| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. д̣̇уд̇ияасзнаасанасигкаабад̣̇аван̣н̣анаа
5. Dutiyasenāsanasikkhāpadavaṇṇanā
яам̣ гин̃жи жамманд̇и габбияаагаббияам̣ яам̣ гин̃жи жаммам̣. нану ‘‘на, бхигкавз, махаажаммаани д̇хаарзд̇аб̣б̣аани сийхажаммам̣ б̣яаг̇гхажаммам̣ д̣̇ийбижаммам̣, яо д̇хаарзяяа, аабад̇д̇и д̣̇уггадассаа’’д̇и (махаава. 255) канд̇хагз сийхажаммаад̣̇ийнам̣ бадигкзбо гад̇од̇и ааха ‘‘сийхажаммаад̣̇ийнан̃хий’’д̇иаад̣̇и. барихаран̣зязва бадигкзбод̇и ад̇д̇ано санд̇агам̣ гад̇ваа д̇ам̣ д̇ам̣ вихаарам̣ харид̇ваа ман̃жабийтаад̣̇ийсу ад̇т̇арид̇ваа барибхог̇зязва бадигкзбо, сзнаасанасанд̇агам̣ гад̇ваа бхуумад̇т̇аран̣авасзна бана барибхог̇з нзвад̇т̇и д̣̇осо. д̇знааха ‘‘сзнаасанабарибхог̇з бана агаббияажаммам̣ наама над̇т̇ий’’д̇и. бааваарзнд̇и сан̃чаад̣̇знд̇и сарийрам̣ зд̇знаад̇и баавааро. гож̇авод̇и уд̣̇д̣̇аломизганд̇аломиаад̣̇игож̇авад̇т̇аран̣ам̣. сзсанд̇и бхиси нисийд̣̇анам̣ д̇ин̣асант̇ааро бан̣н̣асант̇аарод̇и авасидтам̣ сзнаасанам̣. д̇ад̇т̇а бхисийд̇и ман̃жагабхиси ваа бийтагабхиси ваа. нисийд̣̇ананд̇и сад̣̇асам̣ взд̣̇ид̇аб̣б̣ам̣. д̇ин̣асант̇аарод̇и язсам̣ гзсан̃жи д̇ин̣аанам̣ сант̇ааро. зса наяо бан̣н̣асант̇аарз. зд̇т̇а жа бхиси хздтаа вуд̇д̇ад̇д̇аа баагадаа. нисийд̣̇анам̣ нисийд̣̇анасигкаабад̣̇знзва (баажи. 531 аад̣̇аяо) баагадам̣. д̇ин̣асант̇аарабан̣н̣асант̇аараани бана логабасид̣̇д̇хааниязва. д̇знзвааха ‘‘баагадамзваа’’д̇и.
Yaṃkiñci cammanti kappiyākappiyaṃ yaṃ kiñci cammaṃ. Nanu ‘‘na, bhikkhave, mahācammāni dhāretabbāni sīhacammaṃ byagghacammaṃ dīpicammaṃ, yo dhāreyya, āpatti dukkaṭassā’’ti (mahāva. 255) khandhake sīhacammādīnaṃ paṭikkhepo katoti āha ‘‘sīhacammādīnañhī’’tiādi. Pariharaṇeyeva paṭikkhepoti attano santakaṃ katvā taṃ taṃ vihāraṃ haritvā mañcapīṭhādīsu attharitvā paribhogeyeva paṭikkhepo, senāsanasantakaṃ katvā bhūmattharaṇavasena pana paribhoge nevatthi doso. Tenāha ‘‘senāsanaparibhoge pana akappiyacammaṃ nāma natthī’’ti. Pāvārenti sañchādenti sarīraṃ etenāti pāvāro. Kojavoti uddalomiekantalomiādikojavattharaṇaṃ. Sesanti bhisi nisīdanaṃ tiṇasanthāro paṇṇasanthāroti avasiṭṭhaṃ senāsanaṃ. Tattha bhisīti mañcakabhisi vā pīṭhakabhisi vā. Nisīdananti sadasaṃ veditabbaṃ. Tiṇasanthāroti yesaṃ kesañci tiṇānaṃ santhāro. Esa nayo paṇṇasanthāre. Ettha ca bhisi heṭṭhā vuttattā pākaṭā. Nisīdanaṃ nisīdanasikkhāpadeneva (pāci. 531 ādayo) pākaṭaṃ. Tiṇasanthārapaṇṇasanthārāni pana lokapasiddhāniyeva. Tenevāha ‘‘pākaṭamevā’’ti.
нзва уд̣̇д̇харзяяа, на уд̣̇д̇хараабзяяаад̇и ад̇д̇анаа ваа уд̣̇д̇харид̇ваа бад̇ируубз таанз на табзяяа, барзна ваа д̇ат̇аа на гаарзяяа. д̇знааха ‘‘яат̇аа табид̇а’’нд̇иаад̣̇и. д̇ам̣ табзнд̇зна жа ‘‘жад̇уусу баасаан̣зсуу’’д̇иаад̣̇инаа (баажи. адта. 116) буб̣б̣з вуд̇д̇анаязнзва анд̇ог̇зхз ановассагз нигкибид̇аб̣б̣ам̣. сажз бана сзнаасанам̣ овассад̇и, чад̣̇анад̇т̇ан̃жа д̇ин̣ам̣ ваа идтагаа ваа аанийд̇аа хонд̇и. сажз уссахад̇и, чаад̣̇зд̇аб̣б̣ам̣. но жз саггод̇и, яо огаасо ановассаго, д̇ад̇т̇а нигкибид̇аб̣б̣ам̣. сажз саб̣б̣амби овассад̇и, уссаханд̇зна анд̇ог̇аамз убаасагаанам̣ гхарз табзд̇аб̣б̣ам̣. сажз д̇зби ‘‘сан̇гхигам̣ наама, бханд̇з, бхаарияам̣, аг̇г̇ид̣̇аахаад̣̇ийнам̣ бхааяаамаа’’д̇и на самбадижчанд̇и, аж̇жхогаасз баасаан̣аанам̣ убари ман̃жам̣ табзд̇ваа сзсам̣ буб̣б̣з вуд̇д̇анаязнзва нигкибид̇ваа д̇ин̣зхи жа бан̣н̣зхи жа бадижчаад̣̇зд̇аб̣б̣ам̣. яан̃хи д̇ад̇т̇а ан̇г̇амад̇д̇амби авасиссад̇и, д̇ам̣ ан̃н̃зсам̣ д̇ад̇т̇а ааг̇ад̇аанам̣ бхигкуунам̣ убагаарам̣ бхависсад̇ийд̇и. убажааранд̇и саб̣б̣абажчимасзнаасанад̇о д̣̇вз лзд̣д̣убаад̇аа.
Neva uddhareyya, na uddharāpeyyāti attanā vā uddharitvā patirūpe ṭhāne na ṭhapeyya, parena vā tathā na kāreyya. Tenāha ‘‘yathā ṭhapita’’ntiādi. Taṃ ṭhapentena ca ‘‘catūsu pāsāṇesū’’tiādinā (pāci. aṭṭha. 116) pubbe vuttanayeneva antogehe anovassake nikkhipitabbaṃ. Sace pana senāsanaṃ ovassati, chadanatthañca tiṇaṃ vā iṭṭhakā vā ānītā honti. Sace ussahati, chādetabbaṃ. No ce sakkoti, yo okāso anovassako, tattha nikkhipitabbaṃ. Sace sabbampi ovassati, ussahantena antogāme upāsakānaṃ ghare ṭhapetabbaṃ. Sace tepi ‘‘saṅghikaṃ nāma, bhante, bhāriyaṃ, aggidāhādīnaṃ bhāyāmā’’ti na sampaṭicchanti, ajjhokāse pāsāṇānaṃ upari mañcaṃ ṭhapetvā sesaṃ pubbe vuttanayeneva nikkhipitvā tiṇehi ca paṇṇehi ca paṭicchādetabbaṃ. Yañhi tattha aṅgamattampi avasissati, taṃ aññesaṃ tattha āgatānaṃ bhikkhūnaṃ upakāraṃ bhavissatīti. Upacāranti sabbapacchimasenāsanato dve leḍḍupātā.
аяамзд̇т̇а аабужчид̇аб̣б̣аанаабужчид̇аб̣б̣авинижчаяо – (баажи. адта. 118) яаа д̇аава бхуумияам̣ д̣̇ийгхасаалаа ваа бан̣н̣асаалаа ваа ход̇и, яам̣ ваа ругкад̇т̇амбхзсу гад̇аг̇зхам̣ убажигаанам̣ удтаанадтаанам̣ ход̇и, д̇ад̇о баггаманд̇зна аабужчид̇ваава баггамид̇аб̣б̣ам̣. д̇асмин̃хи гад̇ибаяаани д̣̇ивасаани аж̇аг̇г̇ияамаанз ваммигаава санд̇идтанд̇и. яам̣ бана баасаан̣абидтияам̣ ваа баасаан̣ад̇т̇амбхзсу ваа гад̇асзнаасанам̣ силужжаяалзн̣ам̣ ваа суд̇хаалид̇д̇асзнаасанам̣ ваа, яад̇т̇а убажигаасан̇гаа над̇т̇и, д̇ад̇о баггаманд̇асса аабужчид̇вааби анаабужчид̇вааби г̇анд̇ум̣ ваддад̇и. д̇знааха ‘‘яад̇т̇а банаа’’д̇иаад̣̇и. сажз д̇аад̣̇исзби сзнаасанз згзна бассзна убажигаа аароханд̇и, аабужчид̇ваава г̇анд̇аб̣б̣ам̣. аабужчанам̣ бана вад̇д̇анд̇и аабужчанам̣ г̇амигавад̇д̇ам̣. ид̣̇ан̃жа ид̇игад̇д̇аб̣б̣ад̇аад̣̇ассанад̇т̇ам̣ вуд̇д̇ам̣, на бана вад̇д̇абхзд̣̇ад̣̇уггаданд̇и (саарад̇т̇а. дий. баажид̇д̇ияа 3.118) д̣̇ассанад̇т̇ам̣. гзжи бана ‘‘д̣̇уггаданд̇и д̣̇ассанад̇т̇а’’нд̇и вад̣̇анд̇и, д̇ам̣ на яуж̇ж̇ад̇и вад̇д̇агканд̇хагадтагат̇ааяа ‘‘яам̣ баасаан̣абидтияам̣ ваа баасаан̣ад̇т̇амбхзсу ваа гад̇асзнаасанам̣, яад̇т̇а убажигаанаароханд̇и, д̇ам̣ анаабужчанд̇ассааби анаабад̇д̇ий’’д̇и (жуул̣ава. адта. 360) вуд̇д̇ад̇д̇аа. аабужчанд̇зна бана бхигкумхи (баажи. адта. 116) сад̇и бхигку аабужчид̇аб̣б̣о, д̇асмим̣ асад̇и сааман̣зро, д̇асмим̣ асад̇и аараамиго, д̇асмимби асад̇и язна вихааро гаараабид̇о, со вихаарасаамиго, д̇асса ваа гулз яо гожи аабужчид̇аб̣б̣о.
Ayamettha āpucchitabbānāpucchitabbavinicchayo – (pāci. aṭṭha. 118) yā tāva bhūmiyaṃ dīghasālā vā paṇṇasālā vā hoti, yaṃ vā rukkhatthambhesu katagehaṃ upacikānaṃ uṭṭhānaṭṭhānaṃ hoti, tato pakkamantena āpucchitvāva pakkamitabbaṃ. Tasmiñhi katipayāni divasāni ajaggiyamāne vammikāva santiṭṭhanti. Yaṃ pana pāsāṇapiṭṭhiyaṃ vā pāsāṇatthambhesu vā katasenāsanaṃ siluccayaleṇaṃ vā sudhālittasenāsanaṃ vā, yattha upacikāsaṅkā natthi, tato pakkamantassa āpucchitvāpi anāpucchitvāpi gantuṃ vaṭṭati. Tenāha ‘‘yattha panā’’tiādi. Sace tādisepi senāsane ekena passena upacikā ārohanti, āpucchitvāva gantabbaṃ. Āpucchanaṃ pana vattanti āpucchanaṃ gamikavattaṃ. Idañca itikattabbatādassanatthaṃ vuttaṃ, na pana vattabhedadukkaṭanti (sārattha. ṭī. pācittiya 3.118) dassanatthaṃ. Keci pana ‘‘dukkaṭanti dassanattha’’nti vadanti, taṃ na yujjati vattakkhandhakaṭṭhakathāya ‘‘yaṃ pāsāṇapiṭṭhiyaṃ vā pāsāṇatthambhesu vā katasenāsanaṃ, yattha upacikānārohanti, taṃ anāpucchantassāpi anāpattī’’ti (cūḷava. aṭṭha. 360) vuttattā. Āpucchantena pana bhikkhumhi (pāci. aṭṭha. 116) sati bhikkhu āpucchitabbo, tasmiṃ asati sāmaṇero, tasmiṃ asati ārāmiko, tasmimpi asati yena vihāro kārāpito, so vihārasāmiko, tassa vā kule yo koci āpucchitabbo.
‘‘убажаарз’’д̇и зд̇ассзва виваран̣ам̣ ‘‘б̣ахи аасаннз’’д̇и, вихаарасса б̣ахи аасаннадтаанзд̇и ад̇т̇о. убадтаанасаалааяа ваад̇и бхож̇анасаалааяам̣ ваа. д̣̇уггадамзваад̇и вуд̇д̇аббагааран̃хи д̣̇асавид̇хам̣ сзяяам̣ анд̇ог̇аб̣бхаад̣̇имхи г̇уд̇д̇адтаанз бан̃н̃абзд̇ваа г̇ажчанд̇асса яасмаа сзяяааби сзнаасанамби убажигаахи балуж̇ж̇ад̇и, ваммигараасиязва ход̇и, д̇асмаа баажид̇д̇ияам̣ вуд̇д̇ам̣. б̣ахи бана убадтаанасаалаад̣̇ийсу бан̃н̃абзд̇ваа г̇ажчанд̇асса сзяяаамад̇д̇амзва нассзяяа таанасса аг̇уд̇д̇ад̇ааяа, на сзнаасанам̣, д̇асмаа зд̇т̇а д̣̇уггадам̣ вуд̇д̇ам̣. ман̃жабийтам̣ бана яасмаа на саггаа сахасаа убажигаахи кааяид̇ум̣, д̇асмаа д̇ам̣ вихаарзби сант̇арид̇ваа г̇ажчанд̇асса д̣̇уггадам̣ вуд̇д̇ам̣. вихааруубажаарз бана д̇ам̣ вихааражааригам̣ аахин̣д̣анд̇аа д̣̇исваава бадисаамзнд̇и.
‘‘Upacāre’’ti etasseva vivaraṇaṃ ‘‘bahi āsanne’’ti, vihārassa bahi āsannaṭṭhāneti attho. Upaṭṭhānasālāya vāti bhojanasālāyaṃ vā. Dukkaṭamevāti vuttappakārañhi dasavidhaṃ seyyaṃ antogabbhādimhi guttaṭṭhāne paññapetvā gacchantassa yasmā seyyāpi senāsanampi upacikāhi palujjati, vammikarāsiyeva hoti, tasmā pācittiyaṃ vuttaṃ. Bahi pana upaṭṭhānasālādīsu paññapetvā gacchantassa seyyāmattameva nasseyya ṭhānassa aguttatāya, na senāsanaṃ, tasmā ettha dukkaṭaṃ vuttaṃ. Mañcapīṭhaṃ pana yasmā na sakkā sahasā upacikāhi khāyituṃ, tasmā taṃ vihārepi santharitvā gacchantassa dukkaṭaṃ vuttaṃ. Vihārūpacāre pana taṃ vihāracārikaṃ āhiṇḍantā disvāva paṭisāmenti.
уд̣̇д̇харан̣аани гад̇ваад̇и зд̇т̇а уд̣̇д̇харид̇ваа г̇ажчанд̇зна ман̃жабийтагаваанам̣ саб̣б̣ам̣ абанзд̇ваа (баажи. адта. 118) сам̣харид̇ваа жийваравам̣сз лаг̇г̇зд̇ваа г̇анд̇аб̣б̣ам̣. бажчаа ааг̇анд̇ваа васанагабхигкунааби буна ман̃жабийтам̣ ваа бан̃н̃абзд̇ваа саяид̇ваа г̇ажчанд̇зна д̇ат̇зва гаад̇аб̣б̣ам̣. анд̇огуддад̇о сзяяам̣ б̣ахигуддз бан̃н̃абзд̇ваа васанд̇зна г̇аманагаалз буна г̇ахид̇адтаанзязва бадисаамзд̇аб̣б̣ам̣. убарибаасаад̣̇ад̇о оробзд̇ваа хздтаабаасаад̣̇з васанд̇ассааби зсзва наяо. рад̇д̇идтаанад̣̇иваадтаанзсу ман̃жабийтам̣ бан̃н̃абзд̇вааби г̇аманагаалз буна г̇ахид̇адтаанзязва табзд̇аб̣б̣ам̣. уд̣̇д̇хараабзд̇ваа г̇аманзби зсзва наяо. аабужчид̇ваа г̇ажчанд̇зна бана ‘‘бхигкумхи сад̇и бхигку аабужчид̇аб̣б̣о’’д̇иаад̣̇инаа (баажи. адта. 116) хздтаа вуд̇д̇анаязнзва аабужчид̇ваа г̇анд̇аб̣б̣ам̣.
Uddharaṇāni katvāti ettha uddharitvā gacchantena mañcapīṭhakavānaṃ sabbaṃ apanetvā (pāci. aṭṭha. 118) saṃharitvā cīvaravaṃse laggetvā gantabbaṃ. Pacchā āgantvā vasanakabhikkhunāpi puna mañcapīṭhaṃ vā paññapetvā sayitvā gacchantena tatheva kātabbaṃ. Antokuṭṭato seyyaṃ bahikuṭṭe paññapetvā vasantena gamanakāle puna gahitaṭṭhāneyeva paṭisāmetabbaṃ. Uparipāsādato oropetvā heṭṭhāpāsāde vasantassāpi eseva nayo. Rattiṭṭhānadivāṭṭhānesu mañcapīṭhaṃ paññapetvāpi gamanakāle puna gahitaṭṭhāneyeva ṭhapetabbaṃ. Uddharāpetvā gamanepi eseva nayo. Āpucchitvā gacchantena pana ‘‘bhikkhumhi sati bhikkhu āpucchitabbo’’tiādinā (pāci. aṭṭha. 116) heṭṭhā vuttanayeneva āpucchitvā gantabbaṃ.
д̣̇уд̇ияасзнаасанасигкаабад̣̇аван̣н̣анаа нидтид̇аа.
Dutiyasenāsanasikkhāpadavaṇṇanā niṭṭhitā.
