| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
4. д̣̇уд̇ияасад̇д̇асуд̇д̇аван̣н̣анаа
4. Dutiyasattasuttavaṇṇanā
64. жад̇уд̇т̇з анд̇хийгад̇аад̇и гаамаа наама ананд̇хамби анд̇хам̣ гаронд̇и.
64. Catutthe andhīkatāti kāmā nāma anandhampi andhaṃ karonti.
яат̇ааха –
Yathāha –
‘‘луд̣̇д̇хо ад̇т̇ам̣ на ж̇аанаад̇и, луд̣̇д̇хо д̇хаммам̣ на бассад̇и;
‘‘Luddho atthaṃ na jānāti, luddho dhammaṃ na passati;
анд̇хад̇амам̣ д̇ад̣̇аа ход̇и, яам̣ лобхо сахад̇з нара’’нд̇и. (ид̇иву. 88; махаани. 5; жуул̣ани. каг̇г̇ависаан̣асуд̇д̇анид̣̇д̣̇зса 128) –
Andhatamaṃ tadā hoti, yaṃ lobho sahate nara’’nti. (itivu. 88; mahāni. 5; cūḷani. khaggavisāṇasuttaniddesa 128) –
д̇асмаа гаамзна ананд̇хааби анд̇хаа гад̇аад̇и анд̇хийгад̇аа. сзсам̣ ананд̇арасуд̇д̇з вуд̇д̇анаяамзва. д̇ад̇т̇а хи мануссаанам̣ бавад̇д̇и бхигкуухи д̣̇исваа бхаг̇авад̇о аарожид̇аа, ид̇ха бхаг̇авад̇аа саамам̣язва д̣̇идтаад̇и аяамзва висзсо. сад̇т̇аа саавад̇т̇ид̇о нигкамид̇ваа ж̇зд̇аванам̣ г̇ажчанд̇о анд̇араамаг̇г̇з ажиравад̇ияам̣ над̣̇ияам̣ мажчаб̣анд̇хзхи од̣д̣ид̇ам̣ гуминам̣ бависид̇ваа нигканд̇ум̣ асаггонд̇з б̣ахуу мажчз басси, д̇ад̇о абарабхааг̇з згам̣ кийрабагам̣ важчам̣ г̇оравам̣ гад̇ваа ануб̣анд̇хид̇ваа т̇ан̃н̃абибаасааяа г̇ийвам̣ басаарзд̇ваа маад̇у анд̇арасад̇т̇ияам̣ мукам̣ убанзнд̇ам̣ басси. ат̇а бхаг̇аваа вихаарам̣ бависид̇ваа баад̣̇з багкаалзд̇ваа бан̃н̃ад̇д̇авараб̣уд̣̇д̇хаасанз нисинно бажчимам̣ вад̇т̇уд̣̇ваяам̣ буримасса убамаанабхаавзна г̇ахзд̇ваа имам̣ уд̣̇аанам̣ уд̣̇аанзси.
Tasmā kāmena anandhāpi andhā katāti andhīkatā. Sesaṃ anantarasutte vuttanayameva. Tattha hi manussānaṃ pavatti bhikkhūhi disvā bhagavato ārocitā, idha bhagavatā sāmaṃyeva diṭṭhāti ayameva viseso. Satthā sāvatthito nikkhamitvā jetavanaṃ gacchanto antarāmagge aciravatiyaṃ nadiyaṃ macchabandhehi oḍḍitaṃ kuminaṃ pavisitvā nikkhantuṃ asakkonte bahū macche passi, tato aparabhāge ekaṃ khīrapakaṃ vacchaṃ goravaṃ katvā anubandhitvā thaññapipāsāya gīvaṃ pasāretvā mātu antarasatthiyaṃ mukhaṃ upanentaṃ passi. Atha bhagavā vihāraṃ pavisitvā pāde pakkhāletvā paññattavarabuddhāsane nisinno pacchimaṃ vatthudvayaṃ purimassa upamānabhāvena gahetvā imaṃ udānaṃ udānesi.
д̇ад̇т̇а гааманд̇хаад̇и вад̇т̇угаамзсу гилзсагаамзна анд̇хаа вижагкугаа гад̇аа. ж̇ааласан̃чаннаад̇и сагад̇д̇абхаавабарад̇д̇абхаавзсу аж̇жхад̇д̇игаб̣аахирааяад̇анзсу, д̇анниссид̇зсу жа д̇хаммзсу ад̇ийд̇аад̣̇ивасзна анзгабхзд̣̇абхиннзсу хздтубарияавасзна абараабарам̣ уббад̇д̇ияаа анд̇ог̇ад̇хаанам̣ анад̇т̇аавахад̇о жа ж̇аалабхууд̇ааяа д̇ан̣хааяа сукумажчид̣̇д̣̇зна ж̇аалзна баривуд̇о вияа уд̣̇агарахад̣̇о сан̃чаннаа балиг̇ун̣тид̇аа аж̇жход̇т̇адаа. д̇ан̣хаачад̣̇аначаад̣̇ид̇аад̇и д̇ан̣хаасан̇каад̇зна чад̣̇анзна сзваалабан̣агзна вияа уд̣̇агам̣ чаад̣̇ид̇аа, бадижчаннаа бихид̇аад̇и ад̇т̇о. бад̣̇ад̣̇ваязнааби гаамажчанд̣̇анийваран̣аниваарид̇агусалажид̇д̇аажаарад̇ам̣ д̣̇ассзд̇и.
Tattha kāmandhāti vatthukāmesu kilesakāmena andhā vicakkhukā katā. Jālasañchannāti sakattabhāvaparattabhāvesu ajjhattikabāhirāyatanesu, tannissitesu ca dhammesu atītādivasena anekabhedabhinnesu heṭṭhupariyavasena aparāparaṃ uppattiyā antogadhānaṃ anatthāvahato ca jālabhūtāya taṇhāya sukhumacchiddena jālena parivuto viya udakarahado sañchannā paliguṇṭhitā ajjhotthaṭā. Taṇhāchadanachāditāti taṇhāsaṅkhātena chadanena sevālapaṇakena viya udakaṃ chāditā, paṭicchannā pihitāti attho. Padadvayenāpi kāmacchandanīvaraṇanivāritakusalacittācārataṃ dasseti.
бамад̇д̇аб̣анд̇хунаа б̣ад̣̇д̇хаад̇и гилзсамаарзна д̣̇звабуд̇д̇амаарзна жа б̣ад̣̇д̇хаа. яад̣̇аг̇г̇зна хи гилзсамаарзна б̣ад̣̇д̇хаа, д̇ад̣̇аг̇г̇зна д̣̇звабуд̇д̇амаарзнаби б̣ад̣̇д̇хаа наама хонд̇и. вуд̇д̇ан̃хзд̇ам̣ –
Pamattabandhunā baddhāti kilesamārena devaputtamārena ca baddhā. Yadaggena hi kilesamārena baddhā, tadaggena devaputtamārenapi baddhā nāma honti. Vuttañhetaṃ –
‘‘анд̇алигкажаро баасо, явааяам̣ жарад̇и маанасо;
‘‘Antalikkhacaro pāso, yvāyaṃ carati mānaso;
д̇зна д̇ам̣ б̣аад̇хаяиссаами, на мз саман̣а могкасий’’д̇и. (сам̣. ни. 1.151; махаава. 33);
Tena taṃ bādhayissāmi, na me samaṇa mokkhasī’’ti. (saṃ. ni. 1.151; mahāva. 33);
намужи ган̣хо бамад̇д̇аб̣анд̇хууд̇и д̇ийн̣и маарасса наамаани. д̣̇звабуд̇д̇амаароби хи гилзсамааро вияа анад̇т̇зна бамад̇д̇з сад̇д̇з б̣анд̇хад̇ийд̇и бамад̇д̇аб̣анд̇ху. ‘‘бамад̇д̇аа б̣анд̇ханз б̣ад̣̇д̇хаа’’д̇иби батанд̇и. д̇ад̇т̇а б̣анд̇ханзд̇и гаамаг̇ун̣аб̣анд̇ханзд̇и ад̇т̇о. б̣ад̣̇д̇хаад̇и нияамид̇аа. яат̇аа гим̣? мажчаава гуминаамукз яат̇аа наама мажчаб̣анд̇хагзна од̣д̣ид̇асса гуминасса мукз бавидтаа мажчаа д̇зна б̣ад̣̇д̇хаа худ̇ваа маран̣аманвзнд̇и баабун̣анд̇и, звамзва маарзна од̣д̣ид̇зна гаамаг̇ун̣аб̣анд̇ханзна б̣ад̣̇д̇хаа имз сад̇д̇аа ж̇араамаран̣аманвзнд̇и. важчо кийрабагова маад̇арам̣ яат̇аа кийрабааяий д̇арун̣аважчо ад̇д̇ано маад̇арам̣ анвзд̇и ануг̇ажчад̇и, на ан̃н̃ам̣ звам̣ маараб̣анд̇ханаб̣ад̣̇д̇хаа сад̇д̇аа сам̣саарз бариб̣бхаманд̇аа маран̣амзва анвзнд̇и ануг̇ажчанд̇и, на аж̇арам̣ амаран̣ам̣ ниб̣б̣аананд̇и ад̇хиббааяо.
Namuci kaṇho pamattabandhūti tīṇi mārassa nāmāni. Devaputtamāropi hi kilesamāro viya anatthena pamatte satte bandhatīti pamattabandhu. ‘‘Pamattā bandhane baddhā’’tipi paṭhanti. Tattha bandhaneti kāmaguṇabandhaneti attho. Baddhāti niyamitā. Yathā kiṃ? Macchāva kumināmukhe yathā nāma macchabandhakena oḍḍitassa kuminassa mukhe paviṭṭhā macchā tena baddhā hutvā maraṇamanventi pāpuṇanti, evameva mārena oḍḍitena kāmaguṇabandhanena baddhā ime sattā jarāmaraṇamanventi. Vaccho khīrapakova mātaraṃ yathā khīrapāyī taruṇavaccho attano mātaraṃ anveti anugacchati, na aññaṃ evaṃ mārabandhanabaddhā sattā saṃsāre paribbhamantā maraṇameva anventi anugacchanti, na ajaraṃ amaraṇaṃ nibbānanti adhippāyo.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 4. д̣̇уд̇ияасад̇д̇асуд̇д̇ам̣ • 4. Dutiyasattasuttaṃ
