| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਦੁਤਿਯਸੇਖਸੁਤ੍ਤવਣ੍ਣਨਾ
10. Dutiyasekhasuttavaṇṇanā
੯੦. ਦਸਮੇ ਅਤਿਪਾਤੋવਾਤਿ ਸਬ੍ਬਰਤ੍ਤਿਂ ਨਿਦ੍ਦਾਯਿਤ੍વਾ ਬਲવਪਚ੍ਚੂਸੇ ਕੋਟਿਸਮ੍ਮੁਞ੍ਜਨਿਯਾ ਥੋਕਂ ਸਮ੍ਮਜ੍ਜਿਤ੍વਾ ਮੁਖਂ ਧੋવਿਤ੍વਾ ਯਾਗੁਭਿਕ੍ਖਤ੍ਥਾਯ ਪਾਤੋવ ਪવਿਸਤਿ। ਤਂ ਅਤਿਕ੍ਕਮਿਤ੍વਾਤਿ ਗਿਹਿਸਂਸਗ੍ਗવਸੇਨ ਕਾਲਂ વੀਤਿਨਾਮੇਨ੍ਤੋ ਮਜ੍ਝਨ੍ਹਿਕਸਮਯਂ ਅਤਿਕ੍ਕਮਿਤ੍વਾ ਪਕ੍ਕਮਤਿ। ਪਾਤੋਯੇવ ਹਿ ਗਾਮਂ ਪવਿਸਿਤ੍વਾ ਯਾਗੁਂ ਆਦਾਯ ਆਸਨਸਾਲਂ ਗਨ੍ਤ੍વਾ ਪਿવਿਤ੍વਾ ਏਕਸ੍ਮਿਂ ਠਾਨੇ ਨਿਪਨ੍ਨੋ ਨਿਦ੍ਦਾਯਿਤ੍વਾ ਮਨੁਸ੍ਸਾਨਂ ਭੋਜਨવੇਲਾਯ ‘‘ਪਣੀਤਭਿਕ੍ਖਂ ਲਭਿਸ੍ਸਾਮੀ’’ਤਿ ਉਪਕਟ੍ਠੇ ਮਜ੍ਝਨ੍ਹਿਕੇ ਉਟ੍ਠਾਯ ਧਮ੍ਮਕਰਣੇਨ ਉਦਕਂ ਗਹੇਤ੍વਾ ਅਕ੍ਖੀਨਿ ਪੁਞ੍ਛਿਤ੍વਾ ਪਿਣ੍ਡਾਯ ਚਰਿਤ੍વਾ ਯਾવਦਤ੍ਥਂ ਭੁਞ੍ਜਿਤ੍વਾ ਗਿਹਿਸਂਸਟ੍ਠੋ ਕਾਲਂ વੀਤਿਨਾਮੇਤ੍વਾ ਮਜ੍ਝਨ੍ਹੇ વੀਤਿવਤ੍ਤੇ ਪਟਿਕ੍ਕਮਤਿ।
90. Dasame atipātovāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhatthāya pātova pavisati. Taṃ atikkamitvāti gihisaṃsaggavasena kālaṃ vītināmento majjhanhikasamayaṃ atikkamitvā pakkamati. Pātoyeva hi gāmaṃ pavisitvā yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā manussānaṃ bhojanavelāya ‘‘paṇītabhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni puñchitvā piṇḍāya caritvā yāvadatthaṃ bhuñjitvā gihisaṃsaṭṭho kālaṃ vītināmetvā majjhanhe vītivatte paṭikkamati.
ਅਪ੍ਪਿਚ੍ਛਕਥਾਤਿ, ‘‘ਆવੁਸੋ, ਅਤ੍ਰਿਚ੍ਛਤਾ ਪਾਪਿਚ੍ਛਤਾਤਿ ਇਮੇ ਧਮ੍ਮਾ ਪਹਾਤਬ੍ਬਾ’’ਤਿ ਤੇਸੁ ਆਦੀਨવਂ ਦਸ੍ਸੇਤ੍વਾ ‘‘ਏવਰੂਪਂ ਅਪ੍ਪਿਚ੍ਛਤਂ ਸਮਾਦਾਯ વਤ੍ਤਿਤਬ੍ਬ’’ਨ੍ਤਿਆਦਿਨਯਪ੍ਪવਤ੍ਤਾ ਕਥਾ। ਤੀਹਿ વਿવੇਕੇਹੀਤਿ ਕਾਯવਿવੇਕੋ, ਚਿਤ੍ਤવਿવੇਕੋ, ਉਪਧਿવਿવੇਕੋਤਿ ਇਮੇਹਿ ਤੀਹਿ વਿવੇਕੇਹਿ। ਤਤ੍ਥ ਏਕੋ ਗਚ੍ਛਤਿ, ਏਕੋ ਤਿਟ੍ਠਤਿ, ਏਕੋ ਨਿਸੀਦਤਿ, ਏਕੋ ਸੇਯ੍ਯਂ ਕਪ੍ਪੇਤਿ, ਏਕੋ ਗਾਮਂ ਪਿਣ੍ਡਾਯ ਪવਿਸਤਿ, ਏਕੋ ਪਟਿਕ੍ਕਮਤਿ, ਏਕੋ ਚਙ੍ਕਮਂ ਅਧਿਟ੍ਠਾਤਿ, ਏਕੋ ਚਰਤਿ, ਏਕੋ વਿਹਰਤੀਤਿ ਅਯਂ ਕਾਯવਿવੇਕੋ ਨਾਮ। ਅਟ੍ਠ ਸਮਾਪਤ੍ਤਿਯੋ ਪਨ ਚਿਤ੍ਤવਿવੇਕੋ ਨਾਮ। ਨਿਬ੍ਬਾਨਂ ਉਪਧਿવਿવੇਕੋ ਨਾਮ। વੁਤ੍ਤਮ੍ਪਿ ਹੇਤਂ – ‘‘ਕਾਯવਿવੇਕੋ ਚ વਿવੇਕਟ੍ਠਕਾਯਾਨਂ ਨੇਕ੍ਖਮ੍ਮਾਭਿਰਤਾਨਂ, ਚਿਤ੍ਤવਿવੇਕੋ ਚ ਪਰਿਸੁਦ੍ਧਚਿਤ੍ਤਾਨਂ ਪਰਮવੋਦਾਨਪ੍ਪਤ੍ਤਾਨਂ, ਉਪਧਿવਿવੇਕੋ ਚ ਨਿਰੁਪਧੀਨਂ ਪੁਗ੍ਗਲਾਨਂ વਿਸਙ੍ਖਾਰਗਤਾਨ’’ਨ੍ਤਿ (ਮਹਾਨਿ॰ ੫੭)। ਦੁવਿਧਂ વੀਰਿਯਨ੍ਤਿ ਕਾਯਿਕਂ, ਚੇਤਸਿਕਞ੍ਚ વੀਰਿਯਂ। ਸੀਲਨ੍ਤਿ ਚਤੁਪਾਰਿਸੁਦ੍ਧਿਸੀਲਂ। ਸਮਾਧਿਨ੍ਤਿ વਿਪਸ੍ਸਨਾਪਾਦਕਾ ਅਟ੍ਠ ਸਮਾਪਤ੍ਤਿਯੋ। વਿਮੁਤ੍ਤਿਕਥਾਤਿ વਾ ਅਰਿਯਫਲਂ ਆਰਬ੍ਭ ਪવਤ੍ਤਾ ਕਥਾ। ਸੇਸਂ ਉਤ੍ਤਾਨਮੇવ।
Appicchakathāti, ‘‘āvuso, atricchatā pāpicchatāti ime dhammā pahātabbā’’ti tesu ādīnavaṃ dassetvā ‘‘evarūpaṃ appicchataṃ samādāya vattitabba’’ntiādinayappavattā kathā. Tīhi vivekehīti kāyaviveko, cittaviveko, upadhivivekoti imehi tīhi vivekehi. Tattha eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko caṅkamaṃ adhiṭṭhāti, eko carati, eko viharatīti ayaṃ kāyaviveko nāma. Aṭṭha samāpattiyo pana cittaviveko nāma. Nibbānaṃ upadhiviveko nāma. Vuttampi hetaṃ – ‘‘kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 57). Duvidhaṃ vīriyanti kāyikaṃ, cetasikañca vīriyaṃ. Sīlanti catupārisuddhisīlaṃ. Samādhinti vipassanāpādakā aṭṭha samāpattiyo. Vimuttikathāti vā ariyaphalaṃ ārabbha pavattā kathā. Sesaṃ uttānameva.
ਦੁਤਿਯਸੇਖਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyasekhasuttavaṇṇanā niṭṭhitā.
ਥੇਰવਗ੍ਗવਣ੍ਣਨਾ ਨਿਟ੍ਠਿਤਾ।
Theravaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਦੁਤਿਯਸੇਖਸੁਤ੍ਤਂ • 10. Dutiyasekhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਦੁਤਿਯਸੇਖਸੁਤ੍ਤવਣ੍ਣਨਾ • 10. Dutiyasekhasuttavaṇṇanā
