোতি ন ন হোতি তথাগতো পরং মরণা’তিপিস্স ন হোতি। ৰেদনং…পে॰… সঞ্ঞং…পে॰… সঙ্খারে…পে॰… ৰিঞ্ঞাণং জানতো পস্সতো যথাভূতং, ৰিঞ্ঞাণসমুদযং জানতো পস্সতো যথাভূতং, ৰিঞ্ঞাণনিরোধং জানতো পস্সতো যথাভূতং, ৰিঞ্ঞাণনিরোধগামিনিং পটিপদং জানতো পস্সতো যথাভূতং, ‘হোতি তথাগতো পরং মরণা’তিপিস্স ন হোতি; ‘ন হোতি তথাগতো পরং মরণা’তিপিস্স ন হোতি; ‘হোতি চ ন চ হোতি তথাগতো পরং মরণা’তিপিস্স ন হোতি; ‘নেৰ হোতি ন ন হোতি তথাগতো পরং মরণা’তিপিস্স ন হোতি। অযং খো, আৰুসো, হেতু অযং পচ্চযো, যেনেতং অব্যাকতং ভগৰতা’’তি। চতুত্থং।
‘‘Rūpañca kho, āvuso, jānato passato yathābhūtaṃ, rūpasamudayaṃ jānato passato yathābhūtaṃ, rūpanirodhaṃ jānato passato yathābhūtaṃ, rūpanirodhagāminiṃ paṭipadaṃ jānato passato yathābhūtaṃ, ‘hoti tathāgato paraṃ maraṇā’tipissa na hoti…pe… ‘neva hoti na na hoti tathāgato paraṃ maraṇā’tipissa na hoti. Vedanaṃ…pe… saññaṃ…pe… saṅkhāre…pe… viññāṇaṃ jānato passato yathābhūtaṃ, viññāṇasamudayaṃ jānato passato yathābhūtaṃ, viññāṇanirodhaṃ jānato passato yathābhūtaṃ, viññāṇanirodhagāminiṃ paṭipadaṃ jānato passato yathābhūtaṃ, ‘hoti tathāgato paraṃ maraṇā’tipissa na hoti; ‘na hoti tathāgato paraṃ maraṇā’tipissa na hoti; ‘hoti ca na ca hoti tathāgato paraṃ maraṇā’tipissa na hoti; ‘neva hoti na na hoti tathāgato paraṃ maraṇā’tipissa na hoti. Ayaṃ kho, āvuso, hetu ayaṃ paccayo, yenetaṃ abyākataṃ bhagavatā’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-৮. পঠমসারিপুত্তকোট্ঠিকসুত্তাদিৰণ্ণনা • 3-8. Paṭhamasāriputtakoṭṭhikasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-৮. পঠমসারিপুত্তকোট্ঠিকসুত্তাদিৰণ্ণনা • 3-8. Paṭhamasāriputtakoṭṭhikasuttādivaṇṇanā
