| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
2. து³தியஸிக்கா²பத³வண்ணனா
2. Dutiyasikkhāpadavaṇṇanā
1030. பி⁴க்கு²னீ சே பி⁴க்கு²ங் அக்கோஸதி, இமினா ஸிக்கா²பதே³ன பாசித்தியங். பி⁴க்கு²னிங் சே அக்கோஸதி, ஓமஸவாதே³ன ஆபஜ்ஜதி. ஓமஸவாதே³ ஸம்முகா²வ ருஹதி, இத⁴ பன பரம்முகா²பி.
1030. Bhikkhunī ce bhikkhuṃ akkosati, iminā sikkhāpadena pācittiyaṃ. Bhikkhuniṃ ce akkosati, omasavādena āpajjati. Omasavāde sammukhāva ruhati, idha pana parammukhāpi.
தத்ராயங் விசாரணா – பி⁴க்கு²விப⁴ங்கே³ ஓஸமவாத³ஸிக்கா²பதே³ பி⁴க்கு²னீ அனுபஸம்பன்னட்டா²னே திட்ட²தீதி கத்வா பி⁴க்கு²னிவிப⁴ங்கே³பி ஓமஸவாத³ஸிக்கா²பதே³ பி⁴க்கு² பி⁴க்கு²னியா அனுபஸம்பன்னட்டா²னே திட்ட²தீதி ஸித்³த⁴ங். இத⁴ ச அனுபஸம்பன்னஸ்ஸ அக்கோஸனே து³க்கடங் வுத்தங், பி⁴க்கு²ஸ்ஸ உபஸம்பன்னஸ்ஸ அக்கோஸனே பாசித்தியங் வுத்தங், தஸ்மா இமானி த்³வே ஸிக்கா²பதா³னி பி⁴க்கு²ம்ஹி ஸங்ஸந்தி³யமானானி அஞ்ஞமஞ்ஞங் ந ஸமெந்தி. யதா² ஸமெந்தி, ததா² ஜானிதப்³ப³ங். தத்த² போராணக³ண்டி²பதே³ வுத்தனயேன பி⁴க்கு²னீனங் ஓமஸவாத³ஸிக்கா²பதே³ அனுபஸம்பன்னோதி ந க³ஹேதப்³போ³, இத³மெத்த² யுத்தங். பரிபா⁴ஸெய்யாதி அஞ்ஞத்ர அக்கோஸவத்தூ²ஹி. தேஸு ஹி அஞ்ஞதரஸ்மிங் ஸதி ஓமஸவாத³பாசித்தியமேவாதி ஏகே, தங் ந யுத்தங் . ஓமஸவாதே³ பாளிமுத்தகஅக்கோஸே ஹி து³க்கடங் ஹோதீதி. து³க்கடோகாஸே இத³ங் பாசித்தியங் தேஹி நித்³தி³ட்ட²ங் ஹோதி, தஸ்மா ‘‘பா³லா ஏதா’’தி பாளியங் இத⁴ ஆக³தபதா³னங்யேவ வஸேன பரிபா⁴ஸனங் வேதி³தப்³ப³ங்.
Tatrāyaṃ vicāraṇā – bhikkhuvibhaṅge osamavādasikkhāpade bhikkhunī anupasampannaṭṭhāne tiṭṭhatīti katvā bhikkhunivibhaṅgepi omasavādasikkhāpade bhikkhu bhikkhuniyā anupasampannaṭṭhāne tiṭṭhatīti siddhaṃ. Idha ca anupasampannassa akkosane dukkaṭaṃ vuttaṃ, bhikkhussa upasampannassa akkosane pācittiyaṃ vuttaṃ, tasmā imāni dve sikkhāpadāni bhikkhumhi saṃsandiyamānāni aññamaññaṃ na samenti. Yathā samenti, tathā jānitabbaṃ. Tattha porāṇagaṇṭhipade vuttanayena bhikkhunīnaṃ omasavādasikkhāpade anupasampannoti na gahetabbo, idamettha yuttaṃ. Paribhāseyyāti aññatra akkosavatthūhi. Tesu hi aññatarasmiṃ sati omasavādapācittiyamevāti eke, taṃ na yuttaṃ . Omasavāde pāḷimuttakaakkose hi dukkaṭaṃ hotīti. Dukkaṭokāse idaṃ pācittiyaṃ tehi niddiṭṭhaṃ hoti, tasmā ‘‘bālā etā’’ti pāḷiyaṃ idha āgatapadānaṃyeva vasena paribhāsanaṃ veditabbaṃ.
து³தியஸிக்கா²பத³வண்ணனா நிட்டி²தா.
Dutiyasikkhāpadavaṇṇanā niṭṭhitā.
1033. ததியஸிக்கா²பத³ங் உத்தானத்த²மேவ.
1033. Tatiyasikkhāpadaṃ uttānatthameva.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga
2. து³தியஸிக்கா²பத³ங் • 2. Dutiyasikkhāpadaṃ
3. ததியஸிக்கா²பத³ங் • 3. Tatiyasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
