| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਦੁਤਿਯਸੇਖਸੁਤ੍ਤવਣ੍ਣਨਾ
10. Dutiyasekhasuttavaṇṇanā
੯੦. ਦਸਮੇ વਿਯਤ੍ਤੋਤਿ ਬ੍ਯਤ੍ਤੋ ਛੇਕੋ। ਕਿਂਕਰਣੀਯੇਸੂਤਿ ਇਤਿ ਕਤ੍ਤਬ੍ਬੇਸੁ। ਚੇਤੋਸਮਥਨ੍ਤਿ ਸਮਾਧਿਕਮ੍ਮਟ੍ਠਾਨਂ। ਅਨਨੁਲੋਮਿਕੇਨਾਤਿ ਸਾਸਨਸ੍ਸ ਅਨਨੁਚ੍ਛવਿਕੇਨ। ਅਤਿਕਾਲੇਨਾਤਿ ਅਤਿਪਾਤੋવ। ਅਤਿਦਿવਾਤਿ ਦਿવਾ વੁਚ੍ਚਤਿ ਮਜ੍ਝਨ੍ਹਿਕੋ, ਤਂ ਅਤਿਕ੍ਕਮਿਤ੍વਾ। ਆਭਿਸਲ੍ਲੇਖਿਕਾਤਿ ਅਤਿવਿਯ ਕਿਲੇਸਸਲ੍ਲੇਖਿਕਾ। ਚੇਤੋવਿવਰਣਸਪ੍ਪਾਯਾਤਿ ਚਿਤ੍ਤવਿવਰਣਸਙ੍ਖਾਤਾਨਂ ਸਮਥવਿਪਸ੍ਸਨਾਨਂ ਸਪ੍ਪਾਯਾ। ਅਪ੍ਪਿਚ੍ਛਕਥਾਤਿ ਅਪ੍ਪਿਚ੍ਛਾ ਹੋਥਾਤਿ ਕਥਨਕਥਾ। ਸਨ੍ਤੁਟ੍ਠਿਕਥਾਤਿ ਚਤੂਹਿ ਪਚ੍ਚਯੇਹਿ ਸਨ੍ਤੁਟ੍ਠਾ ਹੋਥਾਤਿ ਕਥਨਕਥਾ। ਪવਿવੇਕਕਥਾਤਿ ਤੀਹਿ વਿવੇਕੇਹਿ વਿવਿਤ੍ਤਾ ਹੋਥਾਤਿ ਕਥਨਕਥਾ। ਅਸਂਸਗ੍ਗਕਥਾਤਿ ਪਞ੍ਚવਿਧੇਨ ਸਂਸਗ੍ਗੇਨ ਅਸਂਸਟ੍ਠਾ ਹੋਥਾਤਿ ਕਥਨਕਥਾ। વੀਰਿਯਾਰਮ੍ਭਕਥਾਤਿ ਦੁવਿਧਂ વੀਰਿਯਂ ਆਰਭਥਾਤਿ ਕਥਨਕਥਾ। ਸੀਲਕਥਾਦੀਸੁ ਸੀਲਂ ਆਰਬ੍ਭ ਕਥਾ ਸੀਲਕਥਾ। ਸਮਾਧਿਂ ਆਰਬ੍ਭ, ਪਞ੍ਞਂ ਆਰਬ੍ਭ, ਪਞ੍ਚવਿਧਂ વਿਮੁਤ੍ਤਿਂ ਆਰਬ੍ਭ, ਏਕੂਨવੀਸਤਿਪਚ੍ਚવੇਕ੍ਖਣਸਙ੍ਖਾਤਂ વਿਮੁਤ੍ਤਿਞਾਣਦਸ੍ਸਨਂ ਆਰਬ੍ਭ ਕਥਾ વਿਮੁਤ੍ਤਿਞਾਣਦਸ੍ਸਨਕਥਾ। ਨ ਨਿਕਾਮਲਾਭੀਤਿਆਦੀਸੁ ਨ ਇਚ੍ਛਿਤਿਚ੍ਛਿਤਲਾਭੀ, ਦੁਕ੍ਖਲਾਭੀ ਨ વਿਪੁਲਲਾਭੀਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
90. Dasame viyattoti byatto cheko. Kiṃkaraṇīyesūti iti kattabbesu. Cetosamathanti samādhikammaṭṭhānaṃ. Ananulomikenāti sāsanassa ananucchavikena. Atikālenāti atipātova. Atidivāti divā vuccati majjhanhiko, taṃ atikkamitvā. Ābhisallekhikāti ativiya kilesasallekhikā. Cetovivaraṇasappāyāti cittavivaraṇasaṅkhātānaṃ samathavipassanānaṃ sappāyā. Appicchakathāti appicchā hothāti kathanakathā. Santuṭṭhikathāti catūhi paccayehi santuṭṭhā hothāti kathanakathā. Pavivekakathāti tīhi vivekehi vivittā hothāti kathanakathā. Asaṃsaggakathāti pañcavidhena saṃsaggena asaṃsaṭṭhā hothāti kathanakathā. Vīriyārambhakathāti duvidhaṃ vīriyaṃ ārabhathāti kathanakathā. Sīlakathādīsu sīlaṃ ārabbha kathā sīlakathā. Samādhiṃ ārabbha, paññaṃ ārabbha, pañcavidhaṃ vimuttiṃ ārabbha, ekūnavīsatipaccavekkhaṇasaṅkhātaṃ vimuttiñāṇadassanaṃ ārabbha kathā vimuttiñāṇadassanakathā. Na nikāmalābhītiādīsu na icchiticchitalābhī, dukkhalābhī na vipulalābhīti attho. Sesaṃ uttānatthamevāti.
ਥੇਰવਗ੍ਗੋ ਚਤੁਤ੍ਥੋ।
Theravaggo catuttho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਦੁਤਿਯਸੇਖਸੁਤ੍ਤਂ • 10. Dutiyasekhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਦੁਤਿਯਸੇਖਸੁਤ੍ਤવਣ੍ਣਨਾ • 10. Dutiyasekhasuttavaṇṇanā
