| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. දුතියසත්‌තකසුත්‌තං
4. Dutiyasattakasuttaṃ
24. 1 ‘‘සත්‌ත වො, භික්‌ඛවෙ, අපරිහානියෙ ධම්‌මෙ දෙසෙස්‌සාමි. තං සුණාථ, සාධුකං මනසි කරොථ…පෙ.… කතමෙ ච, භික්‌ඛවෙ, සත්‌ත අපරිහානියා ධම්‌මා?
24.2 ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā?
යාවකීවඤ්‌ච, භික්‌ඛවෙ, භික්‌ඛූ න කම්‌මාරාමා භවිස්‌සන්‌ති, න කම්‌මරතා, න කම්‌මාරාමතං අනුයුත්‌තා; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි.
Yāvakīvañca, bhikkhave, bhikkhū na kammārāmā bhavissanti, na kammaratā, na kammārāmataṃ anuyuttā; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘යාවකීවඤ්‌ච, භික්‌ඛවෙ, භික්‌ඛූ න භස්‌සාරාමා භවිස්‌සන්‌ති…පෙ.… න නිද්‌දාරාමා භවිස්‌සන්‌ති… න සඞ්‌ගණිකාරාමා භවිස්‌සන්‌ති… න පාපිච්‌ඡා භවිස්‌සන්‌ති න පාපිකානං ඉච්‌ඡානං වසං ගතා… න පාපමිත්‌තා භවිස්‌සන්‌ති න පාපසහායා න පාපසම්‌පවඞ්‌කා… න ඔරමත්‌තකෙන විසෙසාධිගමෙන අන්‌තරාවොසානං ආපජ්‌ජිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි.
‘‘Yāvakīvañca, bhikkhave, bhikkhū na bhassārāmā bhavissanti…pe… na niddārāmā bhavissanti… na saṅgaṇikārāmā bhavissanti… na pāpicchā bhavissanti na pāpikānaṃ icchānaṃ vasaṃ gatā… na pāpamittā bhavissanti na pāpasahāyā na pāpasampavaṅkā… na oramattakena visesādhigamena antarāvosānaṃ āpajjissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘යාවකීවඤ්‌ච, භික්‌ඛවෙ, ඉමෙ සත්‌ත අපරිහානියා ධම්‌මා භික්‌ඛූසු ඨස්‌සන්‌ති, ඉමෙසු ච සත්‌තසු අපරිහානියෙසු ධම්‌මෙසු භික්‌ඛූ සන්‌දිස්‌සිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානී’’ති. චතුත්‌ථං.
‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 4. දුතියසත්‌තකසුත්‌තවණ්‌ණනා • 4. Dutiyasattakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-6. දුතියසත්‌තකසුත්‌තාදිවණ්‌ණනා • 4-6. Dutiyasattakasuttādivaṇṇanā
