| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๒. ทุติยสิกฺขาปทวณฺณนา
2. Dutiyasikkhāpadavaṇṇanā
๑๐๓๐. ภิกฺขุนี เจ ภิกฺขุํ อโกฺกสติ, อิมินา สิกฺขาปเทน ปาจิตฺติยํฯ ภิกฺขุนิํ เจ อโกฺกสติ, โอมสวาเทน อาปชฺชติฯ โอมสวาเท สมฺมุขาว รุหติ, อิธ ปน ปรมฺมุขาปิฯ
1030. Bhikkhunī ce bhikkhuṃ akkosati, iminā sikkhāpadena pācittiyaṃ. Bhikkhuniṃ ce akkosati, omasavādena āpajjati. Omasavāde sammukhāva ruhati, idha pana parammukhāpi.
ตตฺรายํ วิจารณา – ภิกฺขุวิภเงฺค โอสมวาทสิกฺขาปเท ภิกฺขุนี อนุปสมฺปนฺนฎฺฐาเน ติฎฺฐตีติ กตฺวา ภิกฺขุนิวิภเงฺคปิ โอมสวาทสิกฺขาปเท ภิกฺขุ ภิกฺขุนิยา อนุปสมฺปนฺนฎฺฐาเน ติฎฺฐตีติ สิทฺธํฯ อิธ จ อนุปสมฺปนฺนสฺส อโกฺกสเน ทุกฺกฎํ วุตฺตํ, ภิกฺขุสฺส อุปสมฺปนฺนสฺส อโกฺกสเน ปาจิตฺติยํ วุตฺตํ, ตสฺมา อิมานิ เทฺว สิกฺขาปทานิ ภิกฺขุมฺหิ สํสนฺทิยมานานิ อญฺญมญฺญํ น สเมนฺติฯ ยถา สเมนฺติ, ตถา ชานิตพฺพํฯ ตตฺถ โปราณคณฺฐิปเท วุตฺตนเยน ภิกฺขุนีนํ โอมสวาทสิกฺขาปเท อนุปสมฺปโนฺนติ น คเหตโพฺพ, อิทเมตฺถ ยุตฺตํฯ ปริภาเสยฺยาติ อญฺญตฺร อโกฺกสวตฺถูหิฯ เตสุ หิ อญฺญตรสฺมิํ สติ โอมสวาทปาจิตฺติยเมวาติ เอเก, ตํ น ยุตฺตํ ฯ โอมสวาเท ปาฬิมุตฺตกอโกฺกเส หิ ทุกฺกฎํ โหตีติฯ ทุกฺกโฎกาเส อิทํ ปาจิตฺติยํ เตหิ นิทฺทิฎฺฐํ โหติ, ตสฺมา ‘‘พาลา เอตา’’ติ ปาฬิยํ อิธ อาคตปทานํเยว วเสน ปริภาสนํ เวทิตพฺพํฯ
Tatrāyaṃ vicāraṇā – bhikkhuvibhaṅge osamavādasikkhāpade bhikkhunī anupasampannaṭṭhāne tiṭṭhatīti katvā bhikkhunivibhaṅgepi omasavādasikkhāpade bhikkhu bhikkhuniyā anupasampannaṭṭhāne tiṭṭhatīti siddhaṃ. Idha ca anupasampannassa akkosane dukkaṭaṃ vuttaṃ, bhikkhussa upasampannassa akkosane pācittiyaṃ vuttaṃ, tasmā imāni dve sikkhāpadāni bhikkhumhi saṃsandiyamānāni aññamaññaṃ na samenti. Yathā samenti, tathā jānitabbaṃ. Tattha porāṇagaṇṭhipade vuttanayena bhikkhunīnaṃ omasavādasikkhāpade anupasampannoti na gahetabbo, idamettha yuttaṃ. Paribhāseyyāti aññatra akkosavatthūhi. Tesu hi aññatarasmiṃ sati omasavādapācittiyamevāti eke, taṃ na yuttaṃ . Omasavāde pāḷimuttakaakkose hi dukkaṭaṃ hotīti. Dukkaṭokāse idaṃ pācittiyaṃ tehi niddiṭṭhaṃ hoti, tasmā ‘‘bālā etā’’ti pāḷiyaṃ idha āgatapadānaṃyeva vasena paribhāsanaṃ veditabbaṃ.
ทุติยสิกฺขาปทวณฺณนา นิฎฺฐิตาฯ
Dutiyasikkhāpadavaṇṇanā niṭṭhitā.
๑๐๓๓. ตติยสิกฺขาปทํ อุตฺตานตฺถเมวฯ
1033. Tatiyasikkhāpadaṃ uttānatthameva.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga
๒. ทุติยสิกฺขาปทํ • 2. Dutiyasikkhāpadaṃ
๓. ตติยสิกฺขาปทํ • 3. Tatiyasikkhāpadaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมาทิสิกฺขาปทวณฺณนา • 1. Paṭhamādisikkhāpadavaṇṇanā
