| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༥. དུཏིཡསེནཱསནསིཀྑཱཔདཝཎྞནཱ
5. Dutiyasenāsanasikkhāpadavaṇṇanā
༡༡༦. པཉྩམེ པཱཝཱརོ ཀོཛཝོཏི པཙྩཏྠརཎཏྠཱཡེཝ ཋཔིཏཱ ཨུགྒཏལོམཱ ཨཏྠརཎཝིསེསཱ། ཨེཏྟཀམེཝ ཝུཏྟནྟི ཨཊྛཀཐཱསུ ཝུཏྟཾ། སེནཱསནཏོཏི སབྦཔཙྪིམསེནཱསནཏོ།
116. Pañcame pāvāro kojavoti paccattharaṇatthāyeva ṭhapitā uggatalomā attharaṇavisesā. Ettakameva vuttanti aṭṭhakathāsu vuttaṃ. Senāsanatoti sabbapacchimasenāsanato.
༡༡༧. ཀུརུནྡཊྛཀཐཱཡཾ ཝུཏྟམེཝཏྠཾ སཝིསེསཾ ཀཏྭཱ དསྶེཏུཾ ‘‘ཀིཉྩཱཔི ཝུཏྟོ’’ཏིཨཱདི ཨཱརདྡྷཾ། ཝཏྟབྦཾ ནཏྠཱིཏི རུཀྑམཱུལསྶ པཱཀཊཏྟཱ ཝུཏྟཾ། པལུཛྫཏཱིཏི ཝིནསྶཏི།
117.Kurundaṭṭhakathāyaṃ vuttamevatthaṃ savisesaṃ katvā dassetuṃ ‘‘kiñcāpi vutto’’tiādi āraddhaṃ. Vattabbaṃ natthīti rukkhamūlassa pākaṭattā vuttaṃ. Palujjatīti vinassati.
༡༡༨. ཡེན མཉྩཾ ཝཱ པཱིཋཾ ཝཱ ཝཱིནནྟི, ཏཾ མཉྩཔཱིཋཀཝཱནཾ། སིལུཙྩཡལེཎནྟི པབྦཏགུཧཱ། ‘‘ཨཱཔུཙྪནཾ པན ཝཏྟ’’ནྟི ཨིམིནཱ ཨཱཔཏྟི ནཏྠཱིཏི དསྶེཏི། ཝུཏྟལཀྑཎསེཡྻཱ, ཏསྶཱ སངྒྷིཀཏཱ, ཝུཏྟལཀྑཎེ ཝིཧཱརེ སནྠརཎཾ ཝཱ སནྠརཱཔནཾ ཝཱ, ཨཔལིབུདྡྷཏཱ, ཨཱཔདཱཡ ཨབྷཱཝོ, ཨནཔེཀྑསྶ དིསཱཔཀྐམནཾ, ཨུཔཙཱརསཱིམཱཏིཀྐམོཏི ཨིམཱནེཏྠ སཏྟ ཨངྒཱནི།
118. Yena mañcaṃ vā pīṭhaṃ vā vīnanti, taṃ mañcapīṭhakavānaṃ. Siluccayaleṇanti pabbataguhā. ‘‘Āpucchanaṃ pana vatta’’nti iminā āpatti natthīti dasseti. Vuttalakkhaṇaseyyā, tassā saṅghikatā, vuttalakkhaṇe vihāre santharaṇaṃ vā santharāpanaṃ vā, apalibuddhatā, āpadāya abhāvo, anapekkhassa disāpakkamanaṃ, upacārasīmātikkamoti imānettha satta aṅgāni.
དུཏིཡསེནཱསནསིཀྑཱཔདཝཎྞནཱ ནིཊྛིཏཱ།
Dutiyasenāsanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥. དུཏིཡསེནཱསནསིཀྑཱཔདཾ • 5. Dutiyasenāsanasikkhāpadaṃ
