| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
7. д̣̇уд̇ияасзкасуд̇д̇аван̣н̣анаа
7. Dutiyasekhasuttavaṇṇanā
17. сад̇д̇амз б̣аахиранд̇и аж̇жхад̇д̇асанд̇аанад̇о б̣ахи бхавам̣. галяаан̣амид̇д̇ад̇аад̇и яасса сийлаад̣̇иг̇ун̣асамбанно агхасса гхаад̇аа , хид̇асса вид̇хаад̇аа саб̣б̣аагаарзна убагаараго мид̇д̇о ход̇и, со буг̇г̇ало галяаан̣амид̇д̇о, д̇асса бхааво галяаан̣амид̇д̇ад̇аа. д̇ад̇рааяам̣ галяаан̣амид̇д̇о багад̇ияаа сад̣̇д̇хаасамбанно ход̇и сийласамбанно суд̇асамбанно жааг̇асамбанно вийрияасамбанно сад̇исамбанно самаад̇хисамбанно бан̃н̃аасамбанно. д̇ад̇т̇а сад̣̇д̇хаасамбад̇д̇ияаа сад̣̇д̣̇ахад̇и д̇ат̇ааг̇ад̇асса б̣од̇хим̣, д̇зна саммаасамб̣од̇хихзд̇убхууд̇ам̣ сад̇д̇зсу хид̇асукзсид̇ам̣ на барижжаж̇ад̇и, сийласамбад̇д̇ияаа саб̣рахмажаарийнам̣ бияо ход̇и г̇ару жа бхааванийяо жод̣̇аго баабаг̇арахий вад̇д̇аа важанагкамо, суд̇асамбад̇д̇ияаа канд̇хааяад̇анасажжабадижжасамуббаад̣̇аад̣̇игаанам̣ г̇амбхийраанам̣ гат̇аанам̣ гад̇д̇аа ход̇и, жааг̇асамбад̇д̇ияаа аббижчо ход̇и санд̇удто бавивид̇д̇о асам̣садто, вийрияасамбад̇д̇ияаа ад̇д̇ано барзсан̃жа хид̇аббадибад̇д̇ияам̣ аарад̣̇д̇хавийрияо ход̇и, сад̇исамбад̇д̇ияаа убадтид̇ассад̇и ход̇и барамзна сад̇инзбаггзна саманнааг̇ад̇о жирагад̇амби жирабхаасид̇амби сарид̇аа ануссарид̇аа, самаад̇хисамбад̇д̇ияаа авигкид̇д̇о ход̇и самаахид̇о згаг̇г̇ажид̇д̇о, бан̃н̃аасамбад̇д̇ияаа авибарийд̇ам̣ баж̇аанаад̇и. со сад̇ияаа гусалаагусалаанам̣ д̇хаммаанам̣ г̇ад̇ияо саманвзсанд̇о бан̃н̃ааяа сад̇д̇аанам̣ хид̇асукам̣ яат̇аабхууд̇ам̣ ж̇аанид̇ваа самаад̇хинаа д̇ад̇т̇а аб̣яаг̇г̇ажид̇д̇о худ̇ваа вийриязна сад̇д̇з ахид̇ад̇о нисзд̇хзд̇ваа зганд̇ахид̇з нияож̇зд̇и. д̇знзвааха –
17. Sattame bāhiranti ajjhattasantānato bahi bhavaṃ. Kalyāṇamittatāti yassa sīlādiguṇasampanno aghassa ghātā , hitassa vidhātā sabbākārena upakārako mitto hoti, so puggalo kalyāṇamitto, tassa bhāvo kalyāṇamittatā. Tatrāyaṃ kalyāṇamitto pakatiyā saddhāsampanno hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa bodhiṃ, tena sammāsambodhihetubhūtaṃ sattesu hitasukhesitaṃ na pariccajati, sīlasampattiyā sabrahmacārīnaṃ piyo hoti garu ca bhāvanīyo codako pāpagarahī vattā vacanakkhamo, sutasampattiyā khandhāyatanasaccapaṭiccasamuppādādikānaṃ gambhīrānaṃ kathānaṃ kattā hoti, cāgasampattiyā appiccho hoti santuṭṭho pavivitto asaṃsaṭṭho, vīriyasampattiyā attano paresañca hitappaṭipattiyaṃ āraddhavīriyo hoti, satisampattiyā upaṭṭhitassati hoti paramena satinepakkena samannāgato cirakatampi cirabhāsitampi saritā anussaritā, samādhisampattiyā avikkhitto hoti samāhito ekaggacitto, paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samanvesanto paññāya sattānaṃ hitasukhaṃ yathābhūtaṃ jānitvā samādhinā tattha abyaggacitto hutvā vīriyena satte ahitato nisedhetvā ekantahite niyojeti. Tenevāha –
‘‘бияо г̇ару бхааванийяо, вад̇д̇аа жа важанагкамо;
‘‘Piyo garu bhāvanīyo, vattā ca vacanakkhamo;
г̇амбхийран̃жа гат̇ам̣ гад̇д̇аа, но жаадтаанз нияож̇аго’’д̇и. (нзд̇д̇и. 113);
Gambhīrañca kathaṃ kattā, no cāṭṭhāne niyojako’’ti. (netti. 113);
галяаан̣амид̇д̇о , бхигкавз, бхигку агусалам̣ баж̇ахад̇и, гусалам̣ бхаавзд̇ийд̇и галяаан̣амид̇д̇о буг̇г̇ало галяаан̣амид̇д̇ам̣ ниссааяа гаммассагад̇аан̃аан̣ам̣ уббаад̣̇зд̇и, уббаннам̣ сад̣̇д̇хам̣ паад̇им̣ гарод̇и, сад̣̇д̇хааж̇аад̇о убасан̇гамад̇и убасан̇гамид̇ваа д̇хаммам̣ сун̣аад̇и. д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и, д̇зна сад̣̇д̇хаабадилаабхзна гхарааваасам̣ бахааяа баб̣б̣аж̇ж̇ам̣ ануд̇идтад̇и, жад̇убаарисуд̣̇д̇хисийлам̣ самбаад̣̇зд̇и, яат̇ааб̣алам̣ д̇худ̇ад̇хаммз самаад̣̇ааяа вад̇д̇ад̇и, д̣̇асагат̇аавад̇т̇улаабхий ход̇и, аарад̣̇д̇хавийрияо вихарад̇и убадтид̇ассад̇и самбаж̇аано буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о, нажирассзва вибассанам̣ уссуггаабзд̇ваа арияамаг̇г̇аад̇хиг̇амзна саб̣б̣ам̣ агусалам̣ самужчинд̣̇ад̇и, саб̣б̣ан̃жа гусалам̣ бхааванаабаарибуурим̣ г̇амзнд̇о вад̣дхзд̇и. вуд̇д̇ан̃хзд̇ам̣ –
Kalyāṇamitto, bhikkhave, bhikkhu akusalaṃ pajahati, kusalaṃ bhāvetīti kalyāṇamitto puggalo kalyāṇamittaṃ nissāya kammassakatāñāṇaṃ uppādeti, uppannaṃ saddhaṃ phātiṃ karoti, saddhājāto upasaṅkamati upasaṅkamitvā dhammaṃ suṇāti. Taṃ dhammaṃ sutvā tathāgate saddhaṃ paṭilabhati, tena saddhāpaṭilābhena gharāvāsaṃ pahāya pabbajjaṃ anutiṭṭhati, catupārisuddhisīlaṃ sampādeti, yathābalaṃ dhutadhamme samādāya vattati, dasakathāvatthulābhī hoti, āraddhavīriyo viharati upaṭṭhitassati sampajāno pubbarattāpararattaṃ bodhipakkhiyānaṃ dhammānaṃ bhāvanānuyogamanuyutto, nacirasseva vipassanaṃ ussukkāpetvā ariyamaggādhigamena sabbaṃ akusalaṃ samucchindati, sabbañca kusalaṃ bhāvanāpāripūriṃ gamento vaḍḍheti. Vuttañhetaṃ –
‘‘галяаан̣амид̇д̇ассзд̇ам̣, мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса ‘яам̣ сийлаваа бхависсад̇и, баад̇имогкасам̣варасам̣вуд̇о вихариссад̇и аажаараг̇ожарасамбанно, ан̣умад̇д̇зсу важ̇ж̇зсу, бхаяад̣̇ассаавий самаад̣̇ааяа сигкиссад̇и, сигкаабад̣̇зсу’.
‘‘Kalyāṇamittassetaṃ, meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa ‘yaṃ sīlavā bhavissati, pātimokkhasaṃvarasaṃvuto viharissati ācāragocarasampanno, aṇumattesu vajjesu, bhayadassāvī samādāya sikkhissati, sikkhāpadesu’.
‘‘галяаан̣амид̇д̇ассзд̇ам̣…бз… галяаан̣асамбаван̇гасса ‘яам̣ яааяам̣ гат̇аа абхисаллзкигаа жзд̇овиваран̣асаббааяаа зганд̇аниб̣б̣ид̣̇ааяа…бз… ниб̣б̣аанааяа сам̣вад̇д̇ад̇и. сзяяат̇ид̣̇ам̣ – аббижчагат̇аа, санд̇удтигат̇аа, бавивзгагат̇аа, асам̣саг̇г̇агат̇аа, вийрияаарамбхагат̇аа, сийлагат̇аа, самаад̇хигат̇аа…бз… вимуд̇д̇ин̃аан̣ад̣̇ассанагат̇аа. зваруубааяа гат̇ааяа нигаамалаабхий бхависсад̇и агижчалаабхий агасиралаабхий’.
‘‘Kalyāṇamittassetaṃ…pe… kalyāṇasampavaṅkassa ‘yaṃ yāyaṃ kathā abhisallekhikā cetovivaraṇasappāyā ekantanibbidāya…pe… nibbānāya saṃvattati. Seyyathidaṃ – appicchakathā, santuṭṭhikathā, pavivekakathā, asaṃsaggakathā, vīriyārambhakathā, sīlakathā, samādhikathā…pe… vimuttiñāṇadassanakathā. Evarūpāya kathāya nikāmalābhī bhavissati akicchalābhī akasiralābhī’.
‘‘галяаан̣амид̇д̇ассзд̇ам̣ …бз… галяаан̣асамбаван̇гасса ‘яам̣ аарад̣̇д̇хавийрияо вихариссад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу’.
‘‘Kalyāṇamittassetaṃ …pe… kalyāṇasampavaṅkassa ‘yaṃ āraddhavīriyo viharissati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu’.
‘‘галяаан̣амид̇д̇ассзд̇ам̣…бз… галяаан̣асамбаван̇гасса ‘яам̣ бан̃н̃аваа бхависсад̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа’’’д̇и (уд̣̇аа. 31).
‘‘Kalyāṇamittassetaṃ…pe… kalyāṇasampavaṅkassa ‘yaṃ paññavā bhavissati, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā’’’ti (udā. 31).
звам̣ сагалаваддад̣̇угкабаримужжананимид̇д̇ам̣ галяаан̣амид̇д̇ад̇аад̇и взд̣̇ид̇аб̣б̣ам̣. д̇знзвааха –
Evaṃ sakalavaṭṭadukkhaparimuccananimittaṃ kalyāṇamittatāti veditabbaṃ. Tenevāha –
‘‘маман̃хи , аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇ий’’д̇иаад̣̇и (сам̣. ни. 1.129).
‘‘Mamañhi , ānanda, kalyāṇamittaṃ āgamma jātidhammā sattā jātiyā parimuccanti, jarādhammā sattā jarāya parimuccantī’’tiādi (saṃ. ni. 1.129).
д̇зна вуд̇д̇ам̣ – ‘‘галяаан̣амид̇д̇о, бхигкавз, бхигку агусалам̣ баж̇ахад̇и, гусалам̣ бхаавзд̇ий’’д̇и.
Tena vuttaṃ – ‘‘kalyāṇamitto, bhikkhave, bhikkhu akusalaṃ pajahati, kusalaṃ bhāvetī’’ti.
г̇аат̇ааяа саббад̇иссод̇и бад̇иссавасан̇каад̇зна саха бад̇иссзнаад̇и саббад̇иссо, галяаан̣амид̇д̇асса оваад̣̇ам̣ сирасаа самбадижчаго суб̣б̣ажод̇и ад̇т̇о. ат̇а ваа хид̇асукз бад̇идтаабанзна бад̇и исзд̇ийд̇и бад̇иссо, оваад̣̇ад̣̇ааяаго. г̇аруаад̣̇араяог̇зна д̇зна бад̇иссзна саха вад̇д̇ад̇ийд̇и саббад̇иссо, г̇аруусу г̇аружид̇д̇ийгаараб̣ахуло. саг̇ааравод̇и чаб̣б̣ид̇хзнаби г̇ааравзна яуд̇д̇о. гарам̣ мид̇д̇аанам̣ важананд̇и галяаан̣амид̇д̇аанам̣ оваад̣̇ам̣ гаронд̇о яат̇оваад̣̇ам̣ бадибаж̇ж̇анд̇о. самбаж̇аанод̇и сад̇д̇адтааниязна самбаж̇ан̃н̃зна саманнааг̇ад̇о. бад̇иссад̇од̇и гаммадтаанам̣ паад̇им̣ , г̇амзд̇ум̣ самад̇т̇ааяа сад̇ияаа бад̇иссад̇о сад̇огаарий. анубуб̣б̣знаад̇и сийлаад̣̇ивисуд̣̇д̇хибадибаадияаа, д̇ад̇т̇а жа вибассанаабадибаадияаа жзва маг̇г̇абадибаадияаа жа. саб̣б̣асам̣яож̇анагкаяанд̇и гаамарааг̇асам̣яож̇анаад̣̇ийнам̣ саб̣б̣зсам̣ сам̣яож̇анаанам̣ кзбанад̇о саб̣б̣асам̣яож̇анагкаяасан̇каад̇асса арияамаг̇г̇асса барияосаанабхууд̇ам̣ арахад̇д̇ам̣, д̇асса аарамман̣абхууд̇ам̣ ниб̣б̣аанамзва ваа. баабун̣з ад̇хиг̇ажчзяяаад̇и ад̇т̇о. ид̇и имзсу д̣̇вийсу суд̇д̇зсу арияамаг̇г̇аад̇хиг̇амасса сад̇т̇аараа бад̇хаанан̇г̇ам̣ наама г̇ахид̇анд̇и взд̣̇ид̇аб̣б̣ам̣.
Gāthāya sappatissoti patissavasaṅkhātena saha patissenāti sappatisso, kalyāṇamittassa ovādaṃ sirasā sampaṭicchako subbacoti attho. Atha vā hitasukhe patiṭṭhāpanena pati isetīti patisso, ovādadāyako. Garuādarayogena tena patissena saha vattatīti sappatisso, garūsu garucittīkārabahulo. Sagāravoti chabbidhenapi gāravena yutto. Karaṃ mittānaṃ vacananti kalyāṇamittānaṃ ovādaṃ karonto yathovādaṃ paṭipajjanto. Sampajānoti sattaṭṭhāniyena sampajaññena samannāgato. Patissatoti kammaṭṭhānaṃ phātiṃ , gametuṃ samatthāya satiyā patissato satokārī. Anupubbenāti sīlādivisuddhipaṭipāṭiyā, tattha ca vipassanāpaṭipāṭiyā ceva maggapaṭipāṭiyā ca. Sabbasaṃyojanakkhayanti kāmarāgasaṃyojanādīnaṃ sabbesaṃ saṃyojanānaṃ khepanato sabbasaṃyojanakkhayasaṅkhātassa ariyamaggassa pariyosānabhūtaṃ arahattaṃ, tassa ārammaṇabhūtaṃ nibbānameva vā. Pāpuṇe adhigaccheyyāti attho. Iti imesu dvīsu suttesu ariyamaggādhigamassa satthārā padhānaṅgaṃ nāma gahitanti veditabbaṃ.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 7. д̣̇уд̇ияасзкасуд̇д̇ам̣ • 7. Dutiyasekhasuttaṃ
