| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4-6. து³தியஸத்தகஸுத்தாதி³வண்ணனா
4-6. Dutiyasattakasuttādivaṇṇanā
24-26. சதுத்தே² கரொந்தோயேவாதி யதா²வுத்தங் திரச்சா²னகத²ங் கதெ²ந்தோயேவ. அதிரச்சா²னகதா²பா⁴வேபி தஸ்ஸ தத்த² தப்பரபா⁴வத³ஸ்ஸனத்த²ங் அவதா⁴ரணவசனங். பரியந்தகாரீதி ஸபரியந்தங் கத்வா வத்தா. ‘‘பரியந்தவதிங் வாசங் பா⁴ஸிதா’’தி (தீ³॰ நி॰ 1.9, 194) ஹி வுத்தங். அப்பப⁴ஸ்ஸோவாதி பரிமிதகதோ²யேவ ஏகந்தேன கதே²தப்³ப³ஸ்ஸேவ கத²னதோ. ஸமாபத்திஸமாபஜ்ஜனங் அரியோ துண்ஹீபா⁴வோ. நித்³தா³யதியேவாதி நித்³தோ³க்கமனே அனாதீ³னவத³ஸ்ஸீ நித்³தா³யதியேவ, இரியாபத²பரிவத்தனாதி³னா ந நங் வினோதே³தி. ஏவங் ஸங்ஸட்டோ²வாதி வுத்தனயேன க³ணஸங்க³ணிகாய ஸங்ஸட்டோ² ஏவ விஹரதி. து³ஸ்ஸீலா பாபிச்சா² நாமாதி ஸயங் நிஸ்ஸீலா அஸந்தகு³ணஸம்பா⁴வனிச்சா²ய ஸமன்னாக³தத்தா பாபா லாமகா இச்சா² ஏதேஸந்தி பாபிச்சா². பாபபுக்³க³லேஹி மித்திகரணதோ பாபமித்தா. தேஹி ஸதா³ ஸஹபவத்தனேன பாபஸஹாயா. தத்த² நின்னதாதி³னா தத³தி⁴முத்ததாய பாபஸம்பவங்கா. பஞ்சமாதீ³னி உத்தானத்தா²னியேவ.
24-26. Catutthe karontoyevāti yathāvuttaṃ tiracchānakathaṃ kathentoyeva. Atiracchānakathābhāvepi tassa tattha tapparabhāvadassanatthaṃ avadhāraṇavacanaṃ. Pariyantakārīti sapariyantaṃ katvā vattā. ‘‘Pariyantavatiṃ vācaṃ bhāsitā’’ti (dī. ni. 1.9, 194) hi vuttaṃ. Appabhassovāti parimitakathoyeva ekantena kathetabbasseva kathanato. Samāpattisamāpajjanaṃ ariyo tuṇhībhāvo. Niddāyatiyevāti niddokkamane anādīnavadassī niddāyatiyeva, iriyāpathaparivattanādinā na naṃ vinodeti. Evaṃ saṃsaṭṭhovāti vuttanayena gaṇasaṅgaṇikāya saṃsaṭṭho eva viharati. Dussīlā pāpicchā nāmāti sayaṃ nissīlā asantaguṇasambhāvanicchāya samannāgatattā pāpā lāmakā icchā etesanti pāpicchā. Pāpapuggalehi mittikaraṇato pāpamittā. Tehi sadā sahapavattanena pāpasahāyā. Tattha ninnatādinā tadadhimuttatāya pāpasampavaṅkā. Pañcamādīni uttānatthāniyeva.
து³தியஸத்தகஸுத்தாதி³வண்ணனா நிட்டி²தா.
Dutiyasattakasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
4. து³தியஸத்தகஸுத்தங் • 4. Dutiyasattakasuttaṃ
5. ததியஸத்தகஸுத்தங் • 5. Tatiyasattakasuttaṃ
6. பொ³ஜ்ஜ²ங்க³ஸுத்தங் • 6. Bojjhaṅgasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. து³தியஸத்தகஸுத்தவண்ணனா • 4. Dutiyasattakasuttavaṇṇanā
