| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਦੁਤਿਯਸਤ੍ਤਕਸੁਤ੍ਤવਣ੍ਣਨਾ
4. Dutiyasattakasuttavaṇṇanā
੨੪. ਚਤੁਤ੍ਥੇ ਨ ਕਮ੍ਮਾਰਾਮਾਤਿ ਯੇ ਦਿવਸਂ ਚੀવਰਕਮ੍ਮ-ਕਾਯਬਨ੍ਧਨਪਰਿਸ੍ਸਾવਨ-ਧਮ੍ਮਕਰਣ-ਸਮ੍ਮਜ੍ਜਨਿ-ਪਾਦਕਠਲਿਕਾਦੀਨੇવ ਕਰੋਨ੍ਤਿ, ਤੇ ਸਨ੍ਧਾਯੇਸ ਪਟਿਕ੍ਖੇਪੋ। ਯੋ ਪਨ ਤੇਸਂ ਕਰਣવੇਲਾਯ ਏવਂ ਏਤਾਨਿ ਕਰੋਤਿ, ਉਦ੍ਦੇਸવੇਲਾਯ ਉਦ੍ਦੇਸਂ ਗਣ੍ਹਾਤਿ, ਸਜ੍ਝਾਯવੇਲਾਯ ਸਜ੍ਝਾਯਤਿ, ਚੇਤਿਯਙ੍ਗਣવਤ੍ਤવੇਲਾਯ ਚੇਤਿਯਙ੍ਗਣવਤ੍ਤਂ ਕਰੋਤਿ, ਮਨਸਿਕਾਰવੇਲਾਯ ਮਨਸਿਕਾਰਂ ਕਰੋਤਿ, ਨ ਸੋ ਕਮ੍ਮਾਰਾਮੋ ਨਾਮ।
24. Catutthe na kammārāmāti ye divasaṃ cīvarakamma-kāyabandhanaparissāvana-dhammakaraṇa-sammajjani-pādakaṭhalikādīneva karonti, te sandhāyesa paṭikkhepo. Yo pana tesaṃ karaṇavelāya evaṃ etāni karoti, uddesavelāya uddesaṃ gaṇhāti, sajjhāyavelāya sajjhāyati, cetiyaṅgaṇavattavelāya cetiyaṅgaṇavattaṃ karoti, manasikāravelāya manasikāraṃ karoti, na so kammārāmo nāma.
ਯੋ ਇਤ੍ਥਿવਣ੍ਣਪੁਰਿਸવਣ੍ਣਾਦਿવਸੇਨ ਆਲਾਪਸਲ੍ਲਾਪਂ ਕਰੋਨ੍ਤੋਯੇવ ਰਤ੍ਤਿਨ੍ਦਿવਂ વੀਤਿਨਾਮੇਤਿ, ਏવਰੂਪੇ ਭਸ੍ਸੇ ਪਰਿਯਨ੍ਤਕਾਰੀ ਨ ਹੋਤਿ, ਅਯਂ ਭਸ੍ਸਾਰਾਮੋ ਨਾਮ। ਯੋ ਪਨ ਰਤ੍ਤਿਨ੍ਦਿવਂ ਧਮ੍ਮਂ ਕਥੇਤਿ, ਪਞ੍ਹਂ વਿਸ੍ਸਜ੍ਜੇਤਿ, ਅਯਂ ਅਪ੍ਪਭਸ੍ਸੋવ ਭਸ੍ਸੇ ਪਰਿਯਨ੍ਤਕਾਰੀਯੇવ। ਕਸ੍ਮਾ? ‘‘ਸਨ੍ਨਿਪਤਿਤਾਨਂ વੋ, ਭਿਕ੍ਖવੇ, ਦ੍વਯਂ ਕਰਣੀਯਂ ਧਮ੍ਮੀ વਾ ਕਥਾ ਅਰਿਯੋ વਾ ਤੁਣ੍ਹੀਭਾવੋ’’ਤਿ (ਮ॰ ਨਿ॰ ੧.੨੭੩) વੁਤ੍ਤਤ੍ਤਾ।
Yo itthivaṇṇapurisavaṇṇādivasena ālāpasallāpaṃ karontoyeva rattindivaṃ vītināmeti, evarūpe bhasse pariyantakārī na hoti, ayaṃ bhassārāmo nāma. Yo pana rattindivaṃ dhammaṃ katheti, pañhaṃ vissajjeti, ayaṃ appabhassova bhasse pariyantakārīyeva. Kasmā? ‘‘Sannipatitānaṃ vo, bhikkhave, dvayaṃ karaṇīyaṃ dhammī vā kathā ariyo vā tuṇhībhāvo’’ti (ma. ni. 1.273) vuttattā.
ਯੋ ਠਿਤੋਪਿ ਗਚ੍ਛਨ੍ਤੋਪਿ ਨਿਸਿਨ੍ਨੋਪਿ ਥਿਨਮਿਦ੍ਧਾਭਿਭੂਤੋ ਨਿਦ੍ਦਾਯਤਿਯੇવ, ਅਯਂ ਨਿਦ੍ਦਾਰਾਮੋ ਨਾਮ। ਯਸ੍ਸ ਪਨ ਕਰਜਕਾਯਗੇਲਞ੍ਞੇਨ ਚਿਤ੍ਤਂ ਭવਙ੍ਗਂ ਓਤਰਤਿ, ਨਾਯਂ ਨਿਦ੍ਦਾਰਾਮੋ। ਤੇਨੇવਾਹ – ‘‘ਅਭਿਜਾਨਾਮਹਂ, ਅਗ੍ਗਿવੇਸ੍ਸਨ , ਗਿਮ੍ਹਾਨਂ ਪਚ੍ਛਿਮੇ ਮਾਸੇ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਚਤੁਗ੍ਗੁਣਂ ਸਙ੍ਘਾਟਿਂ ਪਞ੍ਞਪੇਤ੍વਾ ਦਕ੍ਖਿਣੇਨ ਪਸ੍ਸੇਨ ਸਤੋ ਸਮ੍ਪਜਾਨੋ ਨਿਦ੍ਦਂ ਓਕ੍ਕਮਿਤਾ’’ਤਿ (ਮ॰ ਨਿ॰ ੧.੩੮੭)।
Yo ṭhitopi gacchantopi nisinnopi thinamiddhābhibhūto niddāyatiyeva, ayaṃ niddārāmo nāma. Yassa pana karajakāyagelaññena cittaṃ bhavaṅgaṃ otarati, nāyaṃ niddārāmo. Tenevāha – ‘‘abhijānāmahaṃ, aggivessana , gimhānaṃ pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññapetvā dakkhiṇena passena sato sampajāno niddaṃ okkamitā’’ti (ma. ni. 1.387).
ਯੋ ‘‘ਏਕਸ੍ਸ ਦੁਤਿਯੋ, ਦ੍વਿਨ੍ਨਂ ਤਤਿਯੋ, ਤਿਣ੍ਣਂ ਚਤੁਤ੍ਥੋ’’ਤਿ ਏવਂ ਸਂਸਟ੍ਠੋવ વਿਹਰਤਿ, ਏਕਕੋ ਅਸ੍ਸਾਦਂ ਨ ਲਭਤਿ, ਅਯਂ ਸਙ੍ਗਣਿਕਾਰਾਮੋ। ਯੋ ਪਨ ਚਤੂਸੁ ਇਰਿਯਾਪਥੇਸੁ ਏਕਕੋવ ਅਸ੍ਸਾਦਂ ਲਭਤਿ, ਨਾਯਂ ਸਙ੍ਗਣਿਕਾਰਾਮੋ।
Yo ‘‘ekassa dutiyo, dvinnaṃ tatiyo, tiṇṇaṃ catuttho’’ti evaṃ saṃsaṭṭhova viharati, ekako assādaṃ na labhati, ayaṃ saṅgaṇikārāmo. Yo pana catūsu iriyāpathesu ekakova assādaṃ labhati, nāyaṃ saṅgaṇikārāmo.
ਅਸਨ੍ਤਸਮ੍ਭਾવਨਿਚ੍ਛਾਯ ਸਮਨ੍ਨਾਗਤਾ ਦੁਸ੍ਸੀਲਾ ਪਾਪਿਚ੍ਛਾ ਨਾਮ। ਯੇਸਂ ਪਾਪਕਾ ਮਿਤ੍ਤਾ ਚਤੂਸੁ ਇਰਿਯਾਪਥੇਸੁ ਸਹ ਅਯਨਤੋ ਪਾਪਸਹਾਯਾ, ਯੇ ਚ ਤਨ੍ਨਿਨ੍ਨਤਪ੍ਪੋਣਤਪ੍ਪਬ੍ਭਾਰਤਾਯ ਪਾਪੇਸੁ ਸਮ੍ਪવਙ੍ਕਾ, ਤੇ ਪਾਪਮਿਤ੍ਤਾ ਪਾਪਸਹਾਯਾ ਪਾਪਸਮ੍ਪવਙ੍ਕਾ ਨਾਮ।
Asantasambhāvanicchāya samannāgatā dussīlā pāpicchā nāma. Yesaṃ pāpakā mittā catūsu iriyāpathesu saha ayanato pāpasahāyā, ye ca tanninnatappoṇatappabbhāratāya pāpesu sampavaṅkā, te pāpamittā pāpasahāyā pāpasampavaṅkā nāma.
ਓਰਮਤ੍ਤਕੇਨਾਤਿ ਅવਰਮਤ੍ਤਕੇਨ ਅਪ੍ਪਮਤ੍ਤਕੇਨ। ਅਨ੍ਤਰਾਤਿ ਅਰਹਤ੍ਤਂ ਅਪ੍ਪਤ੍વਾવ ਏਤ੍ਥਨ੍ਤਰੇ। વੋਸਾਨਨ੍ਤਿ ਪਰਿਨਿਟ੍ਠਿਤਭਾવਂ ‘‘ਅਲਮੇਤ੍ਤਾવਤਾ’’ਤਿ ਓਸਕ੍ਕਨਂ। ਇਦਂ વੁਤ੍ਤਂ ਹੋਤਿ – ਯਾવ ਸੀਲਪਾਰਿਸੁਦ੍ਧਿਜ੍ਝਾਨવਿਪਸ੍ਸਨਾ ਸੋਤਾਪਨ੍ਨਭਾવਾਦੀਨਂ ਅਞ੍ਞਤਰਮਤ੍ਤਕੇਨ વੋਸਾਨਂ ਨਾਪਜ੍ਜਿਸ੍ਸਨ੍ਤਿ, ਤਾવ વੁਦ੍ਧਿਯੇવ ਭਿਕ੍ਖੂਨਂ ਪਾਟਿਕਙ੍ਖਾ, ਨੋ ਪਰਿਹਾਨੀਤਿ।
Oramattakenāti avaramattakena appamattakena. Antarāti arahattaṃ appatvāva etthantare. Vosānanti pariniṭṭhitabhāvaṃ ‘‘alamettāvatā’’ti osakkanaṃ. Idaṃ vuttaṃ hoti – yāva sīlapārisuddhijjhānavipassanā sotāpannabhāvādīnaṃ aññataramattakena vosānaṃ nāpajjissanti, tāva vuddhiyeva bhikkhūnaṃ pāṭikaṅkhā, no parihānīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਦੁਤਿਯਸਤ੍ਤਕਸੁਤ੍ਤਂ • 4. Dutiyasattakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੬. ਦੁਤਿਯਸਤ੍ਤਕਸੁਤ੍ਤਾਦਿવਣ੍ਣਨਾ • 4-6. Dutiyasattakasuttādivaṇṇanā
