| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. து³தியஸிக்கா²பத³ங்
2. Dutiyasikkhāpadaṃ
799. து³தியே ஸங்த³ஸ்ஸனங் பா³த⁴தி நிஸேதே⁴தி அஸ்மிங் டா²னேதி ஸம்பா³த⁴ந்தி வசனத்தே²ன படிச்ச²ன்னோகாஸோ ஸம்பா³தோ⁴ நாமாதி த³ஸ்ஸெந்தோ ஆஹ ‘‘படிச்ச²ன்னோகாஸே’’தி. உபோ⁴ உபகச்ச²காதி த்³வே பா³ஹுமூலா. தே ஹி உபரி யங்கிஞ்சி வத்து²ங் கசதி ப³ந்த⁴தி எத்தா²தி உபகச்ச²காதி வுச்சந்தி. முத்தகரணந்தி பஸ்ஸாவமக்³கோ³. ஸோ ஹி முத்தங் கரோதி அனேனாதி முத்தகரணந்தி வுச்சதி. லோமோ கத்தீயதி சி²ந்தீ³யதி இமாயாதி கத்தரி, தாய வா, ஸுட்டு² த³ள்ஹங் லோமங் ட³ங்ஸதீதி ஸண்டா³ஸோ, ஸோயேவ ஸண்டா³ஸகோ, தேன வா, கு²ரதி லோமங் சி²ந்த³தீதி கு²ரோ, தேன வா ஸங்ஹராபெந்தியாதி ஸம்ப³ந்தோ⁴. ஸங்ஹராபெந்தியாதி அபனெந்தியாதி. து³தியங்.
799. Dutiye saṃdassanaṃ bādhati nisedheti asmiṃ ṭhāneti sambādhanti vacanatthena paṭicchannokāso sambādho nāmāti dassento āha ‘‘paṭicchannokāse’’ti. Ubho upakacchakāti dve bāhumūlā. Te hi upari yaṃkiñci vatthuṃ kacati bandhati etthāti upakacchakāti vuccanti. Muttakaraṇanti passāvamaggo. So hi muttaṃ karoti anenāti muttakaraṇanti vuccati. Lomo kattīyati chindīyati imāyāti kattari, tāya vā, suṭṭhu daḷhaṃ lomaṃ ḍaṃsatīti saṇḍāso, soyeva saṇḍāsako, tena vā, khurati lomaṃ chindatīti khuro, tena vā saṃharāpentiyāti sambandho. Saṃharāpentiyāti apanentiyāti. Dutiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 2. து³தியஸிக்கா²பத³ங் • 2. Dutiyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 2. து³தியஸிக்கா²பத³வண்ணனா • 2. Dutiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
