| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. ทุติยเสขสุตฺตวณฺณนา
10. Dutiyasekhasuttavaṇṇanā
๙๐. ทสเม วิยโตฺตติ พฺยโตฺต เฉโกฯ กิํกรณีเยสูติ อิติ กตฺตเพฺพสุฯ เจโตสมถนฺติ สมาธิกมฺมฎฺฐานํฯ อนนุโลมิเกนาติ สาสนสฺส อนนุจฺฉวิเกนฯ อติกาเลนาติ อติปาโตวฯ อติทิวาติ ทิวา วุจฺจติ มชฺฌนฺหิโก, ตํ อติกฺกมิตฺวาฯ อาภิสเลฺลขิกาติ อติวิย กิเลสสเลฺลขิกาฯ เจโตวิวรณสปฺปายาติ จิตฺตวิวรณสงฺขาตานํ สมถวิปสฺสนานํ สปฺปายาฯ อปฺปิจฺฉกถาติ อปฺปิจฺฉา โหถาติ กถนกถาฯ สนฺตุฎฺฐิกถาติ จตูหิ ปจฺจเยหิ สนฺตุฎฺฐา โหถาติ กถนกถาฯ ปวิเวกกถาติ ตีหิ วิเวเกหิ วิวิตฺตา โหถาติ กถนกถาฯ อสํสคฺคกถาติ ปญฺจวิเธน สํสเคฺคน อสํสฎฺฐา โหถาติ กถนกถาฯ วีริยารมฺภกถาติ ทุวิธํ วีริยํ อารภถาติ กถนกถาฯ สีลกถาทีสุ สีลํ อารพฺภ กถา สีลกถาฯ สมาธิํ อารพฺภ, ปญฺญํ อารพฺภ, ปญฺจวิธํ วิมุตฺติํ อารพฺภ, เอกูนวีสติปจฺจเวกฺขณสงฺขาตํ วิมุตฺติญาณทสฺสนํ อารพฺภ กถา วิมุตฺติญาณทสฺสนกถาฯ น นิกามลาภีติอาทีสุ น อิจฺฉิติจฺฉิตลาภี, ทุกฺขลาภี น วิปุลลาภีติ อโตฺถฯ เสสํ อุตฺตานตฺถเมวาติฯ
90. Dasame viyattoti byatto cheko. Kiṃkaraṇīyesūti iti kattabbesu. Cetosamathanti samādhikammaṭṭhānaṃ. Ananulomikenāti sāsanassa ananucchavikena. Atikālenāti atipātova. Atidivāti divā vuccati majjhanhiko, taṃ atikkamitvā. Ābhisallekhikāti ativiya kilesasallekhikā. Cetovivaraṇasappāyāti cittavivaraṇasaṅkhātānaṃ samathavipassanānaṃ sappāyā. Appicchakathāti appicchā hothāti kathanakathā. Santuṭṭhikathāti catūhi paccayehi santuṭṭhā hothāti kathanakathā. Pavivekakathāti tīhi vivekehi vivittā hothāti kathanakathā. Asaṃsaggakathāti pañcavidhena saṃsaggena asaṃsaṭṭhā hothāti kathanakathā. Vīriyārambhakathāti duvidhaṃ vīriyaṃ ārabhathāti kathanakathā. Sīlakathādīsu sīlaṃ ārabbha kathā sīlakathā. Samādhiṃ ārabbha, paññaṃ ārabbha, pañcavidhaṃ vimuttiṃ ārabbha, ekūnavīsatipaccavekkhaṇasaṅkhātaṃ vimuttiñāṇadassanaṃ ārabbha kathā vimuttiñāṇadassanakathā. Na nikāmalābhītiādīsu na icchiticchitalābhī, dukkhalābhī na vipulalābhīti attho. Sesaṃ uttānatthamevāti.
เถรวโคฺค จตุโตฺถฯ
Theravaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. ทุติยเสขสุตฺตํ • 10. Dutiyasekhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. ทุติยเสขสุตฺตวณฺณนา • 10. Dutiyasekhasuttavaṇṇanā
