| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияасзкасуд̇д̇аван̣н̣анаа
10. Dutiyasekhasuttavaṇṇanā
90. д̣̇асамз ад̇ибаад̇оваад̇и саб̣б̣арад̇д̇им̣ нид̣̇д̣̇ааяид̇ваа б̣алавабажжуусз годисаммун̃ж̇анияаа т̇огам̣ саммаж̇ж̇ид̇ваа мукам̣ д̇ховид̇ваа яааг̇убхигкад̇т̇ааяа баад̇ова бависад̇и. д̇ам̣ ад̇иггамид̇ваад̇и г̇ихисам̣саг̇г̇авасзна гаалам̣ вийд̇инаамзнд̇о маж̇жханхигасамаяам̣ ад̇иггамид̇ваа баггамад̇и. баад̇оязва хи г̇аамам̣ бависид̇ваа яааг̇ум̣ аад̣̇ааяа аасанасаалам̣ г̇анд̇ваа бивид̇ваа згасмим̣ таанз нибанно нид̣̇д̣̇ааяид̇ваа мануссаанам̣ бхож̇анавзлааяа ‘‘бан̣ийд̇абхигкам̣ лабхиссаамий’’д̇и убагадтз маж̇жханхигз удтааяа д̇хаммагаран̣зна уд̣̇агам̣ г̇ахзд̇ваа агкийни бун̃чид̇ваа бин̣д̣ааяа жарид̇ваа яаавад̣̇ад̇т̇ам̣ бхун̃ж̇ид̇ваа г̇ихисам̣садто гаалам̣ вийд̇инаамзд̇ваа маж̇жханхз вийд̇ивад̇д̇з бадиггамад̇и.
90. Dasame atipātovāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhatthāya pātova pavisati. Taṃ atikkamitvāti gihisaṃsaggavasena kālaṃ vītināmento majjhanhikasamayaṃ atikkamitvā pakkamati. Pātoyeva hi gāmaṃ pavisitvā yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā manussānaṃ bhojanavelāya ‘‘paṇītabhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni puñchitvā piṇḍāya caritvā yāvadatthaṃ bhuñjitvā gihisaṃsaṭṭho kālaṃ vītināmetvā majjhanhe vītivatte paṭikkamati.
аббижчагат̇аад̇и, ‘‘аавусо, ад̇рижчад̇аа баабижчад̇аад̇и имз д̇хаммаа бахаад̇аб̣б̣аа’’д̇и д̇зсу аад̣̇ийнавам̣ д̣̇ассзд̇ваа ‘‘зваруубам̣ аббижчад̇ам̣ самаад̣̇ааяа вад̇д̇ид̇аб̣б̣а’’нд̇иаад̣̇инаяаббавад̇д̇аа гат̇аа. д̇ийхи вивзгзхийд̇и гааяавивзго, жид̇д̇авивзго, убад̇хививзгод̇и имзхи д̇ийхи вивзгзхи. д̇ад̇т̇а зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго жан̇гамам̣ ад̇хидтаад̇и, зго жарад̇и, зго вихарад̇ийд̇и аяам̣ гааяавивзго наама. адта самаабад̇д̇ияо бана жид̇д̇авивзго наама. ниб̣б̣аанам̣ убад̇хививзго наама. вуд̇д̇амби хзд̇ам̣ – ‘‘гааяавивзго жа вивзгадтагааяаанам̣ нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 57). д̣̇увид̇хам̣ вийрияанд̇и гааяигам̣, жзд̇асиган̃жа вийрияам̣. сийланд̇и жад̇убаарисуд̣̇д̇хисийлам̣. самаад̇хинд̇и вибассанаабаад̣̇агаа адта самаабад̇д̇ияо. вимуд̇д̇игат̇аад̇и ваа арияапалам̣ аараб̣бха бавад̇д̇аа гат̇аа. сзсам̣ уд̇д̇аанамзва.
Appicchakathāti, ‘‘āvuso, atricchatā pāpicchatāti ime dhammā pahātabbā’’ti tesu ādīnavaṃ dassetvā ‘‘evarūpaṃ appicchataṃ samādāya vattitabba’’ntiādinayappavattā kathā. Tīhi vivekehīti kāyaviveko, cittaviveko, upadhivivekoti imehi tīhi vivekehi. Tattha eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko caṅkamaṃ adhiṭṭhāti, eko carati, eko viharatīti ayaṃ kāyaviveko nāma. Aṭṭha samāpattiyo pana cittaviveko nāma. Nibbānaṃ upadhiviveko nāma. Vuttampi hetaṃ – ‘‘kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 57). Duvidhaṃ vīriyanti kāyikaṃ, cetasikañca vīriyaṃ. Sīlanti catupārisuddhisīlaṃ. Samādhinti vipassanāpādakā aṭṭha samāpattiyo. Vimuttikathāti vā ariyaphalaṃ ārabbha pavattā kathā. Sesaṃ uttānameva.
д̣̇уд̇ияасзкасуд̇д̇аван̣н̣анаа нидтид̇аа.
Dutiyasekhasuttavaṇṇanā niṭṭhitā.
т̇зраваг̇г̇аван̣н̣анаа нидтид̇аа.
Theravaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияасзкасуд̇д̇ам̣ • 10. Dutiyasekhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияасзкасуд̇д̇аван̣н̣анаа • 10. Dutiyasekhasuttavaṇṇanā
