| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၅. ဒုတိယသေနာသနသိက္ခာပဒဝဏ္ဏနာ
5. Dutiyasenāsanasikkhāpadavaṇṇanā
၁၁၆-၇. ဧတ္တကမေဝ ဝုတ္တမဋ္ဌကထာသု, တထာပိ ပဒဋ္ဌာဒယောပိ လဗ္ဘန္တိ ဧဝ။ အနုဂဏ္ဌိပဒေ ‘‘အညံ အတ္ထရဏာဒိ အကပ္ပိယတ္တာ န ဝုတ္တ’’န္တိ ဝုတ္တံ။ ‘‘မဉ္စံ ဝာ ပီဌံ ဝာ ဝိဟာရေ ဝာ ဝိဟာရူပစာရေ ဝာ’တိ ဣမိနာပိ သံသန္ဒနတ္ထံ ‘ကိဉ္စာပိ ဝုတ္တော, အထ ခော’တိအာဒိ အာရဒ္ဓ’’န္တိ စ ဝုတ္တံ။ ဥပစာရမတ္တဉ္စေတံ ‘‘ရုက္ခမူလေ’’တိ, တတ္ထ ဝတ္တဗ္ဗံ နတ္ထိ။
116-7.Ettakameva vuttamaṭṭhakathāsu, tathāpi padaṭṭhādayopi labbhanti eva. Anugaṇṭhipade ‘‘aññaṃ attharaṇādi akappiyattā na vutta’’nti vuttaṃ. ‘‘Mañcaṃ vā pīṭhaṃ vā vihāre vā vihārūpacāre vā’ti imināpi saṃsandanatthaṃ ‘kiñcāpi vutto, atha kho’tiādi āraddha’’nti ca vuttaṃ. Upacāramattañcetaṃ ‘‘rukkhamūle’’ti, tattha vattabbaṃ natthi.
၁၁၈. အနာပုစ္ဆိတ္ဝာပိ ဂန္တုံ ဝဋ္ဋတီတိ အသတိယာ ဂစ္ဆတောပိ အနာပတ္တိ, အာပုစ္ဆနံ ပန ဝတ္တံ သဉ္စိစ္စ အနာပုစ္ဆတော ဝတ္တဘေဒဒုက္ကဋတ္တာ။ ပုဂ္ဂလိကသေနာသနေ သင္ဃိကသေယ္ယံ, သင္ဃိကသေနာသနေ ဝာ ပုဂ္ဂလိကသေယ္ယံ အတ္ထရိတ္ဝာ ဂစ္ဆန္တသ္သ ဒုက္ကဋံ ယုတ္တံ ဝိယ။ ကသ္မာ? ‘‘သေယ္ယာမတ္တမေဝ နသ္သေယ္ယာ’’တိ ဝုတ္တတ္တာ။ ဣဓ ပန ‘‘ပလိဗုဒ္ဓံ ပလိဗုဒ္ဓော’’တိ ဒုဝိဓမ္ပိ အတ္ထိ။
118.Anāpucchitvāpi gantuṃ vaṭṭatīti asatiyā gacchatopi anāpatti, āpucchanaṃ pana vattaṃ sañcicca anāpucchato vattabhedadukkaṭattā. Puggalikasenāsane saṅghikaseyyaṃ, saṅghikasenāsane vā puggalikaseyyaṃ attharitvā gacchantassa dukkaṭaṃ yuttaṃ viya. Kasmā? ‘‘Seyyāmattameva nasseyyā’’ti vuttattā. Idha pana ‘‘palibuddhaṃ palibuddho’’ti duvidhampi atthi.
ဒုတိယသေနာသနသိက္ခာပဒဝဏ္ဏနာ နိဋ္ဌိတာ။
Dutiyasenāsanasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဘူတဂာမဝဂ္ဂော • 2. Bhūtagāmavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၅. ဒုတိယသေနာသနသိက္ခာပဒဝဏ္ဏနာ • 5. Dutiyasenāsanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. ဒုတိယသေနာသနသိက္ခာပဒဝဏ္ဏနာ • 5. Dutiyasenāsanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. ဒုတိယသေနာသနသိက္ခာပဒဝဏ္ဏနာ • 5. Dutiyasenāsanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. ဒုတိယသေနာသနသိက္ခာပဒံ • 5. Dutiyasenāsanasikkhāpadaṃ
