| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияасаарибуд̇д̇асуд̇д̇ам̣
5. Dutiyasāriputtasuttaṃ
1001. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа – ‘‘‘сод̇аабад̇д̇ияан̇г̇ам̣, сод̇аабад̇д̇ияан̇г̇а’нд̇и хид̣̇ам̣, саарибуд̇д̇а, вужжад̇и. гад̇амам̣ ну ко саарибуд̇д̇а, сод̇аабад̇д̇ияан̇г̇а’’нд̇и? ‘‘саббурисасам̣сзво хи, бханд̇з, сод̇аабад̇д̇ияан̇г̇ам̣, сад̣̇д̇хаммассаванам̣ сод̇аабад̇д̇ияан̇г̇ам̣, яонисоманасигааро сод̇аабад̇д̇ияан̇г̇ам̣, д̇хаммаануд̇хаммаббадибад̇д̇и сод̇аабад̇д̇ияан̇г̇а’’нд̇и. ‘‘саад̇ху саад̇ху, саарибуд̇д̇а! саббурисасам̣сзво хи, саарибуд̇д̇а, сод̇аабад̇д̇ияан̇г̇ам̣, сад̣̇д̇хаммассаванам̣ сод̇аабад̇д̇ияан̇г̇ам̣, яонисоманасигааро сод̇аабад̇д̇ияан̇г̇ам̣, д̇хаммаануд̇хаммаббадибад̇д̇и сод̇аабад̇д̇ияан̇г̇ам̣’’.
1001. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca – ‘‘‘sotāpattiyaṅgaṃ, sotāpattiyaṅga’nti hidaṃ, sāriputta, vuccati. Katamaṃ nu kho sāriputta, sotāpattiyaṅga’’nti? ‘‘Sappurisasaṃsevo hi, bhante, sotāpattiyaṅgaṃ, saddhammassavanaṃ sotāpattiyaṅgaṃ, yonisomanasikāro sotāpattiyaṅgaṃ, dhammānudhammappaṭipatti sotāpattiyaṅga’’nti. ‘‘Sādhu sādhu, sāriputta! Sappurisasaṃsevo hi, sāriputta, sotāpattiyaṅgaṃ, saddhammassavanaṃ sotāpattiyaṅgaṃ, yonisomanasikāro sotāpattiyaṅgaṃ, dhammānudhammappaṭipatti sotāpattiyaṅgaṃ’’.
‘‘‘сод̇о, сод̇о’д̇и хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇о’’д̇и? ‘‘аяамзва хи, бханд̇з, арияо адтан̇г̇иго маг̇г̇о сод̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хий’’д̇и. ‘‘саад̇ху саад̇ху, саарибуд̇д̇а! аяамзва хи, саарибуд̇д̇а, арияо адтан̇г̇иго маг̇г̇о сод̇о, сзяяат̇ид̣̇ам̣ – саммаад̣̇идти…бз… саммаасамаад̇хи’’.
‘‘‘Soto, soto’ti hidaṃ, sāriputta, vuccati. Katamo nu kho, sāriputta, soto’’ti? ‘‘Ayameva hi, bhante, ariyo aṭṭhaṅgiko maggo soto, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhī’’ti. ‘‘Sādhu sādhu, sāriputta! Ayameva hi, sāriputta, ariyo aṭṭhaṅgiko maggo soto, seyyathidaṃ – sammādiṭṭhi…pe… sammāsamādhi’’.
‘‘‘сод̇аабанно , сод̇аабанно’д̇и хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇аабанно’’д̇и ? ‘‘яо хи, бханд̇з, иминаа ариязна адтан̇г̇игзна маг̇г̇зна саманнааг̇ад̇о аяам̣ вужжад̇и сод̇аабанно, свааяам̣ ааяасмаа звам̣наамо звам̣г̇од̇д̇о’’д̇и. ‘‘саад̇ху саад̇ху, саарибуд̇д̇а! яо хи, саарибуд̇д̇а, иминаа ариязна адтан̇г̇игзна маг̇г̇зна саманнааг̇ад̇о аяам̣ вужжад̇и сод̇аабанно, свааяам̣ ааяасмаа звам̣наамо звам̣г̇од̇д̇о’’д̇и. бан̃жамам̣.
‘‘‘Sotāpanno , sotāpanno’ti hidaṃ, sāriputta, vuccati. Katamo nu kho, sāriputta, sotāpanno’’ti ? ‘‘Yo hi, bhante, iminā ariyena aṭṭhaṅgikena maggena samannāgato ayaṃ vuccati sotāpanno, svāyaṃ āyasmā evaṃnāmo evaṃgotto’’ti. ‘‘Sādhu sādhu, sāriputta! Yo hi, sāriputta, iminā ariyena aṭṭhaṅgikena maggena samannāgato ayaṃ vuccati sotāpanno, svāyaṃ āyasmā evaṃnāmo evaṃgotto’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-5. батамасаарибуд̇д̇асуд̇д̇аад̣̇иван̣н̣анаа • 4-5. Paṭhamasāriputtasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-5. батамасаарибуд̇д̇асуд̇д̇аад̣̇иван̣н̣анаа • 4-5. Paṭhamasāriputtasuttādivaṇṇanā
