| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ
5. Dutiyasenāsanasikkhāpadavaṇṇanā
੧੧੬. ਦੁਤਿਯਸੇਨਾਸਨਸਿਕ੍ਖਾਪਦੇ – ਭਿਸੀਤਿ ਮਞ੍ਚਕਭਿਸਿ વਾ ਪੀਠਕਭਿਸਿ વਾ। ਚਿਮਿਲਿਕਾਦੀਨਿਪਿ ਪੁਰਿਮਸਿਕ੍ਖਾਪਦੇ વੁਤ੍ਤਪ੍ਪਕਾਰਾਨਿਯੇવ। ਨਿਸੀਦਨਨ੍ਤਿ ਸਦਸਂ વੇਦਿਤਬ੍ਬਂ। ਪਚ੍ਚਤ੍ਥਰਣਨ੍ਤਿ ਪਾવਾਰੋ ਕੋਜવੋਤਿ ਏਤ੍ਤਕਮੇવ વੁਤ੍ਤਂ। ਤਿਣਸਨ੍ਥਾਰੋਤਿ ਯੇਸਂ ਕੇਸਞ੍ਚਿ ਤਿਣਾਨਂ ਸਨ੍ਥਾਰੋ । ਏਸ ਨਯੋ ਪਣ੍ਣਸਨ੍ਥਾਰੇ। ਪਰਿਕ੍ਖੇਪਂ ਅਤਿਕ੍ਕਮਨ੍ਤਸ੍ਸਾਤਿ ਏਤ੍ਥ ਪਠਮਪਾਦਂ ਅਤਿਕ੍ਕਾਮੇਨ੍ਤਸ੍ਸ ਦੁਕ੍ਕਟਂ, ਦੁਤਿਯਾਤਿਕ੍ਕਮੇ ਪਾਚਿਤ੍ਤਿਯਂ। ਅਪਰਿਕ੍ਖਿਤ੍ਤਸ੍ਸ ਉਪਚਾਰੋ ਨਾਮ ਸੇਨਾਸਨਤੋ ਦ੍વੇ ਲੇਡ੍ਡੁਪਾਤਾ।
116. Dutiyasenāsanasikkhāpade – bhisīti mañcakabhisi vā pīṭhakabhisi vā. Cimilikādīnipi purimasikkhāpade vuttappakārāniyeva. Nisīdananti sadasaṃ veditabbaṃ. Paccattharaṇanti pāvāro kojavoti ettakameva vuttaṃ. Tiṇasanthāroti yesaṃ kesañci tiṇānaṃ santhāro . Esa nayo paṇṇasanthāre. Parikkhepaṃ atikkamantassāti ettha paṭhamapādaṃ atikkāmentassa dukkaṭaṃ, dutiyātikkame pācittiyaṃ. Aparikkhittassa upacāro nāma senāsanato dve leḍḍupātā.
ਅਨਾਪੁਚ੍ਛਂ વਾ ਗਚ੍ਛੇਯ੍ਯਾਤਿ ਏਤ੍ਥ ਭਿਕ੍ਖੁਮ੍ਹਿ ਸਤਿ ਭਿਕ੍ਖੁ ਆਪੁਚ੍ਛਿਤਬ੍ਬੋ। ਤਸ੍ਮਿਂ ਅਸਤਿ ਸਾਮਣੇਰੋ, ਤਸ੍ਮਿਂ ਅਸਤਿ ਆਰਾਮਿਕੋ, ਤਸ੍ਮਿਮ੍ਪਿ ਅਸਤਿ ਯੇਨ વਿਹਾਰੋ ਕਾਰਿਤੋ ਸੋ વਿਹਾਰਸਾਮਿਕੋ, ਤਸ੍ਸ વਾ ਕੁਲੇ ਯੋ ਕੋਚਿ ਆਪੁਚ੍ਛਿਤਬ੍ਬੋ। ਤਸ੍ਮਿਮ੍ਪਿ ਅਸਤਿ ਚਤੂਸੁ ਪਾਸਾਣੇਸੁ ਮਞ੍ਚਂ ਠਪੇਤ੍વਾ ਮਞ੍ਚੇ ਅવਸੇਸਮਞ੍ਚਪੀਠਾਨਿ ਆਰੋਪੇਤ੍વਾ ਉਪਰਿ ਭਿਸਿਆਦਿਕਂ ਦਸવਿਧਮ੍ਪਿ ਸੇਯ੍ਯਂ ਰਾਸਿਂ ਕਰਿਤ੍વਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਪਟਿਸਾਮੇਤ੍વਾ ਦ੍વਾਰવਾਤਪਾਨਾਨਿ ਪਿਦਹਿਤ੍વਾ ਗਮਿਯવਤ੍ਤਂ ਪੂਰੇਤ੍વਾ ਗਨ੍ਤਬ੍ਬਂ। ਸਚੇ ਪਨ ਸੇਨਾਸਨਂ ਓવਸ੍ਸਤਿ, ਛਦਨਤ੍ਥਞ੍ਚ ਤਿਣਂ વਾ ਇਟ੍ਠਕਾ વਾ ਆਨੀਤਾ ਹੋਨ੍ਤਿ, ਸਚੇ ਉਸ੍ਸਹਤਿ, ਛਾਦੇਤਬ੍ਬਂ। ਨੋ ਚੇ ਸਕ੍ਕੋਤਿ, ਯੋ ਓਕਾਸੋ ਅਨੋવਸ੍ਸਕੋ, ਤਤ੍ਥ ਮਞ੍ਚਪੀਠਾਦੀਨਿ ਨਿਕ੍ਖਿਪਿਤ੍વਾ ਗਨ੍ਤਬ੍ਬਂ। ਸਚੇ ਸਬ੍ਬਮ੍ਪਿ ਓવਸ੍ਸਤਿ, ਉਸ੍ਸਹਨ੍ਤੇਨ ਅਨ੍ਤੋਗਾਮੇ ਉਪਾਸਕਾਨਂ ਘਰੇ ਠਪੇਤਬ੍ਬਂ। ਸਚੇ ਤੇਪਿ ‘‘ਸਙ੍ਘਿਕਂ ਨਾਮ ਭਨ੍ਤੇ ਭਾਰਿਯਂ, ਅਗ੍ਗਿਦਾਹਾਦੀਨਂ ਭਾਯਾਮਾ’’ਤਿ ਨ ਸਮ੍ਪਟਿਚ੍ਛਨ੍ਤਿ, ਅਜ੍ਝੋਕਾਸੇਪਿ ਪਾਸਾਣਾਨਂ ਉਪਰਿ ਮਞ੍ਚਂ ਠਪੇਤ੍વਾ ਸੇਸਂ ਪੁਬ੍ਬੇ વੁਤ੍ਤਨਯੇਨੇવ ਨਿਕ੍ਖਿਪਿਤ੍વਾ ਤਿਣੇਹਿ ਚ ਪਣ੍ਣੇਹਿ ਚ ਪਟਿਚ੍ਛਾਦੇਤ੍વਾ ਗਨ੍ਤੁਂ વਟ੍ਟਤਿ। ਯਞ੍ਹਿ ਤਤ੍ਥ ਅਙ੍ਗਮਤ੍ਤਮ੍ਪਿ ਅવਸਿਸ੍ਸਤਿ, ਤਂ ਅਞ੍ਞੇਸਂ ਤਤ੍ਥ ਆਗਤਾਨਂ ਭਿਕ੍ਖੂਨਂ ਉਪਕਾਰਂ ਭવਿਸ੍ਸਤੀਤਿ ।
Anāpucchaṃvā gaccheyyāti ettha bhikkhumhi sati bhikkhu āpucchitabbo. Tasmiṃ asati sāmaṇero, tasmiṃ asati ārāmiko, tasmimpi asati yena vihāro kārito so vihārasāmiko, tassa vā kule yo koci āpucchitabbo. Tasmimpi asati catūsu pāsāṇesu mañcaṃ ṭhapetvā mañce avasesamañcapīṭhāni āropetvā upari bhisiādikaṃ dasavidhampi seyyaṃ rāsiṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānāni pidahitvā gamiyavattaṃ pūretvā gantabbaṃ. Sace pana senāsanaṃ ovassati, chadanatthañca tiṇaṃ vā iṭṭhakā vā ānītā honti, sace ussahati, chādetabbaṃ. No ce sakkoti, yo okāso anovassako, tattha mañcapīṭhādīni nikkhipitvā gantabbaṃ. Sace sabbampi ovassati, ussahantena antogāme upāsakānaṃ ghare ṭhapetabbaṃ. Sace tepi ‘‘saṅghikaṃ nāma bhante bhāriyaṃ, aggidāhādīnaṃ bhāyāmā’’ti na sampaṭicchanti, ajjhokāsepi pāsāṇānaṃ upari mañcaṃ ṭhapetvā sesaṃ pubbe vuttanayeneva nikkhipitvā tiṇehi ca paṇṇehi ca paṭicchādetvā gantuṃ vaṭṭati. Yañhi tattha aṅgamattampi avasissati, taṃ aññesaṃ tattha āgatānaṃ bhikkhūnaṃ upakāraṃ bhavissatīti .
੧੧੭. વਿਹਾਰਸ੍ਸ ਉਪਚਾਰੇਤਿਆਦੀਸੁ વਿਹਾਰਸ੍ਸੂਪਚਾਰੋ ਨਾਮ ਪਰਿવੇਣਂ। ਉਪਟ੍ਠਾਨਸਾਲਾਤਿ ਪਰਿવੇਣਭੋਜਨਸਾਲਾ। ਮਣ੍ਡਪੋਤਿ ਪਰਿવੇਣਮਣ੍ਡਪੋ। ਰੁਕ੍ਖਮੂਲਨ੍ਤਿ ਪਰਿવੇਣਰੁਕ੍ਖਮੂਲਂ। ਅਯਂ ਤਾવ ਨਯੋ ਕੁਰੁਨ੍ਦਟ੍ਠਕਥਾਯਂ વੁਤ੍ਤੋ। ਕਿਞ੍ਚਾਪਿ વੁਤ੍ਤੋ, ਅਥ ਖੋ વਿਹਾਰੋਤਿ ਅਨ੍ਤੋਗਬ੍ਭੋ વਾ ਅਞ੍ਞਂ વਾ ਸਬ੍ਬਪਰਿਚ੍ਛਨ੍ਨਂ ਗੁਤ੍ਤਸੇਨਾਸਨਂ વੇਦਿਤਬ੍ਬਂ। વਿਹਾਰਸ੍ਸ ਉਪਚਾਰੇਤਿ ਤਸ੍ਸ ਬਹਿ ਆਸਨ੍ਨੇ ਓਕਾਸੇ। ਉਪਟ੍ਠਾਨਸਾਲਾਯਂ વਾਤਿ ਭੋਜਨਸਾਲਾਯਂ વਾ। ਮਣ੍ਡਪੇ વਾਤਿ ਅਪਰਿਚ੍ਛਨ੍ਨੇ ਪਰਿਚ੍ਛਨ੍ਨੇ વਾਪਿ ਬਹੂਨਂ ਸਨ੍ਨਿਪਾਤਮਣ੍ਡਪੇ। ਰੁਕ੍ਖਮੂਲੇ વਤ੍ਤਬ੍ਬਂ ਨਤ੍ਥਿ। ਆਪਤ੍ਤਿ ਦੁਕ੍ਕਟਸ੍ਸਾਤਿ વੁਤ੍ਤਪ੍ਪਕਾਰਞ੍ਹਿ ਦਸવਿਧਂ ਸੇਯ੍ਯਂ ਅਨ੍ਤੋਗਬ੍ਭਾਦਿਮ੍ਹਿ ਗੁਤ੍ਤਟ੍ਠਾਨੇ ਪਞ੍ਞਪੇਤ੍વਾ ਗਚ੍ਛਨ੍ਤਸ੍ਸ ਯਸ੍ਮਾ ਸੇਯ੍ਯਾਪਿ ਸੇਨਾਸਨਮ੍ਪਿ ਉਪਚਿਕਾਹਿ ਪਲੁਜ੍ਜਤਿ, વਮ੍ਮਿਕਰਾਸਿਯੇવ ਹੋਤਿ, ਤਸ੍ਮਾ ਪਾਚਿਤ੍ਤਿਯਂ વੁਤ੍ਤਂ। ਬਹਿ ਪਨ ਉਪਟ੍ਠਾਨਸਾਲਾਦੀਸੁ ਪਞ੍ਞਪੇਤ੍વਾ ਗਚ੍ਛਨ੍ਤਸ੍ਸ ਸੇਯ੍ਯਾਮਤ੍ਤਮੇવ ਨਸ੍ਸੇਯ੍ਯ, ਠਾਨਸ੍ਸ ਅਗੁਤ੍ਤਤਾਯ ਨ ਸੇਨਾਸਨਂ, ਤਸ੍ਮਾ ਏਤ੍ਥ ਦੁਕ੍ਕਟਂ વੁਤ੍ਤਂ। ਮਞ੍ਚਂ વਾ ਪੀਠਂ વਾਤਿ ਏਤ੍ਥ ਯਸ੍ਮਾ ਨ ਸਕ੍ਕਾ ਮਞ੍ਚਪੀਠਂ ਸਹਸਾ ਉਪਚਿਕਾਹਿ ਖਾਯਿਤੁਂ, ਤਸ੍ਮਾ ਤਂ વਿਹਾਰੇਪਿ ਸਨ੍ਥਰਿਤ੍વਾ ਗਚ੍ਛਨ੍ਤਸ੍ਸ ਦੁਕ੍ਕਟਂ વੁਤ੍ਤਂ। વਿਹਾਰੂਪਚਾਰੇ ਪਨ ਤਂ વਿਹਾਰਚਾਰਿਕਂ ਆਹਿਣ੍ਡਨ੍ਤਾਪਿ ਦਿਸ੍વਾ ਪਟਿਸਾਮੇਸ੍ਸਨ੍ਤਿ।
117.Vihārassa upacāretiādīsu vihārassūpacāro nāma pariveṇaṃ. Upaṭṭhānasālāti pariveṇabhojanasālā. Maṇḍapoti pariveṇamaṇḍapo. Rukkhamūlanti pariveṇarukkhamūlaṃ. Ayaṃ tāva nayo kurundaṭṭhakathāyaṃ vutto. Kiñcāpi vutto, atha kho vihāroti antogabbho vā aññaṃ vā sabbaparicchannaṃ guttasenāsanaṃ veditabbaṃ. Vihārassa upacāreti tassa bahi āsanne okāse. Upaṭṭhānasālāyaṃ vāti bhojanasālāyaṃ vā. Maṇḍape vāti aparicchanne paricchanne vāpi bahūnaṃ sannipātamaṇḍape. Rukkhamūle vattabbaṃ natthi. Āpatti dukkaṭassāti vuttappakārañhi dasavidhaṃ seyyaṃ antogabbhādimhi guttaṭṭhāne paññapetvā gacchantassa yasmā seyyāpi senāsanampi upacikāhi palujjati, vammikarāsiyeva hoti, tasmā pācittiyaṃ vuttaṃ. Bahi pana upaṭṭhānasālādīsu paññapetvā gacchantassa seyyāmattameva nasseyya, ṭhānassa aguttatāya na senāsanaṃ, tasmā ettha dukkaṭaṃ vuttaṃ. Mañcaṃ vā pīṭhaṃ vāti ettha yasmā na sakkā mañcapīṭhaṃ sahasā upacikāhi khāyituṃ, tasmā taṃ vihārepi santharitvā gacchantassa dukkaṭaṃ vuttaṃ. Vihārūpacāre pana taṃ vihāracārikaṃ āhiṇḍantāpi disvā paṭisāmessanti.
੧੧੮. ਉਦ੍ਧਰਿਤ੍વਾ ਗਚ੍ਛਤੀਤਿ ਏਤ੍ਥ ਉਦ੍ਧਰਿਤ੍વਾ ਗਚ੍ਛਨ੍ਤੇਨ ਮਞ੍ਚਪੀਠਕવਾਟਂ ਸਬ੍ਬਂ ਅਪਨੇਤ੍વਾ ਸਂਹਰਿਤ੍વਾ ਚੀવਰવਂਸੇ ਲਗ੍ਗੇਤ੍વਾ ਗਨ੍ਤਬ੍ਬਂ। ਪਚ੍ਛਾ ਆਗਨ੍ਤ੍વਾ વਸਨਕਭਿਕ੍ਖੁਨਾਪਿ ਪੁਨ ਮਞ੍ਚਪੀਠਂ વਾ ਪਞ੍ਞਪੇਤ੍વਾ ਸਯਿਤ੍વਾ ਗਚ੍ਛਨ੍ਤੇਨ ਤਥੇવ ਕਾਤਬ੍ਬਂ। ਅਨ੍ਤੋਕੁਟ੍ਟਤੋ ਸੇਯ੍ਯਂ ਬਹਿਕੁਟ੍ਟੇ ਪਞ੍ਞਪੇਤ੍વਾ વਸਨ੍ਤੇਨ ਗਮਨਕਾਲੇ ਗਹਿਤਟ੍ਠਾਨੇਯੇવ ਪਟਿਸਾਮੇਤਬ੍ਬਂ। ਉਪਰਿਪਾਸਾਦਤੋ ਓਰੋਪੇਤ੍વਾ ਹੇਟ੍ਠਾਪਾਸਾਦੇ વਸਨ੍ਤਸ੍ਸਪਿ ਏਸੇવ ਨਯੋ। ਰਤ੍ਤਿਟ੍ਠਾਨਦਿવਾਟ੍ਠਾਨੇਸੁ ਮਞ੍ਚਪੀਠਂ ਪਞ੍ਞਪੇਤ੍વਾਪਿ ਗਮਨਕਾਲੇ ਪੁਨ ਗਹਿਤਟ੍ਠਾਨੇਯੇવ ਠਪੇਤਬ੍ਬਂ।
118.Uddharitvāgacchatīti ettha uddharitvā gacchantena mañcapīṭhakavāṭaṃ sabbaṃ apanetvā saṃharitvā cīvaravaṃse laggetvā gantabbaṃ. Pacchā āgantvā vasanakabhikkhunāpi puna mañcapīṭhaṃ vā paññapetvā sayitvā gacchantena tatheva kātabbaṃ. Antokuṭṭato seyyaṃ bahikuṭṭe paññapetvā vasantena gamanakāle gahitaṭṭhāneyeva paṭisāmetabbaṃ. Uparipāsādato oropetvā heṭṭhāpāsāde vasantassapi eseva nayo. Rattiṭṭhānadivāṭṭhānesu mañcapīṭhaṃ paññapetvāpi gamanakāle puna gahitaṭṭhāneyeva ṭhapetabbaṃ.
ਆਪੁਚ੍ਛਂ ਗਚ੍ਛਤੀਤਿ ਏਤ੍ਥਾਯਂ ਆਪੁਚ੍ਛਿਤਬ੍ਬਾਨਾਪੁਚ੍ਛਿਤਬ੍ਬવਿਨਿਚ੍ਛਯੋ – ਯਾ ਤਾવ ਭੂਮਿਯਂ ਦੀਘਸਾਲਾ વਾ ਪਣ੍ਣਸਾਲਾ વਾ ਹੋਤਿ, ਯਂ વਾ ਰੁਕ੍ਖਤ੍ਥਮ੍ਭੇਸੁ, ਕਤਗੇਹਂ ਉਪਚਿਕਾਨਂ ਉਟ੍ਠਾਨਟ੍ਠਾਨਂ ਹੋਤਿ, ਤਤੋ ਪਕ੍ਕਮਨ੍ਤੇਨ ਤਾવ ਆਪੁਚ੍ਛਿਤ੍વਾવ ਪਕ੍ਕਮਿਤਬ੍ਬਂ। ਤਸ੍ਮਿਞ੍ਹਿ ਕਤਿਪਯਾਨਿ ਦਿવਸਾਨਿ ਅਜਗ੍ਗਿਯਮਾਨੇ વਮ੍ਮਿਕਾવ ਸਨ੍ਤਿਟ੍ਠਨ੍ਤਿ। ਯਂ ਪਨ ਪਾਸਾਣਪਿਟ੍ਠਿਯਂ વਾ ਪਾਸਾਣਤ੍ਥਮ੍ਭੇਸੁ વਾ ਕਤਸੇਨਾਸਨਂ ਸਿਲੁਚ੍ਚਯਲੇਣਂ વਾ ਸੁਧਾਲਿਤ੍ਤਸੇਨਾਸਨਂ વਾ ਯਤ੍ਥ ਉਪਚਿਕਾਸਙ੍ਕਾ ਨਤ੍ਥਿ, ਤਤੋ ਪਕ੍ਕਮਨ੍ਤਸ੍ਸ ਆਪੁਚ੍ਛਿਤ੍વਾਪਿ ਅਨਾਪੁਚ੍ਛਿਤ੍વਾਪਿ ਗਨ੍ਤੁਂ વਟ੍ਟਤਿ, ਆਪੁਚ੍ਛਨਂ ਪਨ વਤ੍ਤਂ। ਸਚੇ ਤਾਦਿਸੇਪਿ ਸੇਨਾਸਨੇ ਏਕੇਨ ਪਸ੍ਸੇਨ ਉਪਚਿਕਾ ਆਰੋਹਨ੍ਤਿ, ਆਪੁਚ੍ਛਿਤ੍વਾવ ਗਨ੍ਤਬ੍ਬਂ। ਯੋ ਪਨ ਆਗਨ੍ਤੁਕੋ ਭਿਕ੍ਖੁ ਸਙ੍ਘਿਕਂ ਸੇਨਾਸਨਂ ਗਹੇਤ੍વਾ વਸਨ੍ਤਂ ਭਿਕ੍ਖੁਂ ਅਨੁવਤ੍ਤਨ੍ਤੋ ਅਤ੍ਤਨੋ ਸੇਨਾਸਨਂ ਅਗ੍ਗਹੇਤ੍વਾ વਸਤਿ, ਯਾવ ਸੋ ਨ ਗਣ੍ਹਾਤਿ, ਤਾવ ਤਂ ਸੇਨਾਸਨਂ ਪੁਰਿਮਭਿਕ੍ਖੁਸ੍ਸੇવ ਪਲਿਬੋਧੋ। ਯਦਾ ਪਨ ਸੋ ਸੇਨਾਸਨਂ ਗਹੇਤ੍વਾ ਅਤ੍ਤਨੋ ਇਸ੍ਸਰਿਯੇਨ વਸਤਿ, ਤਤੋ ਪਟ੍ਠਾਯ ਆਗਨ੍ਤੁਕਸ੍ਸੇવ ਪਲਿਬੋਧੋ। ਸਚੇ ਉਭੋਪਿ વਿਭਜਿਤ੍વਾ ਗਣ੍ਹਨ੍ਤਿ, ਉਭਿਨ੍ਨਮ੍ਪਿ ਪਲਿਬੋਧੋ। ਮਹਾਪਚ੍ਚਰਿਯਂ ਪਨ વੁਤ੍ਤਂ – ‘‘ਸਚੇ ਦ੍વੇ ਤਯੋ ਏਕਤੋ ਹੁਤ੍વਾ ਪਞ੍ਞਪੇਨ੍ਤਿ, ਗਮਨਕਾਲੇ ਸਬ੍ਬੇਹਿਪਿ ਆਪੁਚ੍ਛਿਤਬ੍ਬਂ। ਤੇਸੁ ਚੇ ਪਠਮਂ ਗਚ੍ਛਨ੍ਤੋ ‘ਪਚ੍ਛਿਮੋ ਜਗ੍ਗਿਸ੍ਸਤੀ’ਤਿ ਆਭੋਗਂ ਕਤ੍વਾ ਗਚ੍ਛਤਿ વਟ੍ਟਤਿ। ਪਚ੍ਛਿਮਸ੍ਸ ਆਭੋਗੇਨ ਮੁਤ੍ਤਿ ਨਤ੍ਥਿ। ਬਹੂ ਏਕਂ ਪੇਸੇਤ੍વਾ ਸਨ੍ਥਰਾਪੇਨ੍ਤਿ, ਗਮਨਕਾਲੇ ਸਬ੍ਬੇਹਿ વਾ ਆਪੁਚ੍ਛਿਤਬ੍ਬਂ , ਏਕਂ વਾ ਪੇਸੇਤ੍વਾ ਆਪੁਚ੍ਛਿਤਬ੍ਬਂ। ਅਞ੍ਞਤੋ ਮਞ੍ਚਪੀਠਾਦੀਨਿ ਆਨੇਤ੍વਾ ਅਞ੍ਞਤ੍ਰ વਸਿਤ੍વਾਪਿ ਗਮਨਕਾਲੇ ਤਤ੍ਥੇવ ਨੇਤਬ੍ਬਾਨਿ। ਸਚੇ ਅਞ੍ਞਾવਾਸਤੋ ਆਨੇਤ੍વਾ વਸਮਾਨਸ੍ਸ ਅਞ੍ਞੋ વੁਡ੍ਢਤਰੋ ਆਗਚ੍ਛਤਿ, ਨ ਪਟਿਬਾਹਿਤਬ੍ਬੋ, ‘ਮਯਾ ਭਨ੍ਤੇ ਅਞ੍ਞਾવਾਸਤੋ ਆਨੀਤਂ, ਪਾਕਤਿਕਂ ਕਰੇਯ੍ਯਾਥਾ’ਤਿ વਤ੍ਤਬ੍ਬਂ। ਤੇਨ ‘ਏવਂ ਕਰਿਸ੍ਸਾਮੀ’ਤਿ ਸਮ੍ਪਟਿਚ੍ਛਿਤੇ ਇਤਰਸ੍ਸ ਗਨ੍ਤੁਂ વਟ੍ਟਤਿ। ਏવਮਞ੍ਞਤ੍ਥ ਹਰਿਤ੍વਾਪਿ ਸਙ੍ਘਿਕਪਰਿਭੋਗੇਨ ਪਰਿਭੁਞ੍ਜਨ੍ਤਸ੍ਸ ਨਟ੍ਠਂ વਾ ਜਿਣ੍ਣਂ વਾ ਚੋਰੇਹਿ વਾ ਹਟਂ ਗੀવਾ ਨ ਹੋਤਿ, ਪੁਗ੍ਗਲਿਕਪਰਿਭੋਗੇਨ ਪਰਿਭੁਞ੍ਜਨ੍ਤਸ੍ਸ ਪਨ ਗੀવਾ ਹੋਤਿ। ਅਞ੍ਞਸ੍ਸ ਮਞ੍ਚਪੀਠਂ ਪਨ ਸਙ੍ਘਿਕਪਰਿਭੋਗੇਨ વਾ ਪੁਗ੍ਗਲਿਕਪਰਿਭੋਗੇਨ વਾ ਪਰਿਭੁਞ੍ਜਨ੍ਤਸ੍ਸ ਨਟ੍ਠਂ ਗੀવਾਯੇવ’’।
Āpucchaṃ gacchatīti etthāyaṃ āpucchitabbānāpucchitabbavinicchayo – yā tāva bhūmiyaṃ dīghasālā vā paṇṇasālā vā hoti, yaṃ vā rukkhatthambhesu, katagehaṃ upacikānaṃ uṭṭhānaṭṭhānaṃ hoti, tato pakkamantena tāva āpucchitvāva pakkamitabbaṃ. Tasmiñhi katipayāni divasāni ajaggiyamāne vammikāva santiṭṭhanti. Yaṃ pana pāsāṇapiṭṭhiyaṃ vā pāsāṇatthambhesu vā katasenāsanaṃ siluccayaleṇaṃ vā sudhālittasenāsanaṃ vā yattha upacikāsaṅkā natthi, tato pakkamantassa āpucchitvāpi anāpucchitvāpi gantuṃ vaṭṭati, āpucchanaṃ pana vattaṃ. Sace tādisepi senāsane ekena passena upacikā ārohanti, āpucchitvāva gantabbaṃ. Yo pana āgantuko bhikkhu saṅghikaṃ senāsanaṃ gahetvā vasantaṃ bhikkhuṃ anuvattanto attano senāsanaṃ aggahetvā vasati, yāva so na gaṇhāti, tāva taṃ senāsanaṃ purimabhikkhusseva palibodho. Yadā pana so senāsanaṃ gahetvā attano issariyena vasati, tato paṭṭhāya āgantukasseva palibodho. Sace ubhopi vibhajitvā gaṇhanti, ubhinnampi palibodho. Mahāpaccariyaṃ pana vuttaṃ – ‘‘sace dve tayo ekato hutvā paññapenti, gamanakāle sabbehipi āpucchitabbaṃ. Tesu ce paṭhamaṃ gacchanto ‘pacchimo jaggissatī’ti ābhogaṃ katvā gacchati vaṭṭati. Pacchimassa ābhogena mutti natthi. Bahū ekaṃ pesetvā santharāpenti, gamanakāle sabbehi vā āpucchitabbaṃ , ekaṃ vā pesetvā āpucchitabbaṃ. Aññato mañcapīṭhādīni ānetvā aññatra vasitvāpi gamanakāle tattheva netabbāni. Sace aññāvāsato ānetvā vasamānassa añño vuḍḍhataro āgacchati, na paṭibāhitabbo, ‘mayā bhante aññāvāsato ānītaṃ, pākatikaṃ kareyyāthā’ti vattabbaṃ. Tena ‘evaṃ karissāmī’ti sampaṭicchite itarassa gantuṃ vaṭṭati. Evamaññattha haritvāpi saṅghikaparibhogena paribhuñjantassa naṭṭhaṃ vā jiṇṇaṃ vā corehi vā haṭaṃ gīvā na hoti, puggalikaparibhogena paribhuñjantassa pana gīvā hoti. Aññassa mañcapīṭhaṃ pana saṅghikaparibhogena vā puggalikaparibhogena vā paribhuñjantassa naṭṭhaṃ gīvāyeva’’.
ਕੇਨਚਿ ਪਲਿਬੁਦ੍ਧਂ ਹੋਤੀਤਿ વੁਡ੍ਢਤਰਭਿਕ੍ਖੂਇਸ੍ਸਰਿਯਯਕ੍ਖਸੀਹવਾਲ਼ਮਿਗਕਣ੍ਹਸਪ੍ਪਾਦੀਸੁ ਯੇਨ ਕੇਨਚਿ ਸੇਨਾਸਨਂ ਪਲਿਬੁਦ੍ਧਂ ਹੋਤਿ। ਸਾਪੇਕ੍ਖੋ ਗਨ੍ਤ੍વਾ ਤਤ੍ਥ ਠਿਤੋ ਆਪੁਚ੍ਛਤਿ, ਕੇਨਚਿ ਪਲਿਬੁਦ੍ਧੋ ਹੋਤੀਤਿ ਅਜ੍ਜੇવ ਆਗਨ੍ਤ੍વਾ ਪਟਿਜਗ੍ਗਿਸ੍ਸਾਮੀਤਿ ਏવਂ ਸਾਪੇਕ੍ਖੋ ਨਦੀਪਾਰਂ વਾ ਗਾਮਨ੍ਤਰਂ વਾ ਗਨ੍ਤ੍વਾ ਯਤ੍ਥਸ੍ਸ ਗਮਨਚਿਤ੍ਤਂ ਉਪ੍ਪਨ੍ਨਂ, ਤਤ੍ਥੇવ ਠਿਤੋ ਕਞ੍ਚਿ ਪੇਸੇਤ੍વਾ ਆਪੁਚ੍ਛਤਿ, ਨਦੀਪੂਰਰਾਜਚੋਰਾਦੀਸੁ વਾ ਕੇਨਚਿ ਪਲਿਬੁਦ੍ਧੋ ਹੋਤਿ ਉਪਦ੍ਦੁਤੋ, ਨ ਸਕ੍ਕੋਤਿ ਪਚ੍ਚਾਗਨ੍ਤੁਂ, ਏવਂਭੂਤਸ੍ਸਪਿ ਅਨਾਪਤ੍ਤਿ। ਸੇਸਂ ਪਠਮਸਿਕ੍ਖਾਪਦੇ વੁਤ੍ਤਨਯਮੇવ ਸਦ੍ਧਿਂ ਸਮੁਟ੍ਠਾਨਾਦੀਹੀਤਿ।
Kenaci palibuddhaṃ hotīti vuḍḍhatarabhikkhūissariyayakkhasīhavāḷamigakaṇhasappādīsu yena kenaci senāsanaṃ palibuddhaṃ hoti. Sāpekkho gantvā tattha ṭhito āpucchati, kenaci palibuddho hotīti ajjeva āgantvā paṭijaggissāmīti evaṃ sāpekkho nadīpāraṃ vā gāmantaraṃ vā gantvā yatthassa gamanacittaṃ uppannaṃ, tattheva ṭhito kañci pesetvā āpucchati, nadīpūrarājacorādīsu vā kenaci palibuddho hoti upadduto, na sakkoti paccāgantuṃ, evaṃbhūtassapi anāpatti. Sesaṃ paṭhamasikkhāpade vuttanayameva saddhiṃ samuṭṭhānādīhīti.
ਦੁਤਿਯਸੇਨਾਸਨਸਿਕ੍ਖਾਪਦਂ ਪਞ੍ਚਮਂ।
Dutiyasenāsanasikkhāpadaṃ pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਦੁਤਿਯਸੇਨਾਸਨਸਿਕ੍ਖਾਪਦਂ • 5. Dutiyasenāsanasikkhāpadaṃ
