| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
२. दुतियसिक्खापदवण्णना
2. Dutiyasikkhāpadavaṇṇanā
१०३०. भिक्खुनी चे भिक्खुं अक्कोसति, इमिना सिक्खापदेन पाचित्तियं। भिक्खुनिं चे अक्कोसति, ओमसवादेन आपज्जति। ओमसवादे सम्मुखाव रुहति, इध पन परम्मुखापि।
1030. Bhikkhunī ce bhikkhuṃ akkosati, iminā sikkhāpadena pācittiyaṃ. Bhikkhuniṃ ce akkosati, omasavādena āpajjati. Omasavāde sammukhāva ruhati, idha pana parammukhāpi.
तत्रायं विचारणा – भिक्खुविभङ्गे ओसमवादसिक्खापदे भिक्खुनी अनुपसम्पन्नट्ठाने तिट्ठतीति कत्वा भिक्खुनिविभङ्गेपि ओमसवादसिक्खापदे भिक्खु भिक्खुनिया अनुपसम्पन्नट्ठाने तिट्ठतीति सिद्धं। इध च अनुपसम्पन्नस्स अक्कोसने दुक्कटं वुत्तं, भिक्खुस्स उपसम्पन्नस्स अक्कोसने पाचित्तियं वुत्तं, तस्मा इमानि द्वे सिक्खापदानि भिक्खुम्हि संसन्दियमानानि अञ्ञमञ्ञं न समेन्ति। यथा समेन्ति, तथा जानितब्बं। तत्थ पोराणगण्ठिपदे वुत्तनयेन भिक्खुनीनं ओमसवादसिक्खापदे अनुपसम्पन्नोति न गहेतब्बो, इदमेत्थ युत्तं। परिभासेय्याति अञ्ञत्र अक्कोसवत्थूहि। तेसु हि अञ्ञतरस्मिं सति ओमसवादपाचित्तियमेवाति एके, तं न युत्तं । ओमसवादे पाळिमुत्तकअक्कोसे हि दुक्कटं होतीति। दुक्कटोकासे इदं पाचित्तियं तेहि निद्दिट्ठं होति, तस्मा ‘‘बाला एता’’ति पाळियं इध आगतपदानंयेव वसेन परिभासनं वेदितब्बं।
Tatrāyaṃ vicāraṇā – bhikkhuvibhaṅge osamavādasikkhāpade bhikkhunī anupasampannaṭṭhāne tiṭṭhatīti katvā bhikkhunivibhaṅgepi omasavādasikkhāpade bhikkhu bhikkhuniyā anupasampannaṭṭhāne tiṭṭhatīti siddhaṃ. Idha ca anupasampannassa akkosane dukkaṭaṃ vuttaṃ, bhikkhussa upasampannassa akkosane pācittiyaṃ vuttaṃ, tasmā imāni dve sikkhāpadāni bhikkhumhi saṃsandiyamānāni aññamaññaṃ na samenti. Yathā samenti, tathā jānitabbaṃ. Tattha porāṇagaṇṭhipade vuttanayena bhikkhunīnaṃ omasavādasikkhāpade anupasampannoti na gahetabbo, idamettha yuttaṃ. Paribhāseyyāti aññatra akkosavatthūhi. Tesu hi aññatarasmiṃ sati omasavādapācittiyamevāti eke, taṃ na yuttaṃ . Omasavāde pāḷimuttakaakkose hi dukkaṭaṃ hotīti. Dukkaṭokāse idaṃ pācittiyaṃ tehi niddiṭṭhaṃ hoti, tasmā ‘‘bālā etā’’ti pāḷiyaṃ idha āgatapadānaṃyeva vasena paribhāsanaṃ veditabbaṃ.
दुतियसिक्खापदवण्णना निट्ठिता।
Dutiyasikkhāpadavaṇṇanā niṭṭhitā.
१०३३. ततियसिक्खापदं उत्तानत्थमेव।
1033. Tatiyasikkhāpadaṃ uttānatthameva.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga
२. दुतियसिक्खापदं • 2. Dutiyasikkhāpadaṃ
३. ततियसिक्खापदं • 3. Tatiyasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. पठमादिसिक्खापदवण्णना • 1. Paṭhamādisikkhāpadavaṇṇanā
