| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. দুতিযসত্তকসুত্তং
4. Dutiyasattakasuttaṃ
২৪. 1 ‘‘সত্ত ৰো, ভিক্খৰে, অপরিহানিযে ধম্মে দেসেস্সামি। তং সুণাথ, সাধুকং মনসি করোথ…পে॰… কতমে চ, ভিক্খৰে, সত্ত অপরিহানিযা ধম্মা?
24.2 ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā?
যাৰকীৰঞ্চ, ভিক্খৰে, ভিক্খূ ন কম্মারামা ভৰিস্সন্তি, ন কম্মরতা, ন কম্মারামতং অনুযুত্তা; ৰুদ্ধিযেৰ, ভিক্খৰে, ভিক্খূনং পাটিকঙ্খা, নো পরিহানি।
Yāvakīvañca, bhikkhave, bhikkhū na kammārāmā bhavissanti, na kammaratā, na kammārāmataṃ anuyuttā; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘যাৰকীৰঞ্চ, ভিক্খৰে, ভিক্খূ ন ভস্সারামা ভৰিস্সন্তি…পে॰… ন নিদ্দারামা ভৰিস্সন্তি… ন সঙ্গণিকারামা ভৰিস্সন্তি… ন পাপিচ্ছা ভৰিস্সন্তি ন পাপিকানং ইচ্ছানং ৰসং গতা… ন পাপমিত্তা ভৰিস্সন্তি ন পাপসহাযা ন পাপসম্পৰঙ্কা… ন ওরমত্তকেন ৰিসেসাধিগমেন অন্তরাৰোসানং আপজ্জিস্সন্তি; ৰুদ্ধিযেৰ, ভিক্খৰে, ভিক্খূনং পাটিকঙ্খা, নো পরিহানি।
‘‘Yāvakīvañca, bhikkhave, bhikkhū na bhassārāmā bhavissanti…pe… na niddārāmā bhavissanti… na saṅgaṇikārāmā bhavissanti… na pāpicchā bhavissanti na pāpikānaṃ icchānaṃ vasaṃ gatā… na pāpamittā bhavissanti na pāpasahāyā na pāpasampavaṅkā… na oramattakena visesādhigamena antarāvosānaṃ āpajjissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘যাৰকীৰঞ্চ, ভিক্খৰে, ইমে সত্ত অপরিহানিযা ধম্মা ভিক্খূসু ঠস্সন্তি, ইমেসু চ সত্তসু অপরিহানিযেসু ধম্মেসু ভিক্খূ সন্দিস্সিস্সন্তি; ৰুদ্ধিযেৰ, ভিক্খৰে, ভিক্খূনং পাটিকঙ্খা, নো পরিহানী’’তি। চতুত্থং।
‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. দুতিযসত্তকসুত্তৰণ্ণনা • 4. Dutiyasattakasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৬. দুতিযসত্তকসুত্তাদিৰণ্ণনা • 4-6. Dutiyasattakasuttādivaṇṇanā
