| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೨. ದುತಿಯಸಿಕ್ಖಾಪದವಣ್ಣನಾ
2. Dutiyasikkhāpadavaṇṇanā
೧೦೩೦. ಭಿಕ್ಖುನೀ ಚೇ ಭಿಕ್ಖುಂ ಅಕ್ಕೋಸತಿ, ಇಮಿನಾ ಸಿಕ್ಖಾಪದೇನ ಪಾಚಿತ್ತಿಯಂ। ಭಿಕ್ಖುನಿಂ ಚೇ ಅಕ್ಕೋಸತಿ, ಓಮಸವಾದೇನ ಆಪಜ್ಜತಿ। ಓಮಸವಾದೇ ಸಮ್ಮುಖಾವ ರುಹತಿ, ಇಧ ಪನ ಪರಮ್ಮುಖಾಪಿ।
1030. Bhikkhunī ce bhikkhuṃ akkosati, iminā sikkhāpadena pācittiyaṃ. Bhikkhuniṃ ce akkosati, omasavādena āpajjati. Omasavāde sammukhāva ruhati, idha pana parammukhāpi.
ತತ್ರಾಯಂ ವಿಚಾರಣಾ – ಭಿಕ್ಖುವಿಭಙ್ಗೇ ಓಸಮವಾದಸಿಕ್ಖಾಪದೇ ಭಿಕ್ಖುನೀ ಅನುಪಸಮ್ಪನ್ನಟ್ಠಾನೇ ತಿಟ್ಠತೀತಿ ಕತ್ವಾ ಭಿಕ್ಖುನಿವಿಭಙ್ಗೇಪಿ ಓಮಸವಾದಸಿಕ್ಖಾಪದೇ ಭಿಕ್ಖು ಭಿಕ್ಖುನಿಯಾ ಅನುಪಸಮ್ಪನ್ನಟ್ಠಾನೇ ತಿಟ್ಠತೀತಿ ಸಿದ್ಧಂ। ಇಧ ಚ ಅನುಪಸಮ್ಪನ್ನಸ್ಸ ಅಕ್ಕೋಸನೇ ದುಕ್ಕಟಂ ವುತ್ತಂ, ಭಿಕ್ಖುಸ್ಸ ಉಪಸಮ್ಪನ್ನಸ್ಸ ಅಕ್ಕೋಸನೇ ಪಾಚಿತ್ತಿಯಂ ವುತ್ತಂ, ತಸ್ಮಾ ಇಮಾನಿ ದ್ವೇ ಸಿಕ್ಖಾಪದಾನಿ ಭಿಕ್ಖುಮ್ಹಿ ಸಂಸನ್ದಿಯಮಾನಾನಿ ಅಞ್ಞಮಞ್ಞಂ ನ ಸಮೇನ್ತಿ। ಯಥಾ ಸಮೇನ್ತಿ, ತಥಾ ಜಾನಿತಬ್ಬಂ। ತತ್ಥ ಪೋರಾಣಗಣ್ಠಿಪದೇ ವುತ್ತನಯೇನ ಭಿಕ್ಖುನೀನಂ ಓಮಸವಾದಸಿಕ್ಖಾಪದೇ ಅನುಪಸಮ್ಪನ್ನೋತಿ ನ ಗಹೇತಬ್ಬೋ, ಇದಮೇತ್ಥ ಯುತ್ತಂ। ಪರಿಭಾಸೇಯ್ಯಾತಿ ಅಞ್ಞತ್ರ ಅಕ್ಕೋಸವತ್ಥೂಹಿ। ತೇಸು ಹಿ ಅಞ್ಞತರಸ್ಮಿಂ ಸತಿ ಓಮಸವಾದಪಾಚಿತ್ತಿಯಮೇವಾತಿ ಏಕೇ, ತಂ ನ ಯುತ್ತಂ । ಓಮಸವಾದೇ ಪಾಳಿಮುತ್ತಕಅಕ್ಕೋಸೇ ಹಿ ದುಕ್ಕಟಂ ಹೋತೀತಿ। ದುಕ್ಕಟೋಕಾಸೇ ಇದಂ ಪಾಚಿತ್ತಿಯಂ ತೇಹಿ ನಿದ್ದಿಟ್ಠಂ ಹೋತಿ, ತಸ್ಮಾ ‘‘ಬಾಲಾ ಏತಾ’’ತಿ ಪಾಳಿಯಂ ಇಧ ಆಗತಪದಾನಂಯೇವ ವಸೇನ ಪರಿಭಾಸನಂ ವೇದಿತಬ್ಬಂ।
Tatrāyaṃ vicāraṇā – bhikkhuvibhaṅge osamavādasikkhāpade bhikkhunī anupasampannaṭṭhāne tiṭṭhatīti katvā bhikkhunivibhaṅgepi omasavādasikkhāpade bhikkhu bhikkhuniyā anupasampannaṭṭhāne tiṭṭhatīti siddhaṃ. Idha ca anupasampannassa akkosane dukkaṭaṃ vuttaṃ, bhikkhussa upasampannassa akkosane pācittiyaṃ vuttaṃ, tasmā imāni dve sikkhāpadāni bhikkhumhi saṃsandiyamānāni aññamaññaṃ na samenti. Yathā samenti, tathā jānitabbaṃ. Tattha porāṇagaṇṭhipade vuttanayena bhikkhunīnaṃ omasavādasikkhāpade anupasampannoti na gahetabbo, idamettha yuttaṃ. Paribhāseyyāti aññatra akkosavatthūhi. Tesu hi aññatarasmiṃ sati omasavādapācittiyamevāti eke, taṃ na yuttaṃ . Omasavāde pāḷimuttakaakkose hi dukkaṭaṃ hotīti. Dukkaṭokāse idaṃ pācittiyaṃ tehi niddiṭṭhaṃ hoti, tasmā ‘‘bālā etā’’ti pāḷiyaṃ idha āgatapadānaṃyeva vasena paribhāsanaṃ veditabbaṃ.
ದುತಿಯಸಿಕ್ಖಾಪದವಣ್ಣನಾ ನಿಟ್ಠಿತಾ।
Dutiyasikkhāpadavaṇṇanā niṭṭhitā.
೧೦೩೩. ತತಿಯಸಿಕ್ಖಾಪದಂ ಉತ್ತಾನತ್ಥಮೇವ।
1033. Tatiyasikkhāpadaṃ uttānatthameva.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಭಿಕ್ಖುನೀವಿಭಙ್ಗ • Bhikkhunīvibhaṅga
೨. ದುತಿಯಸಿಕ್ಖಾಪದಂ • 2. Dutiyasikkhāpadaṃ
೩. ತತಿಯಸಿಕ್ಖಾಪದಂ • 3. Tatiyasikkhāpadaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಪಠಮಾದಿಸಿಕ್ಖಾಪದವಣ್ಣನಾ • 1. Paṭhamādisikkhāpadavaṇṇanā
