| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. д̣̇уд̇ияасад̇д̇агасуд̇д̇аван̣н̣анаа
4. Dutiyasattakasuttavaṇṇanā
24. жад̇уд̇т̇з на гаммаараамаад̇и яз д̣̇ивасам̣ жийварагамма-гааяаб̣анд̇ханабариссаавана-д̇хаммагаран̣а-саммаж̇ж̇ани-баад̣̇агаталигаад̣̇ийнзва гаронд̇и, д̇з санд̇хааязса бадигкзбо. яо бана д̇зсам̣ гаран̣авзлааяа звам̣ зд̇аани гарод̇и, уд̣̇д̣̇зсавзлааяа уд̣̇д̣̇зсам̣ г̇ан̣хаад̇и, саж̇жхааяавзлааяа саж̇жхааяад̇и, жзд̇ияан̇г̇ан̣авад̇д̇авзлааяа жзд̇ияан̇г̇ан̣авад̇д̇ам̣ гарод̇и, манасигааравзлааяа манасигаарам̣ гарод̇и, на со гаммаараамо наама.
24. Catutthe na kammārāmāti ye divasaṃ cīvarakamma-kāyabandhanaparissāvana-dhammakaraṇa-sammajjani-pādakaṭhalikādīneva karonti, te sandhāyesa paṭikkhepo. Yo pana tesaṃ karaṇavelāya evaṃ etāni karoti, uddesavelāya uddesaṃ gaṇhāti, sajjhāyavelāya sajjhāyati, cetiyaṅgaṇavattavelāya cetiyaṅgaṇavattaṃ karoti, manasikāravelāya manasikāraṃ karoti, na so kammārāmo nāma.
яо ид̇т̇иван̣н̣абурисаван̣н̣аад̣̇ивасзна аалаабасаллаабам̣ гаронд̇оязва рад̇д̇инд̣̇ивам̣ вийд̇инаамзд̇и, зваруубз бхассз барияанд̇агаарий на ход̇и, аяам̣ бхассаараамо наама. яо бана рад̇д̇инд̣̇ивам̣ д̇хаммам̣ гат̇зд̇и, бан̃хам̣ виссаж̇ж̇зд̇и, аяам̣ аббабхассова бхассз барияанд̇агаарийязва. гасмаа? ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяам̣ д̇хаммий ваа гат̇аа арияо ваа д̇ун̣хийбхааво’’д̇и (ма. ни. 1.273) вуд̇д̇ад̇д̇аа.
Yo itthivaṇṇapurisavaṇṇādivasena ālāpasallāpaṃ karontoyeva rattindivaṃ vītināmeti, evarūpe bhasse pariyantakārī na hoti, ayaṃ bhassārāmo nāma. Yo pana rattindivaṃ dhammaṃ katheti, pañhaṃ vissajjeti, ayaṃ appabhassova bhasse pariyantakārīyeva. Kasmā? ‘‘Sannipatitānaṃ vo, bhikkhave, dvayaṃ karaṇīyaṃ dhammī vā kathā ariyo vā tuṇhībhāvo’’ti (ma. ni. 1.273) vuttattā.
яо тид̇оби г̇ажчанд̇оби нисинноби т̇инамид̣̇д̇хаабхибхууд̇о нид̣̇д̣̇ааяад̇иязва, аяам̣ нид̣̇д̣̇аараамо наама. яасса бана гараж̇агааяаг̇злан̃н̃зна жид̇д̇ам̣ бхаван̇г̇ам̣ од̇арад̇и, нааяам̣ нид̣̇д̣̇аараамо. д̇знзвааха – ‘‘абхиж̇аанаамахам̣, аг̇г̇ивзссана , г̇имхаанам̣ бажчимз маасз бажчаабхад̇д̇ам̣ бин̣д̣абаад̇аббадигганд̇о жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сад̇о самбаж̇аано нид̣̇д̣̇ам̣ оггамид̇аа’’д̇и (ма. ни. 1.387).
Yo ṭhitopi gacchantopi nisinnopi thinamiddhābhibhūto niddāyatiyeva, ayaṃ niddārāmo nāma. Yassa pana karajakāyagelaññena cittaṃ bhavaṅgaṃ otarati, nāyaṃ niddārāmo. Tenevāha – ‘‘abhijānāmahaṃ, aggivessana , gimhānaṃ pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññapetvā dakkhiṇena passena sato sampajāno niddaṃ okkamitā’’ti (ma. ni. 1.387).
яо ‘‘згасса д̣̇уд̇ияо, д̣̇виннам̣ д̇ад̇ияо, д̇ин̣н̣ам̣ жад̇уд̇т̇о’’д̇и звам̣ сам̣садтова вихарад̇и, згаго ассаад̣̇ам̣ на лабхад̇и, аяам̣ сан̇г̇ан̣игаараамо. яо бана жад̇уусу ирияаабат̇зсу згагова ассаад̣̇ам̣ лабхад̇и, нааяам̣ сан̇г̇ан̣игаараамо.
Yo ‘‘ekassa dutiyo, dvinnaṃ tatiyo, tiṇṇaṃ catuttho’’ti evaṃ saṃsaṭṭhova viharati, ekako assādaṃ na labhati, ayaṃ saṅgaṇikārāmo. Yo pana catūsu iriyāpathesu ekakova assādaṃ labhati, nāyaṃ saṅgaṇikārāmo.
асанд̇асамбхааванижчааяа саманнааг̇ад̇аа д̣̇уссийлаа баабижчаа наама. язсам̣ баабагаа мид̇д̇аа жад̇уусу ирияаабат̇зсу саха аяанад̇о баабасахааяаа, яз жа д̇анниннад̇аббон̣ад̇аббаб̣бхаарад̇ааяа баабзсу самбаван̇гаа, д̇з баабамид̇д̇аа баабасахааяаа баабасамбаван̇гаа наама.
Asantasambhāvanicchāya samannāgatā dussīlā pāpicchā nāma. Yesaṃ pāpakā mittā catūsu iriyāpathesu saha ayanato pāpasahāyā, ye ca tanninnatappoṇatappabbhāratāya pāpesu sampavaṅkā, te pāpamittā pāpasahāyā pāpasampavaṅkā nāma.
орамад̇д̇агзнаад̇и аварамад̇д̇агзна аббамад̇д̇агзна. анд̇араад̇и арахад̇д̇ам̣ аббад̇ваава зд̇т̇анд̇арз. восаананд̇и баринидтид̇абхаавам̣ ‘‘аламзд̇д̇аавад̇аа’’д̇и осагганам̣. ид̣̇ам̣ вуд̇д̇ам̣ ход̇и – яаава сийлабаарисуд̣̇д̇хиж̇жхаанавибассанаа сод̇аабаннабхааваад̣̇ийнам̣ ан̃н̃ад̇арамад̇д̇агзна восаанам̣ наабаж̇ж̇иссанд̇и, д̇аава вуд̣̇д̇хиязва бхигкуунам̣ баадиган̇каа, но барихаанийд̇и.
Oramattakenāti avaramattakena appamattakena. Antarāti arahattaṃ appatvāva etthantare. Vosānanti pariniṭṭhitabhāvaṃ ‘‘alamettāvatā’’ti osakkanaṃ. Idaṃ vuttaṃ hoti – yāva sīlapārisuddhijjhānavipassanā sotāpannabhāvādīnaṃ aññataramattakena vosānaṃ nāpajjissanti, tāva vuddhiyeva bhikkhūnaṃ pāṭikaṅkhā, no parihānīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. д̣̇уд̇ияасад̇д̇агасуд̇д̇ам̣ • 4. Dutiyasattakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-6. д̣̇уд̇ияасад̇д̇агасуд̇д̇аад̣̇иван̣н̣анаа • 4-6. Dutiyasattakasuttādivaṇṇanā
