| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. д̣̇уд̇ияасзнаасанасигкаабад̣̇ам̣
5. Dutiyasenāsanasikkhāpadaṃ
116. бан̃жамз ман̃жагабхисийд̇и ман̃жз ад̇т̇арид̇аб̣б̣о ман̃жаго, соязва бхисийд̇и ман̃жагабхиси. звам̣ бийтагабхисиби. баавааро гож̇авод̇и д̣̇взязва бажжад̇т̇аран̣анд̇и вуд̇д̇аад̇и ааха ‘‘баавааро’’д̇иаад̣̇и. вуд̇д̇анд̇и адтагат̇аасу вуд̇д̇ам̣. д̣̇уд̇ияаад̇иггамзд̇и д̣̇уд̇ияабаад̣̇аад̇иггамз. сзнаасанад̇од̇и сажз згам̣ сзнаасанам̣ ход̇и, д̇ад̇о. ат̇а б̣ахууни сзнаасанаани хонд̇и, саб̣б̣абажчимасзнаасанад̇о. зго лзд̣д̣убаад̇о сзнаасанасса убажааро ход̇и, зго баригкзбаараход̇и ааха ‘‘д̣̇вз лзд̣д̣убаад̇аа’’д̇и.
116. Pañcame mañcakabhisīti mañce attharitabbo mañcako, soyeva bhisīti mañcakabhisi. Evaṃ pīṭhakabhisipi. Pāvāro kojavoti dveyeva paccattharaṇanti vuttāti āha ‘‘pāvāro’’tiādi. Vuttanti aṭṭhakathāsu vuttaṃ. Dutiyātikkameti dutiyapādātikkame. Senāsanatoti sace ekaṃ senāsanaṃ hoti, tato. Atha bahūni senāsanāni honti, sabbapacchimasenāsanato. Eko leḍḍupāto senāsanassa upacāro hoti, eko parikkhepārahoti āha ‘‘dve leḍḍupātā’’ti.
сажз бхигку, сааман̣зро, аараамиго жаад̇и д̇аяо хонд̇и, бхигкум̣ анаабужчид̇ваа сааман̣зро ваа аараамиго ваа на аабужчид̇аб̣б̣о. ат̇а сааман̣зро, аараамиго жаад̇и д̣̇вз хонд̇и, сааман̣зрам̣ анаабужчид̇ваа аараамигова на аабужчид̇аб̣б̣од̇и д̣̇ассзнд̇о ааха ‘‘бхигкумхи сад̇ий’’д̇иаад̣̇и. д̇ийсуби асанд̇зсу аабужчид̇аб̣б̣авид̇хим̣ д̣̇ассзд̇ум̣ вуд̇д̇ам̣ ‘‘д̇асмимби асад̇ий’’д̇иаад̣̇и. язнаад̇и убаасагзна, ‘‘гаарид̇о’’д̇и бад̣̇з гад̇д̇аа. д̇ассаад̇и вихаарасаамигасса. д̇асмимби асад̇и г̇анд̇аб̣б̣анд̇и яож̇анаа. баасаан̣зсууд̇и баасаан̣апалагзсу. сажз уссахад̇ийд̇и сажз саггод̇и. уссаханд̇зна бхигкунаа табзд̇аб̣б̣анд̇и яож̇анаа. д̇збийд̇и убаасагааби, на самбадижчанд̇ийд̇и самб̣анд̇хо. д̇ад̇т̇аад̇и д̣̇аарубхан̣д̣аад̣̇ийсу.
Sace bhikkhu, sāmaṇero, ārāmiko cāti tayo honti, bhikkhuṃ anāpucchitvā sāmaṇero vā ārāmiko vā na āpucchitabbo. Atha sāmaṇero, ārāmiko cāti dve honti, sāmaṇeraṃ anāpucchitvā ārāmikova na āpucchitabboti dassento āha ‘‘bhikkhumhi satī’’tiādi. Tīsupi asantesu āpucchitabbavidhiṃ dassetuṃ vuttaṃ ‘‘tasmimpi asatī’’tiādi. Yenāti upāsakena, ‘‘kārito’’ti pade kattā. Tassāti vihārasāmikassa. Tasmimpi asati gantabbanti yojanā. Pāsāṇesūti pāsāṇaphalakesu. Sace ussahatīti sace sakkoti. Ussahantena bhikkhunā ṭhapetabbanti yojanā. Tepīti upāsakāpi, na sampaṭicchantīti sambandho. Tatthāti dārubhaṇḍādīsu.
барижчзд̣̇аагаарзна взн̣ийяад̇и д̣̇иссад̇ийд̇и баривзн̣ам̣. ‘‘ат̇а ко’’д̇и бад̣̇ам̣ ‘‘взд̣̇ид̇аб̣б̣а’’нд̇и бад̣̇з аружилагкан̣ам̣. ‘‘аасаннз’’д̇и иминаа убажаарасад̣̇д̣̇асса убадтаанад̇т̇аан̃н̃аробанад̇т̇з нивад̇д̇зд̇и. яасмаа ваммигараасиязва ход̇и, д̇асмаад̇и яож̇анаа. убажинанд̇ийд̇и убажигаа, д̇аахи нимид̇д̇абхууд̇аахи балуж̇ж̇ад̇и нассад̇ийд̇и ад̇т̇о. сзнаасананд̇и вихаарам̣. кааяид̇унд̇и каад̣̇ид̇ум̣, аяамзва ваа баато. д̇анд̇и ман̃жабийтам̣. ман̃жабийтам̣ вихаарз абан̃н̃абзд̇ваа вихааруубажаарз бан̃н̃аабанасса висзсапалам̣ д̣̇ассзд̇ум̣ ааха ‘‘вихааруубажаарз банаа’’д̇иаад̣̇и. вихааруубажаарз бан̃н̃абид̇анд̇и самб̣анд̇хо.
Paricchedākārena veṇīyati dissatīti pariveṇaṃ. ‘‘Atha kho’’ti padaṃ ‘‘veditabba’’nti pade arucilakkhaṇaṃ. ‘‘Āsanne’’ti iminā upacārasaddassa upaṭṭhānatthaaññaropanatthe nivatteti. Yasmā vammikarāsiyeva hoti, tasmāti yojanā. Upacinantīti upacikā, tāhi nimittabhūtāhi palujjati nassatīti attho. Senāsananti vihāraṃ. Khāyitunti khādituṃ, ayameva vā pāṭho. Tanti mañcapīṭhaṃ. Mañcapīṭhaṃ vihāre apaññapetvā vihārūpacāre paññāpanassa visesaphalaṃ dassetuṃ āha ‘‘vihārūpacāre panā’’tiādi. Vihārūpacāre paññapitanti sambandho.
118. ‘‘г̇ажчанд̇знаа’’д̇и бад̣̇ам̣ ‘‘г̇анд̇аб̣б̣а’’нд̇и бад̣̇з гад̇д̇аа. д̇ат̇зваад̇и яат̇аа буримабхигку гарод̇и, д̇ат̇зва. васанд̇зна бхигкунаа бадисаамзд̇аб̣б̣анд̇и яож̇анаа. рад̇д̇идтаананд̇и рад̇д̇им̣ васанадтаанам̣.
118. ‘‘Gacchantenā’’ti padaṃ ‘‘gantabba’’nti pade kattā. Tathevāti yathā purimabhikkhu karoti, tatheva. Vasantena bhikkhunā paṭisāmetabbanti yojanā. Rattiṭṭhānanti rattiṃ vasanaṭṭhānaṃ.
яаа д̣̇ийгхасаалаа ваа яаа бан̣н̣асаалаа ваа убажигаанам̣ удтаанадтаанам̣ ход̇и, д̇ад̇од̇и яож̇анаа. д̇асминд̇и д̣̇ийгхасаалаад̣̇игз. хийд̇и сажжам̣ , яасмаа ваа, санд̇идтанд̇ийд̇и самб̣анд̇хо. силужжаяод̇и баб̣б̣ад̇о, д̇асмим̣ лзн̣ам̣ силужжаяалзн̣ам̣, баб̣б̣ад̇аг̇ухаад̇и ад̇т̇о. убажигаасан̇гаад̇и убажигаанам̣ удтаанадтаананд̇и аасан̇гаа. д̇ад̇од̇и баасаан̣абидтияам̣ ваа баасаан̣ат̇амбхзсу ваа гад̇асзнаасанаад̣̇ид̇о. ааг̇анд̇уго яо бхигку анувад̇д̇анд̇о васад̇ийд̇и самб̣анд̇хо. сод̇и ааг̇анд̇уго бхигку. буна сод̇и ааг̇анд̇уго бхигкуязва. д̇ад̇од̇и г̇ахзд̇ваа иссариязна васанад̇о. убхобийд̇и ааваасигоби ааг̇анд̇угоби д̣̇вз бхигкуу. д̇зсууд̇и д̣̇вийсу д̇ийсу. бажчимассаад̇и саб̣б̣абажчимасса. аабхог̇знаад̇и аабхог̇амад̇д̇зна муд̇д̇и над̇т̇и, аабужчид̇аб̣б̣амзваад̇и ад̇хиббааяо. ан̃н̃ад̇од̇и ан̃н̃ааваасад̇о. ан̃н̃ад̇раад̇и ан̃н̃асмим̣ ааваасз. д̇ад̇т̇зваад̇и аанийд̇ааваасзязва. д̇знаад̇и вуд̣дхад̇арзна, ‘‘самбадижчид̇з’’д̇и бад̣̇з гад̇д̇аа. самбадижчид̇зд̇и вуд̣дхад̇арзна самбадижчид̇зби ид̇арасса г̇анд̇ум̣ ваддад̇и аабужчид̇ад̇д̇аад̇и вад̣̇анд̇и. надтам̣ ваад̇и надтз ваа сзнаасанз сад̇и г̇ийваа на ход̇ийд̇и яож̇анаа. ан̃н̃ассаад̇и ависсаасигабуг̇г̇аласса. надтаанийд̇и надтзсу ман̃жабийтзсу санд̇зсу.
Yā dīghasālā vā yā paṇṇasālā vā upacikānaṃ uṭṭhānaṭṭhānaṃ hoti, tatoti yojanā. Tasminti dīghasālādike. Hīti saccaṃ , yasmā vā, santiṭṭhantīti sambandho. Siluccayoti pabbato, tasmiṃ leṇaṃ siluccayaleṇaṃ, pabbataguhāti attho. Upacikāsaṅkāti upacikānaṃ uṭṭhānaṭṭhānanti āsaṅkā. Tatoti pāsāṇapiṭṭhiyaṃ vā pāsāṇathambhesu vā katasenāsanādito. Āgantuko yo bhikkhu anuvattanto vasatīti sambandho. Soti āgantuko bhikkhu. Puna soti āgantuko bhikkhuyeva. Tatoti gahetvā issariyena vasanato. Ubhopīti āvāsikopi āgantukopi dve bhikkhū. Tesūti dvīsu tīsu. Pacchimassāti sabbapacchimassa. Ābhogenāti ābhogamattena mutti natthi, āpucchitabbamevāti adhippāyo. Aññatoti aññāvāsato. Aññatrāti aññasmiṃ āvāse. Tatthevāti ānītāvāseyeva. Tenāti vuḍḍhatarena, ‘‘sampaṭicchite’’ti pade kattā. Sampaṭicchiteti vuḍḍhatarena sampaṭicchitepi itarassa gantuṃ vaṭṭati āpucchitattāti vadanti. Naṭṭhaṃ vāti naṭṭhe vā senāsane sati gīvā na hotīti yojanā. Aññassāti avissāsikapuggalassa. Naṭṭhānīti naṭṭhesu mañcapīṭhesu santesu.
вуд̣дхад̇аро бхигку жа иссарияо жа яагко жа сийхо жа ваал̣амиг̇о жа ган̣хасаббо жа вуд̣дха…бз… ган̣хасаббаа, д̇з аад̣̇аяо язсам̣ д̇зд̇и вуд̣дха…бз… ган̣хасаббаад̣̇аяо, д̇зсу. аад̣̇исад̣̇д̣̇зна бзд̇аад̣̇аяо сан̇г̇ан̣хаад̇и. яад̇т̇аад̇и яасмим̣ таанз. ассаад̇и бхигкуно. ‘‘балиб̣уд̣̇д̇хо’’д̇и бад̣̇асса ад̇т̇ам̣ д̣̇ассзд̇ум̣ вуд̇д̇ам̣ ‘‘убад̣̇д̣̇уд̇о’’д̇и. бан̃жамам̣.
Vuḍḍhataro bhikkhu ca issariyo ca yakkho ca sīho ca vāḷamigo ca kaṇhasappo ca vuḍḍha…pe… kaṇhasappā, te ādayo yesaṃ teti vuḍḍha…pe… kaṇhasappādayo, tesu. Ādisaddena petādayo saṅgaṇhāti. Yatthāti yasmiṃ ṭhāne. Assāti bhikkhuno. ‘‘Palibuddho’’ti padassa atthaṃ dassetuṃ vuttaṃ ‘‘upadduto’’ti. Pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
