| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪-৬. দুতিযসত্তকসুত্তাদিৰণ্ণনা
4-6. Dutiyasattakasuttādivaṇṇanā
২৪-২৬. চতুত্থে করোন্তোযেৰাতি যথাৰুত্তং তিরচ্ছানকথং কথেন্তোযেৰ। অতিরচ্ছানকথাভাৰেপি তস্স তত্থ তপ্পরভাৰদস্সনত্থং অৰধারণৰচনং। পরিযন্তকারীতি সপরিযন্তং কত্ৰা ৰত্তা। ‘‘পরিযন্তৰতিং ৰাচং ভাসিতা’’তি (দী॰ নি॰ ১.৯, ১৯৪) হি ৰুত্তং। অপ্পভস্সোৰাতি পরিমিতকথোযেৰ একন্তেন কথেতব্বস্সেৰ কথনতো। সমাপত্তিসমাপজ্জনং অরিযো তুণ্হীভাৰো। নিদ্দাযতিযেৰাতি নিদ্দোক্কমনে অনাদীনৰদস্সী নিদ্দাযতিযেৰ, ইরিযাপথপরিৰত্তনাদিনা ন নং ৰিনোদেতি। এৰং সংসট্ঠোৰাতি ৰুত্তনযেন গণসঙ্গণিকায সংসট্ঠো এৰ ৰিহরতি। দুস্সীলা পাপিচ্ছা নামাতি সযং নিস্সীলা অসন্তগুণসম্ভাৰনিচ্ছায সমন্নাগতত্তা পাপা লামকা ইচ্ছা এতেসন্তি পাপিচ্ছা। পাপপুগ্গলেহি মিত্তিকরণতো পাপমিত্তা। তেহি সদা সহপৰত্তনেন পাপসহাযা। তত্থ নিন্নতাদিনা তদধিমুত্ততায পাপসম্পৰঙ্কা। পঞ্চমাদীনি উত্তানত্থানিযেৰ।
24-26. Catutthe karontoyevāti yathāvuttaṃ tiracchānakathaṃ kathentoyeva. Atiracchānakathābhāvepi tassa tattha tapparabhāvadassanatthaṃ avadhāraṇavacanaṃ. Pariyantakārīti sapariyantaṃ katvā vattā. ‘‘Pariyantavatiṃ vācaṃ bhāsitā’’ti (dī. ni. 1.9, 194) hi vuttaṃ. Appabhassovāti parimitakathoyeva ekantena kathetabbasseva kathanato. Samāpattisamāpajjanaṃ ariyo tuṇhībhāvo. Niddāyatiyevāti niddokkamane anādīnavadassī niddāyatiyeva, iriyāpathaparivattanādinā na naṃ vinodeti. Evaṃ saṃsaṭṭhovāti vuttanayena gaṇasaṅgaṇikāya saṃsaṭṭho eva viharati. Dussīlā pāpicchā nāmāti sayaṃ nissīlā asantaguṇasambhāvanicchāya samannāgatattā pāpā lāmakā icchā etesanti pāpicchā. Pāpapuggalehi mittikaraṇato pāpamittā. Tehi sadā sahapavattanena pāpasahāyā. Tattha ninnatādinā tadadhimuttatāya pāpasampavaṅkā. Pañcamādīni uttānatthāniyeva.
দুতিযসত্তকসুত্তাদিৰণ্ণনা নিট্ঠিতা।
Dutiyasattakasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৪. দুতিযসত্তকসুত্তং • 4. Dutiyasattakasuttaṃ
৫. ততিযসত্তকসুত্তং • 5. Tatiyasattakasuttaṃ
৬. বোজ্ঝঙ্গসুত্তং • 6. Bojjhaṅgasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. দুতিযসত্তকসুত্তৰণ্ণনা • 4. Dutiyasattakasuttavaṇṇanā
