| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
2. д̣̇уд̇ияасигкаабад̣̇ам̣
2. Dutiyasikkhāpadaṃ
1184. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо яаанзна яааяанд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо яаанзна яааяиссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз. … д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо яаанзна яааяиссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо яаанзна яааяанд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо яаанзна яааяиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1184. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo yānena yāyanti. Manussā ujjhāyanti khiyyanti vipācenti – ‘‘kathañhi nāma bhikkhuniyo yānena yāyissanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe. … tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo yānena yāyissantī’’ti…pe… saccaṃ kira, bhikkhave, chabbaggiyā bhikkhuniyo yānena yāyantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo yānena yāyissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний яаанзна яааязяяа, баажид̇д̇ияа’’нд̇и.
‘‘Yāpana bhikkhunī yānena yāyeyya, pācittiya’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
1185. д̇зна ко бана самаязна ан̃н̃ад̇араа бхигкуний г̇илаанаа ход̇и, на саггод̇и бад̣̇асаа г̇анд̇ум̣…бз… бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, г̇илаанааяа бхигкунияаа яаанам̣. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1185. Tena kho pana samayena aññatarā bhikkhunī gilānā hoti, na sakkoti padasā gantuṃ…pe… bhagavato etamatthaṃ ārocesuṃ…pe… anujānāmi, bhikkhave, gilānāya bhikkhuniyā yānaṃ. Evañca pana, bhikkhave, bhikkhuniyo imaṃ sikkhāpadaṃ uddisantu –
1186. ‘‘яаа бана бхигкуний аг̇илаанаа яаанзна яааязяяа, баажид̇д̇ияа’’нд̇и.
1186.‘‘Yāpana bhikkhunī agilānā yānena yāyeyya, pācittiya’’nti.
1187. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1187.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аг̇илаанаа наама саггод̇и бад̣̇асаа г̇анд̇ум̣.
Agilānā nāma sakkoti padasā gantuṃ.
г̇илаанаа наама на саггод̇и бад̣̇асаа г̇анд̇ум̣.
Gilānā nāma na sakkoti padasā gantuṃ.
яаанам̣ наама ваяхам̣ рат̇о сагадам̣ санд̣̇амаанигаа сивигаа баадан̇гий.
Yānaṃ nāma vayhaṃ ratho sakaṭaṃ sandamānikā sivikā pāṭaṅkī.
яааязяяаад̇и сагимби яаанзна яааяад̇и, аабад̇д̇и баажид̇д̇ияасса.
Yāyeyyāti sakimpi yānena yāyati, āpatti pācittiyassa.
1188. аг̇илаанаа аг̇илаанасан̃н̃аа яаанзна яааяад̇и, аабад̇д̇и баажид̇д̇ияасса. аг̇илаанаа взмад̇игаа яаанзна яааяад̇и, аабад̇д̇и баажид̇д̇ияасса . аг̇илаанаа г̇илаанасан̃н̃аа яаанзна яааяад̇и, аабад̇д̇и баажид̇д̇ияасса.
1188. Agilānā agilānasaññā yānena yāyati, āpatti pācittiyassa. Agilānā vematikā yānena yāyati, āpatti pācittiyassa . Agilānā gilānasaññā yānena yāyati, āpatti pācittiyassa.
г̇илаанаа аг̇илаанасан̃н̃аа, аабад̇д̇и д̣̇уггадасса. г̇илаанаа взмад̇игаа, аабад̇д̇и д̣̇уггадасса. г̇илаанаа г̇илаанасан̃н̃аа, анаабад̇д̇и.
Gilānā agilānasaññā, āpatti dukkaṭassa. Gilānā vematikā, āpatti dukkaṭassa. Gilānā gilānasaññā, anāpatti.
1189. анаабад̇д̇и г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
1189. Anāpatti gilānāya, āpadāsu, ummattikāya, ādikammikāyāti.
д̣̇уд̇ияасигкаабад̣̇ам̣ нидтид̇ам̣.
Dutiyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 2. д̣̇уд̇ияасигкаабад̣̇аван̣н̣анаа • 2. Dutiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияасигкаабад̣̇ам̣ • 2. Dutiyasikkhāpadaṃ
