| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၄. ဒုတိယသတ္တကသုတ္တံ
4. Dutiyasattakasuttaṃ
၂၄. 1 ‘‘သတ္တ ဝော, ဘိက္ခဝေ, အပရိဟာနိယေ ဓမ္မေ ဒေသေသ္သာမိ။ တံ သုဏာထ, သာဓုကံ မနသိ ကရောထ။ပေ.။ ကတမေ စ, ဘိက္ခဝေ, သတ္တ အပရိဟာနိယာ ဓမ္မာ?
24.2 ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā?
ယာဝကီဝဉ္စ, ဘိက္ခဝေ, ဘိက္ခူ န ကမ္မာရာမာ ဘဝိသ္သန္တိ, န ကမ္မရတာ, န ကမ္မာရာမတံ အနုယုတ္တာ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနိ။
Yāvakīvañca, bhikkhave, bhikkhū na kammārāmā bhavissanti, na kammaratā, na kammārāmataṃ anuyuttā; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘ယာဝကီဝဉ္စ, ဘိက္ခဝေ, ဘိက္ခူ န ဘသ္သာရာမာ ဘဝိသ္သန္တိ။ပေ.။ န နိဒ္ဒာရာမာ ဘဝိသ္သန္တိ။ န သင္ဂဏိကာရာမာ ဘဝိသ္သန္တိ။ န ပာပိစ္ဆာ ဘဝိသ္သန္တိ န ပာပိကာနံ ဣစ္ဆာနံ ဝသံ ဂတာ။ န ပာပမိတ္တာ ဘဝိသ္သန္တိ န ပာပသဟာယာ န ပာပသမ္ပဝင္ကာ။ န ဩရမတ္တကေန ဝိသေသာဓိဂမေန အန္တရာဝောသာနံ အာပဇ္ဇိသ္သန္တိ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနိ။
‘‘Yāvakīvañca, bhikkhave, bhikkhū na bhassārāmā bhavissanti…pe… na niddārāmā bhavissanti… na saṅgaṇikārāmā bhavissanti… na pāpicchā bhavissanti na pāpikānaṃ icchānaṃ vasaṃ gatā… na pāpamittā bhavissanti na pāpasahāyā na pāpasampavaṅkā… na oramattakena visesādhigamena antarāvosānaṃ āpajjissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘ယာဝကီဝဉ္စ, ဘိက္ခဝေ, ဣမေ သတ္တ အပရိဟာနိယာ ဓမ္မာ ဘိက္ခူသု ဌသ္သန္တိ, ဣမေသု စ သတ္တသု အပရိဟာနိယေသု ဓမ္မေသု ဘိက္ခူ သန္ဒိသ္သိသ္သန္တိ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနီ’’တိ။ စတုတ္ထံ။
‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Catutthaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၄. ဒုတိယသတ္တကသုတ္တဝဏ္ဏနာ • 4. Dutiyasattakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄-၆. ဒုတိယသတ္တကသုတ္တာဒိဝဏ္ဏနာ • 4-6. Dutiyasattakasuttādivaṇṇanā
